يازين يوم اني انا وانتي صغار..تو مالبست شماغ وانتي عباايهــ

[ارجوان الحب]

يازين يوم اني انا وانتي صغار..تو مالبست شماغ وانتي عباايهــ


يازين يوم اني اناوانتي صغار
تومالبست شماغ وانتي عبايه

بالطول ماناصل ولوخمسةاشبار
دايم نقيس اطوالنا بالمرايه

مابيننا شين نخبيه واسرار
ماغيرلعب اطفال كل الحكايه

ماهمنا موجزولانشرة اخبار
التسليه صارت وسيله وغايه

وان جا فلم كرتون للقطو والفار
نجلس نتابع قصته للنهايه

بالمدرسه نزعل عشان الاصفار
انتي سبب لعبك وانا غبايه

ياماتهاوشنا على كيس فيشار
انحاش به وافرح بطردك ورايه

وان قلتي يافلان ياويلك من النار
اخاف واستسلم وابين خطايه

والى ضربتيني تقل بيننا ثار
وان قلت كافي قلتي ماهوكفايه

والى خلصتي ضرب يمين ويسار
اخذتي الفيشارواللي معايه

والى زعلت وقلت ابا اروح للدار
صحتي وقلتي اسفه يا غلايه

واصدقك وافرح بعد ذيك الاعذار
واجيك لاحاقد ولا احمل وشايه

بس لواشوفك مع بشر غيري اغار
لوكان اخوي او من اعز اصدقايه

واركض لخوك اقول شفهامع كبار
عشان يفرض لي عليك الوصايه

هذي طفولتنا براءه و تذكار
دايم نحن اليا ذكرنا البدايه

واليوم ابا اكتبها سواليف واشعار
و افكر انتجها بفلم و روايه

راقـــــــــــــت لــــــــــــــي...http://forum.z7mh.com/images/face/1%20%2839%29.gif

[بحر الشوق]

صح لسانك ولسان شاعرها


يعطيك العافيه


تحيتي

[زهرة توليب]

رجووونة
يسلمووو على هالطرح
ماننحرم جديدك يارب
اتمنى لاجلك سعاده لاتنتهي
وكل ـالود وـالوردلقلبك

[الوفاء طبـ ع ـي]

ياااااااااهـ
مافي احلى من ايام الطفوولة وذكريتها
يسلمووو رجوونتي ع اختياارك الرائع
ابدعتي في انتقاء ذائقتك

[ارجوان الحب]

لاحرمني وجودكـ الطاهر
مروركم عطر متصفحي

لكم ودي