ديوان الشاعر طــلال الرشيد

[ملامح خجوله]

الأمير طلال بن عبدالعزيز الرشيد
http://www.alfrasha.com/up/542339194658163562.gif (http://forum.5aa5.com/t46757.html)



طلال بن عبدالعزيز بن سعود بن عبدالعزيز الرشيد الجعفري العبدي الشمري
نسبه :
http://www.alfrasha.com/up/8655766181586935795.gif (http://forum.5aa5.com/t46757.html)

طلال بن عبالعزيز بن سعود بن عبدالعزيز بن متعب بن عبدالله بن علي بن رشيد بن حمد بن خضير بن خليل بن جاسر بن علي بن عطيّه .. ينتسبون
إلى آل خليل من الجعفر من عبده من شمّر .
.
أعمامه :

http://www.alfrasha.com/up/8655766181586935795.gif (http://forum.5aa5.com/t46757.html)1- محمد بن سعود بن عبدالعزيز وقد إستقر وأبناءه بجده حتى توفي فيها.
2- سعود بن سعود بن عبدالعزيز وقد ولد بعد وفاة والده وتوفي عام 1417هـ
بالرياض أي قبل سبع سنوات تقريبا . وله من الأبناء ( نزار ) ( مهند ) .
.
أخواله :

http://www.alfrasha.com/up/8655766181586935795.gif (http://forum.5aa5.com/t46757.html)
1- محمد بن بندر سعود السبهان . . حفظه الله .. ويستقر في الرياض .
2- ممدوح بن بندر سعود السبهان . رحمه الله ..
3- فهد بن بندر سعود السبهان . حفظه الله ويستقر بحائل.
4- مشعل بن بندر سعود السبهان . .
والدتـــه :

http://www.alfrasha.com/up/8655766181586935795.gif (http://forum.5aa5.com/t46757.html)هي عموشه بنت بندر سعود السبهان . حفظها الله .
.
جدّه :

********

نبذة عن طلال الرشيد
.. شاعر الحب .. وفارس الكلمة ..
http://www.alfrasha.com/up/542339194658163562.gif (http://forum.5aa5.com/t46757.html)

بين أجا وسلمى من فوق قمم المجد من سفوح التاريخ الأصيل والمجد المؤثل ، من رائحة الهيل وصهوات الخيل من مياه حائل العذبة النقيَّة ، ومن فوق جبل شمر شهر الحر الأصيل خيَّال ذروات أخو نورة ...
هناك نشأ إنسان نبيل هو


طللا بن عبدالعزيز بن سعود بن عبدالعزيز بن متعب بن عبدالله بن علي بن رشيد


سليل المجد .. الفارس الضيغمي .. شاعر الحب .. الإنسان .. شرب النقاء منذ نعومة أظفارة وورث الأنفة والكبرياء والشمم منذ كان في صلب أبية ورحم أمة .
عام (1382هـ) الموافق (1962 م) ولد طلال في أم الربيعين في المدينة الحدباء الموصل ، إحدى المدن العراقيَّة والعربيَّة حيث كان والدة يقيم هناك في تلك الفترة ونشا يتيماً حيث توفي والده وهو في السنوات الأولى من عمره ثم عادت عائلته إلى المملكة العربية السعوديَّة لتقيم في مدينة جدة وتتنقل في الإجازات بين حائل والطائف والرياض .....
في مدينة جدة بدأ دراسته في مدرسة (( أبي بكر الصديق ))بحي الرويس مع أخوية زامل وعبدالعزيز وكان رحمة الله متفوقاً في دراستة ....
يقول شقيقة عبدالعزيز عن تلك المرحلة

http://www.alfrasha.com/up/542339194658163562.gif (http://forum.5aa5.com/t46757.html)

: كان رحمة الله متفوقاً ويتمتع بالذكاء الشديد ولا يمل من مناقشة المدرسين وفي هذه الفترة كان من يتعامل معه يشعر بأنه أكبر من سنة حيث كان يفضل الجلوس مع الكبار من الرجال ويشارك في طرح الرأي ويسمع للحكي والقصص وكان يفضل هذه الأمور على اللعب واللهو ، كما يفعل أي صبي في عمره
وكان دائماً يحب أن يظهر وكأنه أكبر من عمرة الحقيقي ....
واصل ابو نواف دراسته في جدة حتى أنهى المرحلة الثانوية ثم إنتقل مع عائلته بعد ذلك واستقر في الرياض وبها أكمل دراسته الجامعيَّة حيث إلتحق بجامعة الملك سعود كلية العلوم الإداريَّة وبعد تخرجة من الجامعة واصل دراستة في الولايات المتحدة الأمريكيَّة وفي عام (1987 م ) تزوج أم نواف بنت الشيخ النعيمي ورُزق منها بولديه **( نواف و عبدالعزيز )**
http://www.alfrasha.com/up/542339194658163562.gif (http://forum.5aa5.com/t46757.html)

* وفي بداية التسعينات أسس الأمسية الأسبوعيَّة السبتيَّة في بيته والتي كان يرتادها أبرز الشعراء الموجودين في الساحه الشعريَّة


* وفي عام (1994 م ) أسس حلمة الجميل وطفلته الرائعة فواصل ، إقتناعاً بأهمية وجود مجلة تهتم بقضايا المجتمع والشباب والثقافة والشعر وتعالجها وتقدمها بأسلوب يتناسب مع متطلبات العصر .


* وإيماناً منه برتاثنا وضرورة الحفاظ عليه فقد أسس عام (2003 م ) مع سمو الأمير سلطان بن محمد بن سعود آل سعود مجلة ( البواسل ) التي تعني بالتراث عامة وبالإبل والخيل والطيور والصيد بشكل خاص ، ولا زالت هذه المجلة تواصل تألقها وتقدم النافع والمفيد ..


* كم أسس مع الدكتور طارق السويدان مجلة ( إبداع )


* كما كانت له رحمة الله طموحات وأحلام إعلاميَّة أخرى ، فقد فكر في إصدار جريدة رياضيَّة وقناة تلفزيونيَّة تهتم بشؤون الشعر والتراث لكن المنية عاجلته


* أحيا الراحل العديد من الأمسيات الشعريَّة من بينها :
1 . أمسية الجنادرية
2 . أمسية الكويت – في مهرجان هلا فبراير وفي نادي الفتاه
3 . أمسية البحرين الأولى .

4 . أمسية البحرين الثانية
5 . أمسية دبي
6 . أمسية حائل
7 . أمسية الطائف

. 8أمسية الشارقة .


* كما كتب كلمات أوبريت دورة الخليج


* عرف الملتاع بوطنيته الصادقة وإخلاصة الشديد لولاة الأمر وحبة العميق للوطن وأبناء الوطن


* كان إنساناً بكل ما تعنيه الكلمة من معنى حريصاً على الخير وعلى مساعدة الآخرين ومد يد العون لهم وله في ذلك مواقف كثيرة نسأل الله ان يجعلها في موازين حسناته .



* ماذكر هو جزء بسيط من أعماله وخطواته وإنجازاته التي حققها الراحل ونجح بها وحقق الثبات الصحفي والشعري



* قبل وفاة الراحل بفتره وجيزه قامت شركة فنون الجزيره للإنتاج بإصدار ديوانين صوتيين للراحل يضم من خلالهما مايقارب الثلاثين قصيده ورائعه من روائعه .



* إمتاز بالطيب والنخوه والأصاله وأهم مميزاته الإنسانيه حيث كان أول من إخترق الصحافه بطيب قلبه وتميزه بعمل صفحات خاصه لسداد مشاكل المحتاجين والمرضى وهي دليل على مدة يده البيضاء وهي بعنوان إرحموا من في الأرض وتنشر دوما تحت إشرافه ومتابعته الشخصيه لحل الكثير من القضايا التي تعرض عليه .

[ملامح خجوله]

&& اللقــــب&&

يا صغيّر ما يكبرني لقب=وما يصغرني إذا انكرني صغير
ما خذينا الصيت من جمع لذهب=ولا نسابة شيخ او قربة امير
كاسبينه من هل السيف الحدب=الجنايز كان ما جاك النذير
صيتهم نجم ٍ على رأسه لهب سمعوا الصقهان به واجهر ضرير
بالوفا تاريخ أبيض ينتصب=لا حكوا بالحق حيين الضمير
ضيغمين للسناعيس انتسب=لابةٍ طلنا بها عرش كبير
عند حدك يا كثير الهرج iتب=لا تمر النار وثيابك حرير
كان لك عز بذلي فتعقب=والله ألا تبطي وحبلك قصير
احسبنك من صناديد العرب=واثر ساترتك عباتك يا غرير
ما حسب للسوس زراع القصب=والقراده ما درى عنها البعير
ولو حسبنا للحسايف والتعب=ما بذرنا يا العصافير الشعير
عن هللك ابراي لله واحتسب=الرجال اللي مجارهم عسير
من قريش المصطفى وابولهب=والدغالب ما غشت عذب الغدير
للرجال من الرجاجيل العتب=والزكاة تحل في حال الفقير
لعنبو وقتٍ غدينابه حطب=تحرقه نار يثورها اجير
ما ألومك والزمن سوى العجب=هو بقى غير الكرامه بالجفير
ما أذل وراسي يشم المهب=لو بقى من شمر طفلٍ غرير
ما اهاب ولا يزلزلني غضب=الشجاعه ورث العاقل غزير
يا صغير ما يكبّر باللقلب=غير من هو كان من دونه صغير

[ملامح خجوله]

(اخـــــــر الــــحــب)







كنت احسب اني عرفت الحب قبل اعرفك
وعشقت قبل اعشقك واشتقت قبل التقيـك
وكنت احسب انيرلقيت احباب قبل اوصلك
واثري توهمت في غيرك وانا كنت ابيـك
تعال نعطـش وتشربنـي وانـا اشربـك
تعال قبل الوعد اجلـس معـي نحتريـك
تعال شفنـي وانـا استنـاك ك اشبهـك
يطري علي الف راي و راي واحتارفيك
اجي مكان الوعـد والا اسبقـه انطـرك
والا آخذ الموعد اللي يحتريـك واجيـك
يا آخر الحب ذقـت الحـب فـي اولـك
ويا اول الشوق اقصى الشوق ما ينتهيـك
علمتني كيف اعرفك لين صرت اجهلـك
ضيعتني في متاهاتـك وكنـت ارتجيـك
حبيـب الاحـلام يابعـدك ويامقـربـك
حـرام يكفـي تبعثرنـي وانـا احتويـك
ان شفتك بحلـم صدقتـه وانـا اتوهمـك
وان شفتك بعلـم كذبتـه اليـن انتشيـك
اخاف اغمض عيوني وان رمشت افقـدك
واخاف افتح وتصبـح حلـم ولا التقيـك

[ملامح خجوله]

(حــبيبتي)



حبيبتـي لا مـن غديتـي لـي سـراج اتبعـه
وكني غديت من الظما اركض ويطردني السراب
لا تبخلين اليـا شربتـك ماشربتـك مـن سعـه
دامي من جروح الهموم الموجعه كلي صـواب
اليـوم مرتنـي السوانـي والفصـول الاربعـه
اليـوم مريـت الموانـي والمبانـي والسحـاب
اليـوم ماكنـي لقيتـك مـر صوتـك ماسمعـه
اليوم ما كنـي فقدتـك مـن سؤاليـن وجـواب
يابنت في خدك وهج سيل الشمـوس الساطعـه
احرق بداخل داخلـي انسـان ماهـو للتـراب
واللي خلـق ظلـم الليالـي بالعيـون الهاجعـه
اني من الحرمـان اتسائـل وحرمانـي جـواب
يـوم الـوداع تخيلـي مالـي حبيـب اوادعـه
محروم انا وتخيلي محروم حتى مـن العـذاب
يابنـت لـي قصـه تطـول بكلمتيـن موجعـه
هي باختصار اني انا اركض ويطردني السراب

[ملامح خجوله]

(حــــــــكو فيـــها)

حكو فيها خذوا في طاري الحلوه وجابوا مسكينه بسيرتها تنابوا
واظن الصدق لشفاهم أبد ماهو قريب بشر يا مصعب رضاهم .. وأنا ماني حسيب
أنا سايق عليك الله لاجل الله يا شامت تخلي الشوك من يدك ولا تطرف عيونٍ كحلت بالزين لا نامت.. أنا فداها إذا ودك
ياهل ترى إنتي وين يابنت الشفاة أنا ادور عليك بصورتك وينك
أنا كني لمست رداك وايدينك
ماشفتك بكل الكلام شفتك على سجادتك
كنك تصلين القيام وليلك سرى بعبادتك
ما أصدقه والهرج أبد ماهو دليل ماصدقه ياعل يفداك الدليل
الــلـه يستر خوافيها .... الي حكوا فيها

[ملامح خجوله]

(جـــتنــي)





جتني وشافتهـا عيـونٍ حايـرات
ذا شعاع الشمس أو هـذا سناهـا
ضاعوا ألي جو معاهـا مسيـرات
وأقبلت تمشي تقـل محـدٍ معاهـا
ياسنـم فضـه وياجيـد المهـات
ياشذى نبت الخزامه فـي وطاهـا
قلت كن بوجنتـك زهـر النبـات
قالت إن الرمش يجرح لي صفاها
تجرح الظلمـه عيـونٍ ناعسـات
سلهمت وأغضت تغطرس في بهاها
حققوا بالشوف فـي لـون الشفـاة
هو خذا منها الشفـق والا عطاهـا
ولو ظـلام الليـل يعطينـا ثبـات
فيه من لون الشعـر والا كساهـا
كيف أباصف زين كاملة الصفـات
كيف أباصل في حروفي منتهاهـا

[ملامح خجوله]

(بعـــــض الاحـــباب)



ما قلت احبك ولا قد قلت ما احبـك
احب مالي عيونـي وانـت تسواهـا
لوتدري اشكثر تعني لي تعرف إنـك
آخر امل فـي حياتـي وأول مناهـا
ياكثر احس ان بك مني وبـي منـك
روحٍ قسمهـا شخصييـن مـولاهـا
لاتقول شتحب فيني اعشقـك كلـك
من ليل شعرك لشمسك واخر اقصاها
سميتني نصفـك الثانـي وياشحـك
انـا بسميـك كلـي وانـت معناهـا
تعبت اوديـك لـه ياقلـب ويـردك
لا خذ حلومي ولا خلانـي انساهـا
كل الحمام استراح وناح فـي ظلـك
والورد الاصفر سقته الروح من ماها
ليتك بعمري ثلاث اشخاص ما املك
واحد معي دوم واحد روحي يملاها
والثالث بجفن عيني لافقـدت حسـك
او غمض الجفن جاني فيـك يتباهـا
مو بس أحبك أنـا والله مـن حبـك
أحب حتى ثرى الأرض ألي تطاهـا

[ملامح خجوله]

(يابعـــــد حــــي)

اليوم يابنت من زيي الشمس وردة على ظيي
جيت انتخي بالوجيه البيض يا عزوتي يا بعد حيي
الجادل الي حلاها غير ضيعت في شمسها فيي
بعيونها سلسبيل رماح والموت بالسود متهيي
موت وأنا موت انا بالموت كثيرها غرق شويي
لا قلت تكفين قالت جاك وإن جيتها فجأه تعيي
ولا قلت مالي ومال الغيد قالت وهم بينهم زيي
وإن قلت انا تبت مالي كار مقفي زمانين عن غيي
قالت وهي تلتفت للناس ( طلال ) موته على يديي

[ملامح خجوله]

مـــاجــــته)

مـاجته .. يحتريها موعد آمالٍ كبـارٍ ناجتـه
يحتريها حافظٍ بعض الكـلام إلي يبلغ حاجـته
يتأمل بالوجيه .. إيتحراها تجيه .. والثواني يأس يرجي وترتجـيه
لا اتأمل بالوجيه موعدك لا ماتجيه .. وماجتـه
الناطر الموعود أشببه بالعود إلي وقفت يومٍ عى متنه حمامه راحت وناطرها تعـود
طويلٍ نفس ليله .. ويرجي الصبر حيله .. ويله كم تأمل بالوجيه وكم تحراها تجيه وماجتـه
لو قيل لي إن القمر ياطئ على متون النجوم والشمس لا جا الليل ترخي جوانحها وتنوب
وإن الغيوم قلبٍ على الصحرا حنون أصدق وما أصدق تجيه إلي على خده يده والي الأمل بإسمه نده
قـم تأمل بالوجيه موعدك يمكن تجيـه .. وماجتـه

[ملامح خجوله]

(مــــشتاق)

مشتاق ومضنيني الفراق
يا عيونها خذي من عيوني تعب
واعطيني من جفنك فتور
وابكي علي لو بالكذب
مليت بك طبع الغرور
يا عيونها مشتاق
وللدمع مع جفني عناق
مشتاق ومضنيني الفراق
يا اجمل الخود
كنت الامل وانتي الوعود
وهجرني من هجرتيني دفا بيتي وانا فبرد الشتا موعود
ايا مسكين يا قلبي انا ماشي وهو يلتقت لك عود
ايا مسكينه يا روحي تحب اللي يعذبها و يزيد صدود
وحشتيني
كثر ما خانني هذا الزمن واكثر وحشتيني
احبك حب اكبر حيل من كلمة احبك واسألي عيني
يا اقرب من نظر عيني لعيني
يا ابعد من حنانك عن حنيني
امانه كيف تنسيني
وانا من ليلة التوديع الين الحين
احس ايديك بايديني

[ملامح خجوله]

(علمـــتني وشـــلون أحـــب)






علمتني و شلون أحب

علمني كيف أنسى
يا بحر ضايع فيه
الشط و المرسى
علمتني و شلون أحن
علمني كيف أقسى
سيّر علي .. بس أمسح دموعي و روح
سيّر علي .. جب لي معك قلبٍ و روح
سيّر علي .. إذا تذكرت الجروح
يا طاغي النظرة خطا
تجزى بها البخل العطا
و أنا اللي أهديتك أمن
عين و جفن
هذي فراش .. و ذا غطا
يا جرح
من وين أبتدي؟
و انتَ معي من مولدي
و عيّت يدي
على وداعك تهتدي
بس أنت علمني الجفا
دامي عجزت
أعلمك كيف الوفا
علمتني كيف السهر
و نسيتني الممسى
علمتني وشلون أحب




علمني كيف أنسى ؟ ؟!!

[ملامح خجوله]

(ذكـــــــرتك)

ذكرتك والزمان غروب
ذكرتك والمكان الشط
بالصدفة ذكرتك والعيون تذوب
دمع ٍ مع حنيني ماستر خافي
ذكرتك يوم شفت الشمس غابت
والقمر ينساب من شرفة
ذكرتك والنجوم تلون لحاف السما وتعاتب الجافي
ذكرتك نصف قلبي هم شوق
وهم حبك ماخذ ٍ نصفه
ذكرتك كل مافيني حنين ودمعتي وكفي الدافي
ذكرتك ماذكرت الا عيونك والجبين
وكل ما اعرف ذكرتك
مانسيت الا جروحي والانين
ودمعي الصافي
انا اول عزاي اني حملت العاشق اللي مانسى حلفه
وانا اخر عزاي انك نسيتيني وانا طيفك ملا الغرفة
تلوم اللي تفانا في طريق ٍ مالقى في اخره ولفه
الى منه بكى كل الندم في حجر عينه غصب ينشافي
اروح ولاطرت حنيت مثل مضيع ركض ٍ على حتفه
والا ناديتها كسّر حنيني جوف صدري مثل مجدافي
يبيك اللي عيونه اللي ماقوت تحمل قليل ٍ من بعض عطفه
يبيك اللي مشى لك او مشى بك او مشى في سكتك حافي
يبيك اللي الا شافك تلعثم بالكلام وينصعب وصفه
يبيك اللي يشوفك شمس والدنيا ظلام ودفتره غافي
انا قلت ازعلي وخليني اشوف الحنين وش مدى نزفه
انا ماقلت خليني
اقول من الوفا يالله يا كافي
امووووت..... وما اعود اتذكرك
والمشكلة طييفك ملا الغرفة
واموت وما اعود انساك
يا حبي القديم الصادق الوافي

[ملامح خجوله]

(مــــــحتاج لـــك)








إنتي بكف و باقي الخلق فـي كـف

متعليه في وسط قلبـي ولـك شـان
في غير وصلك مالقلبي ترى شـف
محتاج لك يا نور عينـي وشفقـان
لا جابوا اسمك صرت انا تقل مختف
مالي على نفسي الى اطروك سلطان
من غير حبك غضت عيوني الطرف
ياللي جمالك صار للزيـن عنـوان
اريد انا قربك ترى ياغـذا الحـرف

و ان ماحصل موتي و دنياي سيـان

[ملامح خجوله]

(قــــالـــت قـــــدر)








قالت قـدر.. وأقـول يومـك تبينـي..

غصب على الدنيا يـدك فـي يدينـي..
لا تظلمين الوقت.. وش ذنب الأيـام..
لا تظلميـن الحـظ.. لا تظلميـنـي..
غديت ما بين الرجـا فيـك واليـاس..
هـذا يبـي منـي.. وهـذا يبيـنـي..
إن قلت شمت وخاطري طاب كـذاب..
وإن قلت أبيك.. أرخصت نفسي بعيني..
خيرني أمري.. بين أصعب خياريـن..
موتي أنا أو موت الإحسـاس فينـي..
لكـن زمـانـي الـمـر علمـنـي..
اني أموت مااحني لجل قلبي جبينـي..
والله ما تلقيـن حبـي مـع النـاس..!

روحـي وهالايـام بينـك وبيـنـي..

[ملامح خجوله]

(أمــــــوت مـــن فـــرقــــاك)



أموت من فرقاك .. وأمـوت بلقـاك
وأموت من جورك ..وأموت بحنانك
كلِ قضـاه يمـوت مـرّه ويفـداك
وأنا أموت ألفيـن .مـرّه . عشانـك
أذكرك ..لامني نسيت إنـي أنسـاك
وأنساك ..لامنّـي ذكـرت انسيانـك
رضيت أنا بالهم لرضـاك مرضـاك
وارخصت لك قلبٍ جرحته ..وصانك
أجيك في صدري عتابِ ..وابجفـاك
وأرجع ألوم الوقت وأقـول خانـك
أحب فيك ..احساسي إنـي بلامـاك
في عز خوفي منك احـس بأمانـك
عجزت أفرق بين وصلـك وفرقـاك
ياللي عطيت النـاس بيـدك عنانـك
مرً تجيني ليـن أقـول إنـي إيـاك
ومر تروح .بعيـد وانسـي أوانـك
أقبل وتقفي .. واعتذر عن خطايـاك
وأقول مـا عييـت ..عيّـا. زمانـك
وإن خانتك دنياك .. أو خنت دنيـاك
إرجـع وتلقابـي ..مكانك..مكانـك

[ملامح خجوله]

(كـــــل الـــــعوذال)





حبيبتـي كـل الـعـواذل تشـابـه
قلبٍ ظلام ووجه يشبـه للأصحـاب
ولا ما غدى لك صاحبٍ ينحكى بـه
لا تسمعي أن كان لك قلب وأحبـاب
إلى مشيت الـدرب يلهـث سرابـه
وإلى سكنت الـدار نادانـي البـاب
وشلون أنـام وهـم قلبـي صوابـه
والشوك ينبت بين جفنيـن وأهـداب
تعبـت امنـي .. الأسئلـة بالاجابـة
وانطر شروق الشمس والشمس بغياب
وتعبـت أناظـر والمعنـى عـذابـه
أنك بعيـده والمـلا دونـك حجـاب
اجمع كـلام ومـا أعـرف الإجابـه
وعندي شعور صدق والوقت كـذاب
كل النجوم اللي امطرت من سحابـه
حبيبتي دمعك جرح قلـب واتـراب
واللي وقف مـا بيـن بابـي وبابـه
قلبٍ ظلام .. و لابس ثوب الأصحاب

[ملامح خجوله]

عيون الحب لا يمكـن تناظـر
عيوب الخل لو هو عيب كلـه
تماري فيـه وبوصفـه تكابـر
ترى من فوق خلق الله محلـه
رفيق الليل في الشباك ناظـر
واثاري الليـل شبـاك لخلـه
حفظ أحلى الكلام وصار شاعر
بصبر ينتظر .. والصبر ملـه
حبيبٍ عشت في دنيـاه عابـر
حسب قوله ويا شعـري فقلـه
أنا ضحيت له وارجى وصابر
واذا عيـا أقـول الله يحـلـه
على اللي ينتظر يا بعد باكـر
يبي السلوان والذكرى تضلـه
عيون الحب في قلبـي تناظـر

تشوف اللي عيوني مـا تدلـه

[ملامح خجوله]

(بـــعض أحـــوال)





أنا مقدر أكون .. اني حبيب فـي بعـض أحـوال
أنا كلـي أجـي .. و الا أروح بعزتـي .. كلـي
تخيرت الفـراق و مادريـت إن الفـراق وصـال
أقول اني نسيتك بس مـدري كيـف تاصـل لـي
خذاني لك سؤال في عيونـك و الجـواب محـال
خذاني منك دمـع فـي عيونـي مارضـى ذلـي
رحلت انت و تركت بداخلي طيفك و صبر طـال
غدت ذكراك شمس ما تغيـب و صورتـك ظلـي
حكيت و مالقيت مـن الحكـي الا النـدم مـوّال
سكت و مت بالحسره و لا ادري و شهو احسن لي
أحبـك كـل مافينـي يحبـك يـا خلـي الـبـال
تخيلتك دواي و صرت جرحي الصعب يـا خلّـي
تعبت أرحل مع وجيه البشـر بانسـاك بالترحـال

و لا ادري وش يجيبك في وجيه النـاس و اهلّـي

[ملامح خجوله]

(لـــحن بــــدو)


حنـا ولامـن قلـت حنـا تحـنـا
كل الكلام بعطـر تاريـخ الاجـداد
المجـد هـم وهـام فينـا وغـنـا
حتى علينا من على روس الاشهـاد
ياكبـر حـض اللـي نخانـا وثنـا
نشد له فوق الفخر سـرج وشـداد
ان هلـل التاريـخ غطـرف وطنـا
وان سولفوا عنا رجاجيـل واجـواد
وان بان لك شمس ترى ذيـك حنـا
نشرق مدام الظلـم ظلمـا وحسـاد
يابنـت يمـي كـان رمشـك تمنـا
واشق لك ثوب السما جـود وعنـاد
واشـد لـك زمـل بجفـن المعنـا
واسري بوجهك لاغشى وجهي سهاد
ياحلـو قـدك يـوم قــدك تثـنـا
محد تغنى فيك من خـوف الالحـاد
حنـا البـدو يابنـت هـذا لحـنـا
نحبك اكثـر لاغـدى حبـك جهـاد
وحنـا البـدو يابنـت لامـن نخنـا
بناتنـا يثالـث العـيـد الاعـيـاد
وحنا البدو يابنـت وان قلـت حنـا
فاح الكلام بعطـر تاريـخ الاجـداد

[ملامح خجوله]

(قـــال حـــاقــــد)



قال حاقد قلـت يـا جاهـل هلـي
كيف باطرف باصبعي عيني واصيح
انت مثل ابليـس حقـرك الولـي
لا تسـر ولا تريـح وتستـريـح
من يصدق بي وانا الشمس عملـي
ما يذريهـا عجـاج جـاب ريـح
لو يطيعـك بـي غريـر يجهلـي
ما تطيعك روسهم بـي يـا كليـح
هم هلي يا جاهـل وهـم منهلـي
لو تضيق القى بهـم كـون فسيـح
عودهم له طاعـة واجـب علـي
شيخنا اللـي مـا يوفيـه المديـح
ما سفهت من العقـول الا الخلـي
وما حقرت من الكـلام الا النبيـح
الصباخـي مـا تربـع بالـولـي
والـردي للطيـب جحـاد شحيـح
والعتـم لا بـد يــوم ينجـلـي
واسود النية يجـي يـوم ويطيـح
الردى بعـد السمـا عـن مدهلـي
ما تعلمت اجـزي الطيـب بقبيـح
شمت عنك ابي المراجـل منزلـي
وفي ضلوعي شايـب عيـا يبيـح
ما اعتلي بالشعر هو بـي يعتلـي
دام ميزانـي بحسـادي رجـيـح
لا تصدق في حصانك يـا جملـي
كنت انا وما زلت وابطي لك نصيح
ما عرفت الغي واخفيـت جهلـي
علمونـي مستبيحـيـن المـريـح
لـو تبيـن قلـت خلـوا ذاك لـي
بس دامـك كالنسـا مالـي نطيـح
قـل مـادام انـي بكذبـك مبتلـي
كل كذب دام هـو فنيـي صحيـح
ما اخبر مـن الذنـوب الا هلـي
ذنبي اللي يرفـع الـراس الفليـح

[ملامح خجوله]

(أنا هـــواي وبـــس بنت الجـــزيــره)






يابن الحلال ان طعتني خل الاسراف
واترك جمال الغيد لاهـل البصيـره
الزين موبس في الملامح والاوصاف
الزين روح وعفـه وطيـب سيـره
مانيب من يهـوى سريـا وانصـاف
انـا هـواي وبـس بنـت الجزيـره
بنت الخليج اللي تمـاري بالاعـراف
وحنـا نمـاري باسمهـا كـل ديـره
مالي غرام بقـول وخـا وبالـزاف
اذبحتني عنـد الطرحـه المستديـره
احب قولة ياهـلا وعـل وماخـلاف
من بنت ثوبي بنت الارض النضيـره
واللي بها سحر مهو سحـر عـراف
ياعـل عيـن ماتـراهـا ضـريـره
عطف وحنان وذوق في لين الاعطاف
والى كشفت لثامهـا شفـت أميـره
صعب على اللي بالردي شاف ماعاف
وحلوه علىاللـي سنـه الله ضميـره
شمس الى من اشرقت والدجا طـاف
غابت نجومك غصب لو هي كثيـره
السيف مايزهى سوى كـف سيـاف
والخيـل دون حصانهـا مستخيـره

[ملامح خجوله]

(مثل مــابدينا انتهــينا)






دنيا غريبـه والبشـر مثلهـا أغـراب
يخونك الي امـس مـن قلبـع عطـاك
غصـب عنـي اسهرليلـي بـعـذاب
ولوغفـت عينـي صحانـي غــلاك
شيبـت لـي قلبـي وانــا شـبـاب
انا بقايـا انسـان مـن كثـر الهـلاك
حبيتـك واتضـح لـي حبـك سـراب
وكنـت اتمنـي العمـر كلـه معـاك
صدمتني بالخيانـه يااغلـى الاحبـاب
ماكنت متوقـع اعيـش العمـر بليـاك
خنتي وصديت عني من غيـر اسبـاب
بعتني ياحيف وانـا مافكـرت انسـاك
لحنا بقينا احباب ولانقدر نصير اصحاب
مثل مابدينا انتهينا والله يحفظك ويرعاك

[ملامح خجوله]

(أحـــساسي غـــريـــب)



الـلـيله احـسـاسي غـريـب
عـاشـق وانــا مـالي حـبيب
حـبيت ... كـل الـناس لاموني
حـبيت ... كـل احبابي iiباعوني
قـلـت احـب الـحب احـسن
قـلـت احـب الـحب اضـمن
لا احــــن .. ولا اتــــوه
ولا بـعـد فــي يـوم احـزن
رضـيـت بـاقداري ونـصيبي
صــرت مـحـبوب الـحبايب
وصــار كـل عـاشق حـبيبي
الــلــيـلـه غـــيـــر
شـــعــوري غـــيــر
اشـــواقـــي غـــيــر
حــتـى الاغــانـي غـيـر
صدري سما .. واحساسي ... طير
بـــس طـيـفك مـاتـركني
ظــل سـاكـن تـحت جـفني
كــــــان وافــــــي
كــان يـذكر .. وانـت جـافي
انــــــت ويـــنــك ؟
كـان هـذا الـفرق مابيني وبينك
جـيـتـني تـشـكي الـزمـن
وجـيـتـك أبـــي أدفـــى
لـقـيت فــي قـلـبي وطـن
ولـقـيـت بـــك مـنـفـى

[ملامح خجوله]

(أمـــوت وورثـــي أحـــرامـــي)




أنا مابي مـن الدنيا..وصـول للعيـون الدعـج
وأظن الصدق يكفي لو أموت ورثـي إحرامـي
حبيبي جاهل طاغي يحسب إن الجـوارح ثلـج
وأنا مالي شفاه وفـم صوتـي ضيـع أحلامـي
إذا حبك ذبحني صـد كـل لـه بموتـه نهـج
تشهّد بالعجـاج البيـد.. قبـل تمـوت قدامـي
أنا غصنٍ.وإنت أوراق والعاذل خريـف وعـج
ووش عذر الورق والغصن.. لا يابس ولا ظامي
غديت الشايب اللي عاصبٍ راس الزمان الحرج
كبيرٍ حـزّم الدنيـا علـى متنـه.. ولا قامـي
شليلي بالعفاف أبيض.. على حالته يومه نسـج
تدور الناس والدنيا.. وأموت وورثي احرامـي

[ملامح خجوله]

(أنـــاراحــــل)



أجمل رحيل ما يوصلني إلى قافلة
من القوافي أعود بعدها ..مليئاً بالشعر .
أنا راحل
وتارك كل شي
جمعت من ذيك العيون أحلى المعاني
وونيت مع صوت المعاني
وبشويش ..وشوشت الشعور
ريش تبلل .. وانتفض عصفور
ولما وصلت لكل شي
دريت إني ما وصلت لشي
اخترت أصعب رأي
أنا راحل ..وتارك كل شي مني وراي
***
تعبت
والدنيا عيت تستريح
يا صاحبي
القلب يمكن ينكسر
بس أن راسي ما يطيح
ولو قلت لك إني جريح
أخاف تفهمني خطا
وأخاف تفهمني صحيح
يا صاحبي .. أنا على سكوتي تعلمت
وما ندمت
ولو طال بي مسراي
***
الدنيا ما وقفت
مسكين يا قلبي
.. وهو يلتفت
أقسيت أنا .. وهو يلتفت
***
باقي رجوى
تشبه عيون الصغار
باقي لك في القلب نجوى
باختصار
باقي كلمه
لصاحب الطرف الكحيل
أنا راجع أقول إني أحب
وابعثر هموم الرحيل

[ملامح خجوله]

(ياطــاهــــره)









يا بنت أنا مانـي كـذا و ظنونـك تكـذّب عليـك

كلّي عيوب و ما قوت تخجلني ظنونـك و أتـوب
أكذب عليك و دوم أخونك و ألبس الأبيض و أجيك
و أعشق معك ألفين وجه و يمتلي صدري قلـوب
أحلى الكلام أقول لـك لـو قلتـه البـارح لذيـك
ياقف على شفاهي معك مراهـقٍ صـبٍّ لعـوب
أكذب و لا أدري ليه أكذب أعشقك مـا أرتجيـك
أخاف من صدق الحقيقة في الهروب من الهروب
و الله أحبك و أعشقك و أعرف زمان لـي أبيـك
لكنهـا هـذي الحيـاة اتعلمـت منـا الـذنـوب
العيـن عجـزت تعتقـك القلـب عيـا يشتريـك
في السجن خيّالٍ وفي في الصدر رجـالٍ كـذوب
هذي الحقيقة ما يجي في الكون أطهر مـن يديـك
و أنا الذي أنقض وضوء الغيم و الماء و الهبـوب
أنقض عيوبي فوق متني و انتـي لعيبـك شريـك
و باكر تبسم لي وجيـهٍ لـك يعبّسهـا الشحـوب
يا طاهرة حنـا كـذا و المظهـر يكـذّب عليـك

يمكن يجي يومٍ يجي نخجل من ظنونك .. نتـوب

[ملامح خجوله]

(تنهدتـــين ونـــار)




كـلـّمـنـي عـنّـك


أبعرف كل شيٍ عنّك منّك


قلـّي وش أول جروحك


قلـّي وش آخر أمل ترجيه روحك


إحكي عن طبعك


وعن ربعك


عن اللي يهـزّ دمعك


قلـّي وش معنى الحياة


قلـّي بأنفاسك متى قد قلت آه


إحكّ لي عن الحب


إحكّ لي .. إحكّ لي


إحكّ لي عن الشوق


طـر بـي فوق .. فوق


خـذنـي منّك


وإحكّ لي .. عنّك


الـصـدق


إن الأمل من قبل أعرفك .. كذب


والتضحيه أوهـام


وإني أنا من قبل أعرفك


كنت أعرف أنـام


كان السهـر مـو هـالسهـر


لعب وأغانـي .. وإخـتصار


صار السهـر تفكير


صار إنتظـار


صار إحتظـار


صار السهـر .. تنهيـدتيـن ونـار


يا منتهـى أمـري


بالهمس قلـّي مرّه يا عمـري


وطـر بـي فوق .. فوق


خـذنـي منّك


وإحـكّ لـي .. عـنّـك

[ملامح خجوله]

(عــــيون الـــصغـــار)


وجهك غضب .. وجهك عروس
يضوي مدى .. يحرق نفوس
تشبه لك الشمس الشموس
و ما لمحتك

سلام يا أحلى الأنام
دربي مثل عينك ظلام
و ما وصلتك

يا صوتها الرايح وجاي
مابين أشواقي وشقاي
تشبه لك الونّه و ناي
و ما سمعتك

حبيبتي والبوح نار
إنتي أنا بكل إختصار
تشبه لك عيون الصغار
و ما عشقتك

يا مهرتي البيضا الأصيل
تلعب و انا صبٍّ نحيل
تشبهك غابات النخيل
و ما سكنتك

يا غاية الحلم المحال
مثلك أنا حلمي الوصال
يشبهك في الشاعر خيال
و ما كتبتك

[ملامح خجوله]

(باريـــــــس)

واحد خايب..حظه تعيس
سافر تقسيط لـ باريس
كذب على ام العيال
رايح ادور عمال
جمع الورث
حصاد الحرث
وقبل يسافر ياساده
سجل في نادي كالعاده
يسوي برنامج تخسيس
قام يدور شنطه تكفي
وكل هدومه قبل يصفي
عشره فنايل علاقي
وشورت وشراب ماقيس
قالت ام عياله تكفى
خذ لك لبس شوي يدفي
قال فـ باله مسكينه
والله قدامي اللي يدفي
قام يودعها وقالت له
خذ بالك يانور عيوني
وتعوذ دوم من ابليس
قال فـ باله يامسكينه
ومن عازمني غيره!
ناطرني ابليس فـ باريس

[ملامح خجوله]

(حـــــكاية شــــمس)



كنـك مـلاك وطلـع تـوه
الله وش كـثـر مـحـلـوه
ماعاد بـه غيـرك حكايـه
جيتـي وكـل تـرك جــوه
الليل لـف ولمسهـا لمـس
بعيونك اغرب حكاية شمـس
وانتي الـى الحيـن نسايـه
ضيعت باكر عشانـك امـس
دايـم اقـرب وهـو يبـعـد
وفي شفتك للشفـق موعـد
ويحـط لاحزانـي نهـايـة
من غيرك اللي قـدر يسعـد
ياللـي تحليـن اي لـبـاس
يغار مـن جيـدك الالمـاس
حـرام تعـذيـب وكفـايـه
حني على الناس ياحلى الناس
والشمس تحضـر بميعـادك
مـن يقـدر يلـوم حسـادك
تغازلـك حـتـى المـرايـه
(( .... )) ياشمس والنـاس
بيضا وفيها سمـار الحـور
سمرا وفيها بيـاض النـور
مالـه بدايـه ولا نهـايـة
من مثلك اللي جماله جـور
والكامـل بحـق وجـه الله
ياحلـوتـي كـامـلـه والله
ياللـي لكـل البشـر ايــه
من يشبهـك حلـوة الطلـه