محمد البلوي
07-01-2009, 08:18 PM
احبتي .....
السلام عليكم ورحمة الله وبركاته
كتبت هذا النص قبل اكثر من شهر ..
ووجدته يتجدد في كل يوم جديد
اضعه هنا في مدى انظاركم البعيده وذوائكم الرفيعه
لعله يصل ..
يا أيّها الناس الخفايا ليلها الساكن سرى=وبان الصباح المنتظر من كل صوب وزاويه
تكشّفت واحد جزع واحد فرح واحد زرى=هذي هي الحقيقه المره والألسن راويه
يوم الحمول استفحلت تقطعت كل العُرى=والزمل باقي في مباركها العتيقه ثاويه
ما ظل فينا لا ملاذ ولا مقيل ولا ذرى=وليت اليدين اللي ما سوّت شي .. بكره ناويه
مار البلا ما نستفيد ونعتبر من ما جرى=كلن على ليلاه له مغنى وليلى هاويه
على بعضنا شانت النيات والجاهل درى=إن الغصون اللي يبي يجني ثمرها ذاويه
لشيوخ غزه يوم ضاقت فيهم الدنيا طرى=راع المكارم والنقاء لكن مهي متشاويه
أمر الحصار من اورشليم يصدروه وينقرى=على مسامع مصغيه وقلوب ما هي آويه
وحنا نجامل من غدر فينا ونافق وافترى=ودروبنا أحياناً مع دروبه تقل متخاويه
ألم يرون العالم اللي حولنا ؟ وألم نرى؟=إن الوجوه مسمكره وعقول أهلها خاويه..
وألم نكن في خندق أمريكا وصف انكلترا؟=وألم يكونوا حولنا مثل الذئاب العاويه؟
وألم نكن صيد الضعيف اللي على السهله ضرى؟=وألم تكون أوطانّا في مثل وصف الحاويه ؟
عن واجب الدين ومبادينا.. ألم نرجع ورى؟=ألم نكن ضد الاخو مع الجيوش الضاويه؟
تاريخنا يشكي وحنا في مآسيه إخشرا=يوم اتبعنا درب الأذناب أوصلتنا الهاويه
وأحفادنا اللي يارثون الذل منّا يا تُرى=يرضون به ولاّ الهقاوي ما تجي متساويه
أجدادنا تاريخهم مجد اعتلا فوق الثرى=الله على ذاك الزمان اللي نجومه ضاويه
رجال وأفعال ومهمات وقياده ووزرا=إيمان وإخلاص وولاء ونفوس ما هي غاويه
والوقت هذا مثل الاول ما اختلف ياهل القرى=ومعاويه ما راحت إشعرته لكنّ معاويه.. ؟
وللجميع التحيه والتقدير
السلام عليكم ورحمة الله وبركاته
كتبت هذا النص قبل اكثر من شهر ..
ووجدته يتجدد في كل يوم جديد
اضعه هنا في مدى انظاركم البعيده وذوائكم الرفيعه
لعله يصل ..
يا أيّها الناس الخفايا ليلها الساكن سرى=وبان الصباح المنتظر من كل صوب وزاويه
تكشّفت واحد جزع واحد فرح واحد زرى=هذي هي الحقيقه المره والألسن راويه
يوم الحمول استفحلت تقطعت كل العُرى=والزمل باقي في مباركها العتيقه ثاويه
ما ظل فينا لا ملاذ ولا مقيل ولا ذرى=وليت اليدين اللي ما سوّت شي .. بكره ناويه
مار البلا ما نستفيد ونعتبر من ما جرى=كلن على ليلاه له مغنى وليلى هاويه
على بعضنا شانت النيات والجاهل درى=إن الغصون اللي يبي يجني ثمرها ذاويه
لشيوخ غزه يوم ضاقت فيهم الدنيا طرى=راع المكارم والنقاء لكن مهي متشاويه
أمر الحصار من اورشليم يصدروه وينقرى=على مسامع مصغيه وقلوب ما هي آويه
وحنا نجامل من غدر فينا ونافق وافترى=ودروبنا أحياناً مع دروبه تقل متخاويه
ألم يرون العالم اللي حولنا ؟ وألم نرى؟=إن الوجوه مسمكره وعقول أهلها خاويه..
وألم نكن في خندق أمريكا وصف انكلترا؟=وألم يكونوا حولنا مثل الذئاب العاويه؟
وألم نكن صيد الضعيف اللي على السهله ضرى؟=وألم تكون أوطانّا في مثل وصف الحاويه ؟
عن واجب الدين ومبادينا.. ألم نرجع ورى؟=ألم نكن ضد الاخو مع الجيوش الضاويه؟
تاريخنا يشكي وحنا في مآسيه إخشرا=يوم اتبعنا درب الأذناب أوصلتنا الهاويه
وأحفادنا اللي يارثون الذل منّا يا تُرى=يرضون به ولاّ الهقاوي ما تجي متساويه
أجدادنا تاريخهم مجد اعتلا فوق الثرى=الله على ذاك الزمان اللي نجومه ضاويه
رجال وأفعال ومهمات وقياده ووزرا=إيمان وإخلاص وولاء ونفوس ما هي غاويه
والوقت هذا مثل الاول ما اختلف ياهل القرى=ومعاويه ما راحت إشعرته لكنّ معاويه.. ؟
وللجميع التحيه والتقدير