زيف الوعود

[بدر ناصر المورقي]

السلام عليكم اعضاء منتدى رواسي نجد الشامخ متواضعه راجيه القبول

ودّك على الرجّال واضح كما الشمس=يجيك وجهه ابيض بكل حزّه
ماينقلب حاله من الليث للنمس=ولا هبّ نسناس المصالح يهزّه
على شحوم المصلحه يضرب بخمس=وعلى الصحون ابليس قالط يوزّه
معْول هدم ساق المروّات للرمس=ويعد حاله من فسوقه منزّه
درب الشعارات المضئ الحقه طمس=وشال العلم وابوحل الادناس رزّه
نعيقه بزيف الوعود انقلب همس=بخنجره وعده من العرق جزّه
باع الكرامه للدنيّات من أمس=كلّه فخر في هتك عرض المعزّه
غزا الشهامه من فعول الردي عمس=ورمح النفاق بخافق الصدق غزّه
راكب بحورٍ ميّته ليلها دمس=والمركب ارياح الرخامه تدزّه
وان شفت لك للكيف في مجلسه حمس=كديش له بين الأصيلات فزّه
ما ينفع الاّ ان داعب سهيل باللمس=ولاّ إذا سادت على الكون غزّه
من لا يِغَمْس النفس فالمرجله غمس=شرواه موته للرياجيل عزّه
يقطعْك ياليث انقلب حاله لنمس=يا بايع الحر النداوي بوزّه




بدر ناصر المورقي

[محمد الروقي]

مرحبا يالبناخي عدد ماهبة من النود نسمه

مرحبا في محلك

وصح كلك لين ترضاء.. غني عن التعريف ياوريث الشعراء
سجل مروري وتقديري وترحيبي لا عدمتك

[نبض الوفاء]

بدر ناصر المروقي
اولاً ياهلا وغلا منورنا يالغلا
ثانياً .. صح لسانك وقلبك قصيدة جزلة وجميلة جداً
الله يسلم الايادي اللي كتبتها ويدوم القلم اللي خطها
دمت بوود يالغلا

[كنترول المنتدى]

صح الله لسانك

وياهلا فيك

[سامي الغنامي]

بدر نآصر المورقي ...

حيآك الله من ممشآك ليآ ملفآك ..

وصح لسآنك على هـ الدرر ..

لآهنت ملآيين ..

[فـــــاقد خوي]

صح لسانك مليوووووووووووووون

قصيده رائعه
ودي