جابك الله

[محمد الغنامي]

الفراج الله يمسيك بالخير

الله اللي جابك ابااك تغسل كبدي


حييت يالفراج عقب الغيبه=تعال هات العلم وأخذ علومي

عقب الزمان الراس بين شيبه=شافوك واقف للخلايق تومي

[محمد الـفراج]

ارحب

مليوووون ولا يسدوووون


يا مرحبا يا شاعرن له هيبه=انا اشهد انه شاعر ومسمومي
الحض بين للخلايق عيبه=عزي لمن هو مثلنا مضلومي

[محمد الغنامي]

هلا فيك والله بديت تغسل كبدي




دام البقاء ياللي غمرني طيبه=مثل الجدي دليلت المنجومي

هاذي نهايت من يضيع جيبه=يروح قشه في نحور القومي

[محمد الـفراج]

هههههههههههههههههههههه


العبد سير وزمن يجريبه=ولا ياخذ الا حقه المقسومي
لا كن الي حقن عليك تجيبه=عطني بقايا عزبتي وهدومي

[أحلام رماديه]

:

:

محمد & محمد <<الرواسي كلها محمد :)

صح لسانكم الأثنين :)

:

:

<<متابعين

[محمد الـفراج]

هلااااا

احلام رماديه في ذا يالله حيها

منووووره الصفحه

وصح بدنك ولا تغلطين على اللي اسمه محمد كله ههههههههه

[محمد الغنامي]

هذا زمانك ويش بتسويبه=تطيح ثم عقب المطيح تقومي

نرسل عليك الذيب ولا الذيبه=ولا الذيابه كلها والرومي

[محمد الغنامي]

احلام ها هنا وانا اشوف المحاوره مولعه

صح بدنك وحياك تاابعي

[همس الليل]

محمدين صح لسانكم

اتابع بصمت

يعطيكم الف عافيه

[محمد الغنامي]

همس

صح بدنك وحياك ربي

بس حلوه محمدين أسم مصري ههههههههههه

[محمد الـفراج]

صعبن يجي ذيبن وذيب تسيبه=ولكل منهم فالشرك ملزومي
لاكن ابا ادخل في مجال الخيبه=عليك في بدع القوافي لومي

[محمد الـفراج]

همس الليل

مرحبا

مليوووون ولا يسدوووون

<< خايف من الطرد ههههههههههه

ويعافي قليك

[محمد الغنامي]

الذيب نار من الغنم وشعيبه=والطير من فوق السحاب يحومي

أنا اعرف اللي تقصده وأدريبه=لاكن بعض الروس مثل الدومي

[محمد الـفراج]

الخير يا وجه السعد تحريبه=وشلون تفطرلك بصل وتصومي
ابا سبب مقنع وبي تعريبه=وشلون تمشي والعضم مصرومي

[أحلام رماديه]

:

:

ماشاء الله عليكم .. مخكم نظيف :)

:

:

كملووو .. !!<<وبكره نشوف التطورات ومن فاز *_*

:

:

فتكو بعافيه وتصبحون على خير

[محمد الـفراج]

ونتي بخير

احلام رماديه

[محمد الغنامي]

انا عضامي سالمه وصعيبه=ماتنكسر من حذف ولا هومي

الداب لا شلته بوسط العيبه=مضراب نابه حط فوقه ثومي

[محمد الغنامي]

تصبحين على الف خير يا احلام

[محمد الـفراج]

سدد على مرما الهدف وتصيبه=مرماي يم الشارع المزحومي
تشرقبه الدنيا بعد تغريبه=ومن عقب موته ينتهض ويقومي

[محمد الغنامي]

الفراج

صح لسانك وبيض الله وجهك

الليله غسلت كبدي صدق والليل سراء والنووووم جاني

[محمد الـفراج]

صح بدنك يالذيب

ويشرفي العب معك

وتصبح على خير

[ولد شقراء]

صح لسااااااااااااااااانك يا محمد ويااا محمد واذا بغيت اجمعكم يامحمديين

خخخخخخخخ اتحداكم تعرفون من اقصد بمحمد الاول

وانا متااااااااااااااااااااااااابع

وتقبل مروري يامحمد ويامحمد / ولــد شقــرآآء

[سامي الغنامي]

صحّت ألألسن
جزلين أبو بندر × ابو فيصل

الله لايهينكم

وبعدين علموني { ترا الصفوف تصير أحلى اذا صرت متواجد

هع

[محمد الروقي]

سلمتو ودمتو ...فاتتني

وصحة السنتكم يالمحااااااااااميد

[محمد الغنامي]

ولدشقراء+ أنسان غير

هلابكم والله وبتواجدكم العطر


صحت أبدانكم جميعأ مني ونيابه عن الفراج

لكم كل الود

[محمد الغنامي]

هلا بالعمدهـــ محمد الروقي

فاتك الشر الليله اوريك بالفراج هجدني البارح وأبا اختلص الليله ههههههههه

لك ودي