تكفى لا يجي غيري مكاني.. ..

[حلمي سراب]

{ تكفى لا يجي غيري مكاني.. ..



طالبتك أن جـت لحظـه وافترقنـا
لاتخلـي وحـدة(ن) تاخـذ مكانـي

ولاتخلي بيـت حبكـاللـي بقلبـك
به تعيش انثى ولو بضعـة ثوانـي

ومعك أمانه يابعـد حيـي وميتـي
لاجلست بجنبهـا غمـض عشانـي

وأذكر اني قلت لك ياروح روحـي
أنت ملكي بس ماانـت لحـد ثانـي

أنت قلـب(ن) ماانخلـق إلا لقلبـي
وأنت روح(ن) نبعها سال وسقانـي

وأنت لي وحدي ولا كثـري يحبـك
غير قلب(ن) في دروبك لك سبانـي

وكـان وصلـك ياأميـري ماتهيـا
أوعدك ماانساك لو عمـري نسانـي

وكانهـا الايـام جـادت واجمعتنـا
والله اني لااشعـل سنينـك أمانـي

واحتفل بك كل لحظه وأنت جنبـي
وأعزف حروفـي لخفاقـك أغانـي

وأنثر ورود الولـه واسقيـك لهفـة
خافق(ن) لاغبت لحظه جاك عانـي

وأجمـع سنينـي وأبعثرهـا بكفـك
وأسرقك كلك هنـا بيـن المحانـي

وأفتدي روحك بروحـي يااابعدهـااا
وأنزع همومـك وأطوقـك بحنانـي

ماأبـي بـرد الهمـوم بيـوم يلفـح
خاطرك وإلا تجـي لحظـه تعانـي

هاااات همك في وسط جوفي وصبه
وكان به غيره تعال وصـب ثانـي

وأعطني قربك وانا بعطيك عمـري
وأهدني لحظه وخـذ كلـه زمانـي

ياأمنيـة عمـري أذا قالـوا تمنـي
ويااصدق أنسان(ن) بقلبه أحتوانـي

وياملاذي لا بكيت وضاق صـدري
وياوطن عمري إذا عمري جفانـي

ياحنـون القلـب ياتاجـي وعـزي
بك نسيت الناس والغيـت الموانـي

ياهلي وناسـي وكلـي ياحيااااااتـي
وياحواسـي كلهـا دون إنقصانـي

بك تشوف العين وأيضا فيك أسمـع
وبك أحس الكـون أفـراح وتهانـي

صرت أحس أمك هي أمي بس يفرق
أن ولدها ماهو من جملـة اخوانـي

آآآآه منك ياولدهـا كيـف روحـي
سلمت لـك نبضهـا حـب وتفانـي

وكيف قلبي عاف كل الخلق لجلـك
وصار لجلك مجرم وأيضـا أنانـي

أيه مجـرم مايبـي غيـره يحبـك
ولايبـي عينـك يشوفـه مودمانـي

وأيه أناني مايبـي فيـك يتشـارك
مع بشر بالكون لا قاصـي ودانـي

وأيه أحبك وماأعيش بدون وصلـك
وأيه أموت أموت في بعدك واعانـي

وأيه كلي فدوتك مـن قلـب اقولـه
بس تكفى(لايجي غيـري مكانـي)




http://www.dl3afif.com/vb/images/smilies/tty.gif
منقول

[محمد الروقي]

ها الشاعره ماهي صاحيه جزله مررررررره

حلمي سراب سلم ذوقك ونقلك وصح قلبك وكلك عن كل شر

وصح لسان من قالتهااا تقديري لك

[شمس الوداع]

.
.

صح لسان شاعرها

ويسلم النقل

.

[تلميذة الايآم]

http://www.almohandes.org/vb/images/smilies/sm1.gif

سوسو

ياعيني
صح لسان الشاعره وقصيده ولا ارووع

وصحت ذائقتك اللي نقلت
سلمتي ولاندمتي
http://www.arabsys.net/pic/wrod/6.gif
ياملي
تقبلي مروري
http://www.almohandes.org/vb/images/smilies/sm1.gif

[حلمي سراب]

مشكووووورين عالمرور

ربي يحفظكم

[روح الورد]

يع‘ـطيك الع‘ـآفيه ..
يع‘ـجبني ذوقك وإختيـآرك ..
وربي ابدآآآآع ..

[حمووودي]

وأذكر اني قلت لك ياروح روحـي
أنت ملكي بس ماانـت لحـد ثانـي

أنت قلـب(ن) ماانخلـق إلا لقلبـي
وأنت روح(ن) نبعها سال وسقانـي

وأنت لي وحدي ولا كثـري يحبـك
غير قلب(ن) في دروبك لك سبانـي


مشكوووره ع الذوووق
وع النقل الراااائع
تحياااتي

حموودي

[حلمي سراب]

أنتم منبع الذوق

مشكورين عالمرور الرائع

[الجـوووري]

::

صراحه انانيه هههه وش بعد الفراق يعني !

سلمتي حلمي ع الاختيآر
استمتعت بقرآءتها ..,
/
ودي وكل التقدير

:

[حلمي سراب]

يسلمو عالمرور قلبي