..[ ماراح من عُمر التعب ~ مايكفّيك ]..

[دموع تجرح]

ما راح من عمر التعب (http://www.al5foq.net/vb/showthread.php?t=16509)ما يكفّيك
ما هزّتك طيحة هقاويك .. دونك .~

يا " باعث " قبور الحزن في محانيك
لو ما رجعت لـ دفنها .. يدفنونك


هذا الحزن لو ماانتهى بك بينهيك
خاوى تفاصيلك .. وعوّد بدونك .~


شف شيبك اللي من همومك عثا فيك
وكيف التجاعيد اعْبثت في جفونك


جسمك تهاوى من عناك وتعنّيك
ونبرات صوتك غالبتها شجونك .~


لأْنك تنفّست الشقا في مساريك
شف كيف صدرك مختنق من طعونك .! http://www.alharf.net/vb/images/smilies/redface.gif


بعت المنام لعين من نام ناسيك
حتى غدى ليل السهارى زبونك


لا تنتظر من خانك إنّه يواسيك
لو هو يحبك ما تجرّأ يخونك .!


قلبك تعلّق في مخاليق تشقيك
ونسيت حب الخالق اللي يصونك


الناس في عونك .، إذا الحظ يعطيك
وان شحّ حظك قالوا : الله بعونك .!


ارقى عن أسباب الزعل لا تخليك
عبد لهمومك كل ما يزعّلونك .~


دنياك حلوه .. لو تلفّت حواليك
تلقى من بعاد البشر ينصفونك


لو شفتها بعين الرضا هي تراضيك
ولو بالكدر .، ما خالفتك بظنونك


افرد جناحين الفرح فوق ماضيك
حلّق عن الذكرى ومن يجرحونك


غيّر من الواقع إذا كان عاصيك
جدّد من الأحلام .. مارس جنونك .~


ازرع فيافي الصدر بـ اخضر طواريك
الكون كلّه ساعة رضاك .. كونك


الليل تسهر مع نجومه .. تناجيك
وتبادر طيور الصباح بلحونك


بثّ الجمال بكل رسم لمعانيك
خلّ الطبيعه تاخذ إحساس لونك


خذ من خطاك اللي يصحّح خطاويك
لاتشيل ما لا تستطيعه متونك .~ http://www.alharf.net/vb/images/smilies/redface.gif


وان ضقت أو ضاق الزمن ارفع ايديك
لك رب ما يخذْلك .. لو يخذلونك .










لـ الشاعر / عبدالله الظفيري
/
مما راق لي

[روح الورد]

لا تنتظر من خانك إنّه يواسيك
لو هو يحبك ما تجرّأ يخونك .!

ورررراق لي ايضاا

سلمتى وسلمت يداااااااااااك

[دموع تجرح]

يسسسسسسسسسسسسلم مرورج يالغلا
وما ننحرم من طلتج ياا رب

[همسـة غلآ]

تسلم يمينك على النقل وروعة الإختيار

وصح لسااان شاعرها

تقبلي مروري المتواضع

[شمس الوداع]

.
.

كلمات جميل

صح لسان شاعرها

ويسلم نبض قلبك

كل ودي

.

[علي الزهيري]

رائعه وحضورك رائع

سلمتي ودمتي

[دموع تجرح]

كل الشكر لحضوركم الراقي
دمتم بألف خير