على البال

[محمدالمـــرشدي]

اول بدايه بسم الله الرحمن الرحيم

الشي الثاني يسرني ان يكون لي هنا ركن ومشاركه مع الاخوه الاعزاء

وهذه اول مشاركه وعلى سبيل المزح فقط لااكثر>>بطاقة تعريف :)


اسمي محمد والاقامه على البال=طبعآ بعد تقرير منك وقناعه
وعضويتي بالمنتدى مابها جدال=ورقمي واميلي طيروه الجماعه
قالوا كذا ممنوع واقول ياعيال....!= قالوا حكم صادر وسمعآ وطاعه
وسكت حشمه للمشاكيل واجلال=واوردتها من باب مزح ولكاعـه

[محمدالمـــرشدي]

يا غايبن عني وطيفك على البـال=تكفى تجي ماعاد بالصبـر حيلـه
الصمت يقتلني وهمي برى الحـال=والشوق سمم اقصى الضلوع النحيله
والحزن له باقصى المعاليق منزال=ومن دون شوفك سلوتي مستحيلـه

[أحلام رماديه]

::على البــــــــال ..المدونه والإقامه .. وعباره تغري لما وراءها ..مرور للتحيه :)::

[عاشق الصمت]

بدااايه موفقه اخووي محمد

سجل متابعتي لك بصمت

وحبيت اهديك التصميم لأعجابي بك وبقصيدتك

width=750 height=350

[محمدالمـــرشدي]

حياك احلام وهلا ومرحبا بك

مرور ينير المتصفح


عاشق :)

فديت راسك

وسام وانا اخوك

تحاياي وتقديري وجل احترامي لمن مر من هنا

[محمدالمـــرشدي]

وش فيك ساكت وليه الوضع متـأزم.=والصدق وش فيه دايم خاينـن ذاتـه
وانكانك ابطيت في ذا الوضع وملزم!!=.الصبر يستاذنـك ماطـول اسكاتـه
جيتلك بحزام امان الوصـل متحـزم=وشفتك وضاق الفضاء في ومداراتـه
تصبح على خير قلته قبـل لاعـزم=والحين انا اقفيت وانته جمع اشتاتـه




من منطلق حبي ومـن ذكرياتـه.=.انكان باقي شي عنـدك تجمـل
هجرك كفر بالوصل وايبس شفاته.=.تكفى ترى ماعـاد فـي اتحمـل
البعد يومنـك كشخـت بعباتـه.=.ماتلاحظ عيون الشقى وش تأمل
عمر الوفا في يوم ماخـان ذاتـه.=وعمر السعاده تكتمـل ماتكمـل
في شوفتك ياعز واغلا امنياتـه.=. يادرتـن يتعـب لهـا ماتهمـل
اللي مضى يحتاج منـك التفاتـه.=.واقولـك مشكـور والا مجمـل





ارمي بجلباب الاحـزان وهمـوم الفـراق=وارتمي باحضان مغليك ياأغلى من مشى..
.الحياه الها بقربك طعـم باحلـى مـذاق=وليلة غيابك تمنى طلوعـك مـن عشـى




ايه اكتبي ماتبينه واشطبي وامحـي=وافديك بالعين هاذي قبـل هاذيـه
ابيك دايم ضحوك وخاطرك سمحي=ولاابيك تسمع كلام الواشيـه فيـه
ولاابيك تسلك طريقة منتهى الرمحي=بعد الجزيره تطـل مـن العربيـه


هذالي ثلاث ايام يااصحابي الغاليـن.=.اكرر ورى دقة جهازي على (الدقه)
اسيير على اقدامي بعيدن عن السالين.=.وادوج ولكن كن ماني علـى الرقـه




المعذره يااصحابنا كاني اخطيت.=.مامن خطا منكم ولاهان قـدري
ياوين ابلقى من يرحب الياجيت .=.واليابغيت اقفففل يقـول بـدري
بعرف على يدينه طعم للمواقيـت.=وافضفض همومن تزاحم بصدري
تراي من روتين الايـام مليـت.=واجي بعذري مير اعود بعـذري

[محمدالمـــرشدي]

وش سالفـتـك انـتـه وقـلـة تـواجـدك؟
ياللي بدونـك هاجـس الشعـر هاجـد :)

ازريــت تفصـحـلـي ولاودي انـشــدك
محـرج واشـوف مقـرد الخلـق واجـد

هـاذي يمينـي جاتـك ومدلـي يــدك
تكفى بشوفك دوووم ضمن التواجد

[محمدالمـــرشدي]

بحدث الصفحه
وبشوف وش قال
يامرحبا والله يحيي حضوره
الغالي اللي كل لحظه على البال
لوقال لي نورت فالنور نوره
ماكنت افكر قبله بلابس الشال
ولاغيره احد(ن) كنت اراعي شعوره
وأردد الطاروق موال موال
ولرضى بشعري
قبل يرضي غروره
اليا تبسم قلت بقلط على الفال
واليا تضايق قلت يكفي مروره
واليا شهد لي قلت بالصوت مختال
حييت يانور الشهاده
وزوره
بروق الامل
كان أمطرت لي بالامال
اتعب لجل عينه وامره وازوره

يمكن
يقال
المرشدي
صابه هبال

مير الغلا لازاد هاذي نذوره

[محمدالمـــرشدي]

أنا

وقلبي

والمشاعر

وألاشواق

جينا نبارك

لـ(الصباح) بحضورك

معذور لو أنه تنفس بالاشراق

يستعجل الخطوه لساعة مرورك

نفحة هواه ............ تجيك طوعه وتنساق

وتتنفسك بزكى عطر من زهورك

الياانسكب داخلك..... جــر من الاعماق

صوتن......... يقول امرني الشور شورك

وشمس الغروب بصدرها ضيقة فراق

تخاف جنح الليل يجرح شعورك

وليلك اليامنه ضوى............. غاب مافاق

وحتى القمر يغار منك ويزورك

وشاعرك...

واقف قدم بابك ومشتاق

((واتقوله نوّرت و النور نورك))

كل الوجود بيتسع لك ولو ضاق

إيخفي الضيقه .........ويرضي غرورك

يعني على رغم اختلافات الاذواق

الا انك انته غير حتى حضورك
الا انك انته غير حتى حضورك
الا انك انته غير حتى حضورك

[فايز الحارثي]

محمد المرشدي
لله درك يالذيب
وش نقول وش نخلي
مبدع في جميع حالاتك
كنت هنا
ولااخفيك انه ضاع الكلام مني
ولكن الصمت في حضرت الجمال جمال
ساجل من مونتك متنفس لي
واخصها بالزايارة مرارا وتكرار
احترامي لك

[روح الورد]

مروري واعجابي

ودي ووردي

[محمدالمـــرشدي]

اخ فايز

روح الورد

زيارتكم تنير المتصفح وتشرف كاتبه

لاهنتوا جميع

[محمدالمـــرشدي]

عـــبير الــــورد

http://www.m5zn.com/uploads/2010/11/29/embed/1129101011597whkes68.mp3

[محمدالمـــرشدي]

مــنــول زيــارتــك لــــي بـالـشـهــر مـــــره
والحين مبطي وانا مدري عن احوالك

اخـــر كــلامــك مــعــي بـتـعــاود الــكــرّه
وقـفـلـت ماسـنـجـرك والـغـيـت جـوالــك






كلمتـن جـات مـن كثـر الهـمـوم
وضيقـة البـال ماهـي مـن طـرب

وين غايب عسى ماهيب دوووم
شكل فكري مـن غيابـك ضـرب

..فـي غيابـك مضـى ليلـه ويــوم
وكـل الاخـلاق عقبـك بتـخـرب

ودي اقــــول كـلــمــه لـلـعـمــوم
ولّ لاعـــــاده الله مـــــن بـــــرب
ولّ لاعـــــاده الله مـــــن بـــــرب

[محمدالمـــرشدي]

تعال ماعاد تكفيني تحايا المـرور
الله يغفر خطاك ويرحـم اشواقـي

مليت ضيقه وقربك نفحة من سرور
طالبك تكفى تجمل تلحـق الباقـي

[روح الورد]

وين غايب عسى ماهيب دوووم
شكل فكري مـن غيابـك ضـرب

..فـي غيابـك مضـى ليلـه ويــوم
وكـل الاخـلاق عقبـك بتـخـرب

ودي اقــــول كـلــمــه لـلـعـمــوم
ولّ لاعـــــاده الله مـــــن بـــــرب
ولّ لاعـــــاده الله مـــــن بـــــرب


ر



و



ع


ه

http://up.alfrasha.com/u/6457/9581/102810.gif

[محمدالمـــرشدي]

يسلم راسك


لاهنتي

[محمدالمـــرشدي]

مزحxمزح


http://www.am07.net/vb/images/smilies/15_13.gif (http://www.am07.net/vb/images/smilies/15_13.gif)

لاتعبتي من السفره وحييتي =والف لاباس من كحتك والزكمه
كل ماقول كيف الحال كحيتي=ل.الله بمايسوي فالبشر حكمه



http://www.am07.net/vb/images/smilies/15_13.gif (http://www.am07.net/vb/images/smilies/15_13.gif)

كح بسلامه لين حتى ترضى=نفسك طب (ن) للربو والكحه
لو الخبر يوصل شئؤن المرضى=يبي يصرح به وزير الصحه

[محمدالمـــرشدي]

قبل لا يبحث خفاي ولاتفل اوراقي=اسمعي مااقول فيك وسمعيني ردك
شوقي اللي في عيوني مصدره خفاقي=وكل مابي من وله ناتج جفاك وصدك
وضيقتي في غيبتك تسكن بجوف اعماقي=وامتلكتي كل شي ولامسكتي حدك
تستثيرين المشاعر بالسلوب الراقي=وكل بيتن تسمعينه يجذبك ويشدك
جيتك اغنيه يوم ان صدري ضاقي=ومن سمع مااقول فيك يقولك من قدك
واعتصمتي وسط ميدان الجفا والباقي= من هتافاتك تعيدك للغلا واعدك
مزهرية شوق غير بقمة الاذواقي=عودها عـودك وشوفي وردها في خدك
لي طلب وان تم اشوفه قمة الاوفاقي= صادر باحساس صادق بالغلا من جدك
اغمريني في غلاك الين حد اغراقي= واعملي معروف في وسوي اللي ودك

[فايز الحارثي]

صح لسانك ملاييين يالمرشدي
لبى قلبك يالذيب
مدونه شامخه كشموخ ذاتك
كنت هنا وانا على الدوم هنا ان شاء الله

[جنون انثي]

تسلم يدينك

كنت هنأأ

جنونه

[محمدالمـــرشدي]

فايز الله يجعله دوووم وانا اخوك

ولاهنت على مرورك

جنون حياك ويسلم راسك

[محمدالمـــرشدي]

تعال جنبي وحط عيونك بعيني=شف نظرة الصمت مره والحكي مره
اترك عيونك مع عيوني تحاكيني=وشف جفن عينن لذيذ النوم مامره
شف ساحل الحزن من ثارت براكيني=من يوم جاه الخبر للحظه المره
المد والجزر غيب فرحة سنيني=وتعتب عيوني على بعدك وتتشره
واتركني اشكي لعينك كل مافيني=واشكي لها قصة البحار والدره
والذكريات القديمه والعناويني=والصبر ماعاد له في خافقي جره
وصّلني لدرب واحد لك يوديني= في غيبتك دنيتي ماتساوي الذره
واقولها وانت ياغلى الناس توحيني=ان كنت غالي حبيبي عاود الكره

[أحلام رماديه]

:

:

يسعد مساك يالمرشدي ..
وصح لسانك ..

:

:

:

وين هالغيبه ..؟!
فاقدينك ..

:

:

[لهفة شوق]

الاخ محمد المرشدي

اسمح ابدي اعجابك بمتصفحك

تسلم اناملك التي سطرت اجمل الكلمات واعذب الحروف

اعجابي يسبق مروري

[محمدالمـــرشدي]

:

:

يسعد مساك يالمرشدي ..
وصح لسانك ..

:

:

:

وين هالغيبه ..؟!
فاقدينك ..

:

:


يسعد ايامك ولياليّك

ولاتفقدين غالي ويسلم راسك وكلك

تحاياي وتقديري لك وجل احترامي بعد :)

[محمدالمـــرشدي]

الاخ محمد المرشدي

اسمح ابدي اعجابك بمتصفحك

تسلم اناملك التي سطرت اجمل الكلمات واعذب الحروف

اعجابي يسبق مروري

يسعدني تواجدك

واشكرك على اطراءك

واعجابك وسام لاهنتي

تحاياي وتقديري واحترامي

[محمدالمـــرشدي]

اسمعي ماقـلت فيك بصوت بدر الراشد=وان قدرت اجيك والا انتي تعالي يمي
الجفا جيشه على حد المواصل حاشد=ولاحسبت لوصل غيرك وانتي اكبر همي
ارحمي قلبن هتف لك بالغلا ويناشد=ماسكن به قبل اشوفك غير ابويه وامي

[محمد الغنامي]

محمد المرشدي

هل تعلم ماوجدته هنا؟؟؟؟


وجدت بهذا المتصفح كلمات من ذهب

كلمات لا تنبع إلا من شاعر لا يشق له غبار

شاعر متمكن من الشعر ويلاعب بحروفه وبحوره

راق لي ماوجدت هنا

وأقول صح لسانك مليون

سجلني من أشد المتابعين لمتصفحك

لك ودي وأحترامي

[محمدالمـــرشدي]

انا اقول شهادتك مصدر فخر واعتزاز لي واعتبرها وسام

طال عمرك ولاهان ارسك

تحاياي لك اخي محمد الغنامي


واسمحولي بوضع هالمقطع بصوت بدر الراشد

عبير الورد كلماتي

للتحميل
http://alsh3r.com/download.php?mode=voice&submode=download&id=8577 (http://alsh3r.com/download.php?mode=voice&submode=download&id=8577)

[محمدالمـــرشدي]

http://www.m5zn.com/uploads/2011/4/21/photo/0421110004078e5fdq3028c8yoir.jpg


ان قلت لك لبيه والا عونك=هاتي عسى حسادنا تشتبي
اللي تبيّن يالغلا بعيونك= يعكس مدى دافع غلاي وحبي
روابط(ن) ماتقتصر من دونك=بروابط اهل الاجهزه والببي



.................................................. .................


كل شي الا القطاعه كلمتن مرفوضه=عندها اميلي وجوالي ورقم الببي
الطريق اللي من الفيحاء لحي الروضه=كل ماجيته وصدري ضايق القى طبي
بلغوها لاوصلتوها بذالملحوظه =كان طال غيابها ياويليها من ربي

[روح الورد]

مروري
و
و
اعجااابي

سلمت يداااك

[ارجوان الحب]

وااااااااااااااااااااااااو كلمات بقمه الرووووعه

ع البال وقسسسسسسم خوووقاقيه

ذووووووق ياذووووووووووق

لك وووودي قبل ردي

[محمدالمـــرشدي]

روح

يعطيك العافيه ويسلمك

واعجابك وسام وربي


ارجوان

حياك ربي

وقسم قسمات نورتي الركن

تحاياي لكم جميع

[محمدالمـــرشدي]

يغنيك عن لبس اللثام الطرحه =وليلك طويل وستر ربك ضافي
عودك عرفت الفلسفه من شرحه=ولاكنت احسب مايقال خلافي
كيف انهدم بيت الغرام وصرحه=واللي خبرته عنك طبعك وافي
غبتي وقلبي يشتكي من جرحه=وفارقت شي من شفاك الشافي
ماعاد باقي في عيوني فرحه=واقول حالي طيب ومتعافي

[أحلام رماديه]

:

:

صح نبضك وقلبك يالمرشدي
دوم دومك جزل ووافي

:

:

تقبل تحياتي ..
ومنوره فيك الرواسي

[محمدالمـــرشدي]

:

:

صح نبضك وقلبك يالمرشدي
دوم دومك جزل ووافي

:

:

تقبل تحياتي ..
ومنوره فيك الرواسي

صح بدنك وذوقك

ويسلمك يارب

ومنوره بوجودك لاهنتي

تحاياي وتقديري وجل احترامي

[محمدالمـــرشدي]

تقول ابيلي موهبه وانت موهوب
ولاظنك بحاجة صقل للمواهب

مع حسن خلقك ..فطره اخلاق.. رعبوب
مير اشكر الوهاب هو خير واهب

وعلى حسب قولك مربرب ودبدوب
وسني على افضل مااعتقد من مذاهب

تكفى اقترفني ذنب واوعدني وتوب
واوعدك مااشكي داخل الصدر لاهب

[محمدالمـــرشدي]

ان قلت كيفك قلت طيب وزعلان=وان مابغيت تقول كيفك بكيفك
من مبتدا رحلة غرامك الى الان=الى خبر مزحك وجدك وزيفك
تيهت دروب وضيق وهموم واحزان=اهديتها قبل الموداع وليفك

[محمدالمـــرشدي]

مع مولد البوح جيتي والغلا يكبر
حطي رحالك ترى مسكنك بعيوني

شلتك على عرش قلبي وش تبين اكثر .
.واخترت افرشك واغطيك بجفوني

تنفس الصبح عطرك والظلام ادبر
وجيت اتمنى الوصال يهدي جنوني

هزيتي الغصن بيدين الوفا واثمر
ومديتي الوصل شوق ولاقصر دوني

شيلتك تخفي وراها ان الصباح اسفر
والياانكشف سرها ماخابت ظنوني

ايه اعشقك يوم جيت ولاقدرت اصبر
تبختري في محاني قلبي وموني

وكان الجفا اجتاحنا من دون مانشعر
الياتذكرت برقك هلت مزوني

[محمدالمـــرشدي]

يوم شغلت السويت بضيقتين تزدادي
وجات الاشاره من انبيراته المشروحه

حرك من أشبيليا والنور تؤه بادي
ويتخطى اللافتات الزرق لوحه لوحه

ولإستغاثت خطوتي فزعه بصوت منادي
قد قريت دعا السفر باول نوايا الروحه

واستوئ خط الحجاز بصمت ماهو عادي
تدفعه للبعد حرة كبدي المجروحه

تستثيرين الشعور وكان طبعي هادي
لين عذري في يدين العفو فاضت روحه

كل ماقفلت باب بسلكها ينقادي
هبها الغربي علي بنافذه مفتوحه

الدلال اللي بصدري نارها وقادي
كل مافاحت من همومي تعيد الفوحه

كل مايطري سببها همت فيه بوادي
وفقت من غبات همن كنت افسر بوحه

كل مااملك في حياتي عزتي وشدادي
ماتغير مع ضروف الوقت يامملوحه

اسرقني نورعيني مع لذيذ رقادي
وسلميني للضياع اللي يطول شوحه

وبددي درب السعاده والفرح واعيادي
واعتبر ماصار شي وغلطتك مسموحه

[محمدالمـــرشدي]

مريت مستعجل ورحت بسرعه
لكن وعد•• لجيك وقتن ثاني

خذيت من لذة وصالك جرعه
وجريت مجرئ الدم في شرياني

حسب مفاهيم الغرام وشرعه
وقناعتي في ماسبق وايماني

ماجاك قلبي باختيار وقرعه
لكن ملكته بالحلا الرباني

تهز عودك وانثنئ به فرعه
ولاتسقط اثماره وغصنه داني

كنه يردد لك وتسمع قرعه
صح الله أبدانك وصح لساني

ياغيث قلبي ياثراه وزرعه
بزورك انكان الآله أحياني



(http://www.facebook.com/photo.php?fbid=216680451758442&set=a.108982099194945.16958.100002494657650&type=1&ref=nf)

[محمدالمـــرشدي]

الروقي يقول

يالمرشدي ماهيب حق القطاعه
ونا رفيقك الخير ونته رفيقي


..


يامحمد انتا لو تكب اللكاعه..
عرفت بانك ياصديقي صديقي :)

[محمدالمـــرشدي]

مقتطفات (http://mrshde.blogspot.com/2012/08/blog-post.html)



لوسالني كيف حالك قلت مشتاقلك
لاتطول فالجفا واسلوبك القذافي

كل يوم اطويك سيره بالغلا وافلك
وخايف لو طالت السيره يبين الخافي

لاتحسبني نسيتك في سفرك وحللك
ولونسيت ابوك وامك مانسيت اوصافي

http://www.5ymah.net/fm/images/smilies/smile.gif



انا هذا طبعي وهذا لوني
ماعاد به شي يثير جنوني

هادي واحب اعيش جو(ن) هادي
وتبطي وانا ماباح بك مكنوني

تقول كيف الحال كيف علومك
واقولك ضاق الفضا..ياكوني

اشتقت لك واشتقت لك واشتاقت
حتى العيون لشوفتك ياعيوني

قبل تحزم الامتعه... للرحله
ماكنت احسب انك تسافر دوني

لكن عسى درب السماح دروبك
وانا عسى ربي يكون بعوني
........
طريق جده وين يابومشاري ؟
لمسافرن عجل ويبي درب جده

...طاري على باله من الشوق طاري
..وله صاحب غالي وله عنه مده
......
الليله الموضوع مخصوص بالذات
طافح على مكيال ليته وليته

اللي يبي يمشي معي للامارات
ياكثر ماطوفت له واحتريته

موكد(ن) حجزه عن الاحتمالات
ومسجل(ن) جواله ورقم بيته

اشر جوازه قد تعدى الغويفات

لارحم ابو حيه ولارحم ميته ... http://www.5ymah.net/fm/images/smilies/smile.gif
......
الله يطول عمر ابوسيف ياسيف
ويسلمه ويقومه بالسلامه

عسى اللي اصابه مكفر وتخفيف
وطهور (ن) يمحص ذنوبه واثامه

مثله مانبغى يعتريهم صواديف
حماية الوقفات واعداﺀ الرخامه
.......
كيف اسولف معك واعلمك بالقصايد
وانتي السالفه وانتي حروف القصيده

كل ماجاﺀ على بالي بيوتٍ جدايد ..
مر طيف وقمت اتابعه واستعيده

........
لاتشتكين من القلق والضيق
تعالي الدنيا ماتستاهل

عندي لهمك فرحه وتفريق
تحقيقها ماهوب بالساهل

مخصوص لهل الذوق والذويق
لكنها تصعب على الجاهل

.......
لو يبدع ابن حسين في دور صدام
الفرق واضح فيه ماهوب حوله
يصمد لحاله والعرب كلها اخصام
وخلد على التاريخ صفحة بطوله
واليوم في دوره مساكين واقزام
تنسى بطولاته وتجحد فعوله
.......
جيتك مبروكه وشهرك مبروك
جيتي وشهر الخير بين هلاله

انتي قدومك خير والخير مشروك
هل الشهر مع جيتك من صلاله

........قدوم خير ودره وياقوته
ومدلله بين امها وابوها

ومن زود فرحتهم بهالبنوته
تخيلوا للحين ماسموها

......
ابشرك لي ثلاث ايام ..
ناسيك منت ب على بالي

خذيتها فترة استجمام..
ولاعاد ناظرت جوالي

صايم وصد الخفوق وصام
لاعاد تنشد عن احوالي

.........
انته جديدي واخر المستجدات
من قبل لا تسأل عن اخر جديدي

تزين بك كل القصايد والابيات
يافرحة الشهر المبارك وعيدي

.......
قربي مني شوي شوي مدي كفك.
ودي احلم يوم بكفوف الرضى تحضني

المشاعر تحتويك وتعشقك وتحفك
والغلا والشوق واللهفه وضحكة سني

كلها يانور عيني واقفه في صفك
لاتعلقني على دربك وترحل عني

...........
تحديث اجباري وتحديث مطلوب ...
مرت علي والعبد دايم مسير

وحدثت برنامج وحدثت الاسلوب ..
حتى ان جوالي ورقمي تغير

واللي مواعيده مواعيد عرقوب
ماهوب مثل اول يطب وتخير
http://www.5ymah.net/fm/images/smilies/frown.gif

..........الامر متغير من اليوم وش صار
ماحد سال كيفك ولا كيف يومك

بالعاده رساله تجي وقت الافطار
مضمونها تقبل الله صومك

.............
رسالتي واضحه ماهيب رمزيه
خفي علينا شوي شوي واقريها

لولا انتمائي وحبي للسعوديه
ماني ب للحين وانا باقين فيها

.......اقول الغياب اخذك مني ثلاث ايام
وجيتي وجيت ابجل الحظ واغبطه

لكن ردها اللي حطم بقلبي الاحلام

(ابشرك يامحمد لي ايام مرتبطه)
http://www.5ymah.net/fm/images/smilies/frown.gif

.................
كان منت بفيس بوكي ياحبيبي غرّد
ودي اسوي معك رتويت للتغريده
الفراق يعيش معنا والوصال مشرد
والبقى لله في فرحة شهرك وعيده ..........
خربشات اخر ليل

ماهوب عيد ان مرني وانت غايب
اما تجي والاانتظرني على الباب

للعيد فرحه باجتماع القرايب
لكن به غير القرايب لي اقراب

.....،.........،........،

انتي كلامك شعر وعيونك الهام
وجيتك فرحة عيد شهرٍ مبارك

حتى ولو شوفتك من عام لِ عام
بصبر وابقضيها وانا بتظارك

................سولفي عن كل شي وعلميني ...
وان سكتي خلي عيونك تسولف

عن همومك كلها يابعد عيني
لاتولفها على صمتك وتولف



كل ماقالت من انتا قلت انا عبدالله
افتحي قلب الغلا ياغاليه من شاني

ردها....... بالله..... تستغرب واقول ايوالله
مستحيل اللي عرفني يالغلا ينساني






البارحه يوم مالي غير رايي بديل
ولاودي اشوف دمعتها على اوجانها

ثلثين ليلي سروا. واللي بقى ثلث ليل
سريت من نجد للعارض على شانها

تحت نجوم السماﺀ ماغير قلبي دليل
ومن قبل نور الصباح يزور بيبانها








ياداعج العين وش نتكتب وش تقرا
معايد العيد ماتاتيك برساله

ماني من اللي مع اهل الخيل ياشقرا
ينسخ ويلصق من رساله بجواله







في كل عام وشوفتك فرحة العيد
ومع كل عامٍ وانتي اغلى من العام



......................


اصحابك اللي كنت تحسبهم اصحاب
اللي سلام الصبح معهم صباحو

عادو مثل ماكانو اكثر من اغراب
ماحصلو جو الوناسه وراحوا

.............
كنت انتظر حفل التخرج من العام ..
عسى الفرح يعم صبحٍ نريده....

حتى ان ذاك اليوم مر. مع الايام...
وتخرجن وانتي بقيتي معيده
...........

[محمدالمـــرشدي]

دلوعةٍ ماودي ازعلها
واقول يالبى العناد وحيه

واحيان اقول الله يلوم اهلها
مادخلوها مدرسه فكريه

......................................


صوت المنبه لشتغل بعض الاحيان
اقول هاذي نغمتك تتصلبي

لين اكتشف ماكان واقول لوكان
ليتك دريت عن الوله وش فعل بي

شوفك غذا روحي وانا احتاجك الان
يااكسجين انفاسي ونبض قلبي





.................................................. ...........


لاتقول لكل شيٍ فات مات
وقبل لاتبدي فرح والا زعل

قول دايم في غياب الامنيات
قـــدّر الله و ماشاء فعل
...................................

طال السهر ياللي تحرى بكره
وشمسه تبي تشرق وجوك غايم

يمكن سبب فرحتك في ماتكره
وممكن يكون الجد مالك لايم

لكن مضمون الحكي والفكره
قل من يقين موكله للدايم

....................

اللي كتبته في سجل النشاطات...
من قبل لاتسجل خروج نهائي

تعليق واعجاب وسلام وتحيات...
ورسالتن مكتوبتن من اهدائي

من دهشة الموقف وبعض العبارات
تقول خط انسان باولى ابتدائي
كم شعب دارت عليه الدايره وانكب
وكم منكرٍ مرنا ماعاد نستنكره

والدم في سوريا يصل لحد الركب
ونصد دونه وبعض احيان مانذكره

[محمدالمـــرشدي]

رحلة الشمال (http://mrshde.blogspot.com/2012/06/blog-post_330.html)




مرورا. بخرجا والعمق ماشئ ذالحين
أبي مع طريق المهد خط الحناكيه


ؤالياجيت للدوار وأخذت معه يمين
تنصيت حائل والصدور الشماليه


انيره من الميتين للميه وستين
ماينزل معدل سرعته لين أجي حيه


جذبني لهم حبل التواصل وهم غالين
ولهم منزله في نون هاذي وهاذيه


منول مواعيد العزيمه على بعدين
لكني نويت اجيه والجيه الجيه