المساعد الشخصي الرقمي

مشاهدة النسخة كاملة : البرق سنّك والشفايف مراهيش=والا القمر لوجهك العذب شاشه


أميرة رواسي
11-12-2008, 03:40 AM
لاصرت معي أنس العتب والمحاريـش



ولاصرت معّك أنسى التعب والغباشـه




تدري وليش؟أنا بعـد مـدري وليـش




السـر مابيـن الحشا....والحشـاشـه



رموشك جيش وهـدّ ياقايـد الجيـش



يكفي أنـك مستأسـر حنانـه بجاشـه




بشويش درّج لي على الهون بشويـش



نسّ الضما لاجيـت وجـه أنعطاشـه



البـرق سنّـك والشفايـف مراهيـش



والا القمـر لوجهـك العـذب شاشـه



تعال..أسولف لك وعن أيش؟ عن أيش؟



عن الغلا واللي لأجـل عيـن عاشـه



عن الغنج ليّا أحـدث ألفيـن تشويـش



عن الدلع.. ليّا.. طلـع مـع بشاشـه



عنّك وعنّك وعنّك يـا ما..المعاطيـش



عن دهشة مدهوشك ولـون أندهاشـه



وعن لاأصير أناني عـن الدراويـش




وثـوب اليتيـم المنسـرد وأنكماشـه



عـن الفقر..ومجاهـدة لقمـة العيـش




عـن القفر..والبـرد وليـل أرتعاشـه



عن المطايـا.. والبطـا والمطاريـش



وكم راس عزن شاشه المجـد شاشـه



عن لابةن قلـوب عداهـا مخاريـش



الـدم يسربـل خيلهـم مـن طشاشـه




عن الهـوى شوق..وتغلي..وتعطيـش




ليّاعشـق (ولدالبدو..بـنـت بـاشـه)




عن أنـي أحبـك كـذا قدّ..ماأعيـش




وأمـوت بـك علـى كـذا بأنتعاشـه




لاصار رمشك سحر والساحر الميـش




الشوف به مـن بعـد عينـك غباشـه

محمد القسامي
11-12-2008, 04:48 AM
العين الدافئه
تسلم يمينك على منقولك العذب والرائع
وصح لسان شاعره
دمتي ولاهنتي يالعين

دلوعة الشرقيه
11-12-2008, 05:19 AM
مرررررررررره رووووووعه

يسسسسلموٍوٍ حبيبتي

وربي يعطيك الف عآفيه

ولا تحرمينا من جديدك

إبراهيم صبحي العضيله
11-12-2008, 11:09 AM
السلام عليكم ورحمة الله وبركاته

الله يعطيك العافيه على النقل الجميل


وصح لسان القايل

تقبل حياتي

محمد الروقي
11-12-2008, 11:14 AM
تسلمين العين على النقل

الرايع صح لسانك ولسان شاعرهااا


تقبلي مروري وتقديري

أميرة رواسي
11-12-2008, 04:23 PM
محمد القسامي


دلوعه الشرقيه




الله يسلمكم

منورين بمروركم العذب

أميرة رواسي
11-12-2008, 04:23 PM
ابراهيم


محمد الروقي


الله يسلمكم

اترتوا صفحتي بتواجدكم

السيــ عمهوج ـف
09-01-2009, 07:39 PM
الله يعطيك الف عافيه ولاهنتي على نقلهاا الرائع

وصح لسان شاعرهاا وسلم ذوقك ونقلك

دمتي ولاهنتي