ساس العز

من لا يفكّر في العواقيب والجآي
لابد** للدنيا******* تورّيه * شُغله*
والخير يقفي عنه ويقول له باي
كنّه يقول اش لي بمن ضاع عقله
والعاقل اللي يدرك الشور والراي
ويسمع من اللي عاصر الوقت قبله
وانا عرفت دواي* واشفيت من داي
من عقب ما نفسي من الذنب وجله
ياللي** تعزفون* الوتر* مدري* الناي
صلاتكم * قامت* على* غير* قبله
عنكم صرفت العين وابعدت منحاي
وأسرعت في ممشاي وخطاي عجله
رقيت للطولات* وابعدت* مرقااي
باالعز لي*** وقفه ومكسب* ونفله
اعرف صديقي بالزمن واعرف عداي
ماني** ** بمعتوهٍ*** ولآني ب أبله
ابقی علی نهجي وسلمي ومبدااي
اعشق جزيل الفعل وآعيف هزله
ولا احدٍ يعرف اللي تكنّه حناياي
سواة ربٍّ من دعاه استجب له
والله ما ابدي للمخااليق شكواي
داام الرجاء بالله ممدوود حبله
واللي لحقني بالحكی في مقفااي
اللاش مهما قال ما ينحسب له
من جاء بفعل الطيب يسعد بملقاي
ومن جاء بفعل الخبث يجزى بمثله
من فوق ساس الطيب شيّدت مبناي
والشكر* للي** عم* للناس** فضله

عبدالله الصقري ,رحيل ,الجووهره و 5 آخرون معجبون بهذا

نايف الناجي ,ملكة الرواسي ,محمد الغنامي ,شاعرة نجد ,سعود العتيبي

صح لسانك وحالك يامبدع
ابداع وجزالله ومعنى
صح لسانك مدد ولاهنت

خيال مطير معجب بهذا

تسلم ياسعود شهاده اعتز فيها من شاعر جزل شرواك ولاعليك زود طال عمرك

ابن سايمه
صح الله لسانك ملايين
ابدعت وامتعت شاعرنا
كما تعودنا من سموك الابداع والامتاع والجزاله
دمت ودام مداد قلمك ورقي حرفك
تقديري وتقييمي وختم التميز لسموك
النجلاء

صح لسانك

والعاقل اللي يدرك الشور والراي
ويسمع من اللي عاصر الوقت قبله

الله الله
بيت من ذهب
نص فااخر كله حكم ودرر من مبداهـ لـ منتهاهـ
صح لسانك يـ الشاعر صح لسانك

تقديري لـ هكذا شعر,’’

الله الله
حمد بن سايمه
صح لسانك واعتلا شانك
مبدع وجزل شاعرنا
مروري وتقديري
ولك اجمل
تحيه

صح لسانك ولا هنت شاعرنا
نص جميل كعادتك يعطيك العافية