الا ياكديميس

الا ياكديميس انت ماشفت ويش اشوف= بعد عاصفة حزم الجزيره على الشيعي
نطق سيدي سلمان يادار مالك خوف= مواجيع صنعا والحديده مواجيعي
عبث فاليمن عود خبيث وراه ضعوف= يقول ال روافض قم ياديرتي طيعي
وحرك حميا سيدي والهدف معروف=ونا اسندتها لك ونت تفهم مواضيعي
يزيد الحمل ينقص لقو الحمول كتوف=تروح العلوم بعيد وتحير وتريعي
على راس قرم شوق لباست النفنوف=تجيه العلوم ايسار ويمين وتضيعي
فروخ الحرار احرار من ماكر الشنخوف=تروح الحباري قبل ينهض تقاطيعي
ونا ونت جند من جنود{ن} ورانا صفوف = وصية مودع ضمن ودع المواديعي
سماها ذرانا يوم للي نوانا كهوف =ليا شدت الغاره وراحو مخاريعي
نصلي نصوم انحج بيت الولي ونطوف=ولا شفتنا عند المقابر رواكيعي
تحت راية التوحيد سلطه على الملقوف=وبمر الملك ناطا على لحية الشيعي

الله الله
صح الله لسانك ياولد روق
كفيت وفيت وبيض الله وجهك على ها الفاخره
جزل واسندتها على شاعر جزل وشهادتي فيك مجروحه ياشاعرنا
تقديري لسموك
النجلاء

صح لسانك يالروقي
ابداع ماشاء الله
ابيات كلها جزاله وجمال
يعطيك العافيه
بانتظار مجاراه الشاعر الكبير كديميس
تقبل مروري واحترامي

الله عليك يالروقي ابيات بحق جميلة
الله لايهينك وجميل ماشاهدت هنا وفي نتظار الشاعر... كديميس

طبتم وطاب الشعر بوجودكم

صح لسانك واعتلاشانك رائعه بروعة تواجدك وحضورك ..
ودي وتقديري ..

شاعرنا الرائع .. محمد الروقي ليس بغريب عليك هذا الإبداع


قصيدة رائعة صح كلك يا ولد روق


دمت بكل خير

اسمحن لي ان ابتدي بالاخ هزاع
لانه الرجل الوحيد الذي اجد رده الى الان

اخي هزاح شاكر لك وصح قلبك عن كل شر مرورك يسعدني فلك شكري

النجلاء

لك مني جل شكري على عذب الاطراء
وصح كلك عن كل شر مع جل تقديري اختي الكريمه