..’’ درب الحجاز ’’ ..,, و ,,.. !!؟

بسـ الله الرحمن الرحيم ـــــــــــــــــــم



’’ لتواصل ’’



..,, مع تمنياتي لها بالقبول ,,..

ياعنك يادرب الحجاز ان كان توحيني = هديت حيل الي للاحباب مشتاق
اجرمت بي يادرب والبعد كاويني = عز الله انك بالعنى تكسر الساق
يامبعدك يادرب عن من سكن عيني = الي يتل القلب من وسط الاعماق
الي جمع جيشه علي وقام يرميني = وهد الضلوع العوج معلاق معلاق
احتل صدري وانا احييه وش فيني = من يوم شفته جاني الشوق منساق
لا ياقصيده خالده في دواويني = تكرم عن الحبر الرخيص وظهر الاوراق
ياريحه المسك يانبت الرياحيني = شايلك في جوف الحشى وسط ترياق
واليوم غاب وغيبته حيل تشقيني = توقد بقلبي جمر والجمر حراق
اليا طرالي صاحبي قمت من حيني = اخايل القبله وانا يم الاشراق
متى يحين القى بين المحبيني = ويرتاح قلبً للقى حيل تواق
ونذوق صافي حلاه امن الشفاتيني = ونقضّي الساعات في حب وعناق
ودي بلقياه مير البعد حاديني = انا اشهد ان البعد ماعاد ينطاق
يابري حالي ليا جاء الليل يمسيني = يضيق صدر العنى والدمع رقراق
دمعً نحت له خط من فوق خديني = ادري بكثر البعد تاليته فراق
ياهيه يادرب الحجاز ان كان توحيني = سألك بالله تقرب لديرة اشواق

صح لسااانك يانايف

ولي ملاحضه بسيطه اختلف بعض

من القصيده عن الاخر بالحن تقبل ملاحضتي وربما الهجه لها دور

صح بدنك يامحمد


ومن ناحيتي القصيده سليمه ان شاء الله وانت دكتور وادراء مني يامحمد


شاكر لك مرورك يالروقي

صح السااانك يانايف ولاهنت
لاكن اسمحلي وانا امون فيها كسور او جبر
وحياك الله بعد الغيبه
تحياتي

صح بدنك

وابقاك الله يابوتركي ولاعدمت هالطله

تحياتي لك

نايف العصيمي

صح قلبك وكلك

وأسمح لي بنقل القصيده للنقد الأدبي

حتى يتم توضيح جميع الملاحضات من قبل شاعرنا وناقدنا محمد الروقي

وشاعرنا غازي العتيبي

تحيتي وتقديري

خذ راحتك يامحمد وشاكر لك تواجدك يالغالي