مجاريات من داخل سجن رواسي

:::.. (عزاام)

اسْـتَكـن ياركــن ســجن الأدب لاتنهدم
وافســح اركان السعَـه لا تقــرّب يمّــها

لاتحــاول تحتســي في زوياك الوهــم
طــوَّح اشبـوحـك وكـلّ المعانــي لمـَّهـا

بعثرة صمـت الهواجس تسوقك للنـدم
لاتـفلّ البـــوح والوجـــد يشـلـع كمّـــها

والعواصف وان تثنّت على ساق وقدم
تستحـلّ المفـــرده لين تشــرب دمّــها

من جــزالة حــرفنا يرتوي حــبر القلـم
والذوايـق من بـحــرنا نـغـــرّق جمّـــها

مع فـخامة حــزبنا يختفـى لون العدم
والخـواطــر والمشــاعر نـجلّـي همـــّها

من تمعّـن بالخيال ارهـقه ضيق النسم
لين ترضــيه القريحــــه قــبل مـتمـَّــها
_________
:::..(هماليل)

انتفـض يا ركــن سجن الأدب لا تحتزم
زلـزل ضلـــوع المعانــي وعــاود ضمـّها

لا تذيّــرك الهبايـب وأحاسيسـك وســم
يطفي أنفــاس الهجيــرة وتقشــع غمّهـا

لملمة هــــرج الضّمايـــر تورّثــك السّقم
لــو تِعَقــد عروقـها مــا يهــجرك سـمّهـا

والمدمّـــر وان تعـــلّا علــى راس الهرم
يستبيـــح المفردة قبـــل محــد يخمّهـا

من صــلابة حــرفنا كــلّ معنى ينهشـم
والفتــات الّلــي تنــاثــر يشــوم بذمّـهـا

من أناقة حــزبنا غارت طقــوم العجــم
الجمــال المتــرف العــــذب دوم يعمّهـا

من تعلّق بالعتيم أصبح احساسه نجــم
يلثـم أنفـاس الكواكــب ويقبـّـــل فمّهــا
_______
:::..(الهواوي)

ياهمالـيل المـدمّـــر/هـذا الحـرف انـزكــم
مـــن روايـح طـهـبـلاتٍ بـقـافـك شـمّــهــا

عاصـفـتـنـا ياهـمـالـيـل عــمّ لـكــل عــــمّ
والـعـويـد الـلــي بـحـزبـك تـرانـي عـمّـهـا

ليا امتطــى عـزّام صهــوة معانيـه الأشــم
الـقـرايح فـــي قـصيـده خـزمـنــا فـمّـهــا

وان تـغـنّـت شاعـرتـنـا تسمِّعـهـا الأصــم
وابــو عـامــر بـنـدقـه لا يـنـوشـك زمّــهــا

وان ركب عازف على شـداد ريمه واستلم
كـل قــومٍ تـعـتـرض بكـــرتـه ويــل امّـهــا

والطرب والكـيـف غــزلان وانـواع الكـرم
مــن تخـصّـص مهــرة العاصــفـه وبدمـّهـا

ان وصلـتـي للسـعـد خـبّـريـه بــمــا يـتــم
لجـل مــا بــه مــن حيـايا تـمـوت بسمّـهـا

حبذا التنسيق`

هماليل معجب بهذا