ودي اسلم على الحر النداوي

السلام عليكم ورحمة الله وبركاته

كان يا منصور ابوك الصبح هاوي =للمـراح ولا يـردنـه ظـروفـه
قله اني مع صلاة الصبـح نـاوي=اعطي الفكسار لين اكتـم بلوفـه
وانا غدا للسير والمكـره تعـاوي=ما على المشوار والطرقه حسوفه
ما نقيل غير في بيـت الجـلاوي=بيت عود ما تريـح ليـن اشوفـه
شوف ابويه مايجيلـي بالمنـاوي=شوف من يفرح لياكثروا ضيوفـه
ودي اسلم علـى الحـر النـداوي=واتعـذر منـه واقبـل كفـوفـه
لي شهر وانا على شوفه شفـاوي=بس وقتي ويش اسوي في صدوفه
كل ما ينحيبي الوقـت النحـاوي=اتحـرى ساعتـن فيهـا نكـوفـه
يم ابوي ويـم مخلفـة الهقـاوي=البكار اللي لهن نفسـي شغوفـه
ما حلى قدامهـن جـر الغنـاوي=لا اتزح برق الحيا والزم قدوفـه
ما قهرناها على الوادي السنـاوي=في اول الوسمي وفي مقدم صيوفه
الربيع ادنى المرابيـع الصـداوي=والعقوم اللي على الحد معروفـه

يم ابـوي ويـم مخلفـة الهقـاوي = البكار اللي لهـن نفسـي شغوفـه
ما حلى قدامهـن جـر الغنـاوي = لا اتزح برق الحيا والـزم قدوفـه

الله يبقيه لك ويطول في عمره

ويزيد الخير لأهل الخير


سلطان الجلاوي

للشعر عنوان

وللجزاله عنوان

وللمعنى عنوان

وأنت لها شاعر الإتقان

صح لسانك وكلك

ودام هالكينون بكل خير ومعزه

اهلا بالشاعر الرائع سلطان الجلاوي

الله يخليه لك ويطول في عمره

صح لسانك وعلا شانك

صــــــــــــــــــح لسااااااااااااااانك على هذه الرائعه

الله يعطيك العافيه

تقبل تحياتي

كل ما ينحيبـي الوقـت النحـاوي=اتحـرى ساعتـن فيهـا نكوفـه
يم ابـوي ويـم مخلفـة الهقـاوي=البكار اللي لهـن نفسـي شغوفـه

الله الله الله
الشهاده فيك فوق القول والوصف
بيض الله وجهك يابو صاهد
ولاهنت
والقصيده معروفه من قديم
ورايي فيها فوق الخيل
صح الساااااانك يالذيب

سلطان الجلاوي

عسى ربي يطول بعمرك شايبك ويعطيه الصحه والعافيه

لله درك يالذيب

شاعر جزل ومتمكن وشهادتي فيك مجروحه

صح لساانك ملايين وسجل اعجابي ومتابعتي

تحياتي لك

صح لسانك
وربي يطول لك بعمر الوالد يارب

سلطان

صح لسااااانك مليووون ولا يوفووون

مبدع


تحيتي