بسباب من طوّل عليه زعلها

السلام عليكم

ارشييه تقبلوها كما هي :

ياهاجسي هرج المعاليق قلها=يكفي علي من العنا ما أحتملته
أما تحيزم للحموله وشلها=والا الحمل ياهاجسي عنك شلته
مشارك الشعار يحسب هللها=ماكل مايطري على البال قلته
أنق الجزل عن هزلها واعتزلها=واللي يجي من هزلها ماقبلته
ايامنا بذت خفاي بعملها=عسى ماهوب حساب ذنب عملته
أركت علي حمولها واحتملها=قلب على ميل الليالي عدلته
واقنعت نفس رزقها ثم أجلها=عند الولي رب العباد وسألته
لجل الهموم اللي ترادف كتلها=ولايخيّب اللي في زماني أملته
البارحه بين الهضاب وسهلها=اتعبت رجلي لين قلبي دبلته
بسباب من طول علي زعلها=ولافيه شي للوصل مافعلته
هذا جزايه يوم روحي دخله=ونوّخت حبه في حشاي وعقلته
وعشت الليالي كلبوها بأملها=وباب يجي من يمها ماقفلته

وسلامتكم :)

سلمت محمد صح لسانك ودام نبضك
الله عليك يالمبدع
ما اجمل حروفك عندما تلامس القلب
يعطيك العافية ......
.

ارحبي يالملكه

الله يسلمك

صح بدنك يالغاليه

ولا هنتي على المرور

صح بوحك الذي تخلل بالجمال
سلمت ولاهنت أيها الجزل .."

الله الله
محمد الفراج
صح لسانك مليون ولايسدون
نص فاخر وجزل وليس غريب على
شاعرنا الابداع والجزاله
سجل اعجابي وتقديري
ولك ختم التميز

محمد الفراج
صح لسانك واعتلا شانك
ابيات جميله المعنى وجزله
لاهنت يااخوي
احترامي وتقديري لك

البـارحـه بـيـن الهـضـاب وسهلـهـاا ,,, تعبـت رجلـي ليـن قلـبـي دبلـتـه

صح لسانك , وبيض الله وجهك
راقةة لي شاعرنا ’

دوك

صح لسآنك محمد الفراج

ويعطيك العافيه على هالرآئعه