( باقة معتّقة )

السلام عليكم ورحمة الله وبركاته

تقبل الله منا ومنكم .. وكل عام وأنتم بخير

باقة أرشيفية

^_^

أزفّ التهاني وأبعث الشوق والباقات = سكايب حروفٍ .. فايحاتٍ معانيها

بريح النفل والورد والعطر والنسْمات = وروح الصداقة والمحبة تجاريها

وأودّع كريمٍ حلّ في شهرنا اللي فات = رحلْ يالله أكتبْ صومنا وأنت واليها

عسى الله يقبلْنا.. ويتقبّل الطاعات = ويختم لنا بالخير ماضي لياليها

وعسى اللهْ يهنّينا .. ونهنأ في الجنات = معَ والدينا نلتقي في معاليها

سمعت الخبر بالعيد قلت: أبرك الساعات = ليالي المعايد باينه من عصاريها

أباركْ حلول العيد واليوم تبريكات = وأهنّي الملك والشعب وأقصى مواطيها

معَ هلّة العيد إستهلّت لي القافات = وقمت أكتب أبياتٍ طرت لي مغانيها

وأهني هجوس الشعر وأرفع لها الرايات = وأدندن مع الطاروق وأجيب طاريها

** **

**

عبدالله الصقري ,ريم الفلا ,ملكة الرواسي و 5 آخرون معجبون بهذا

علي القرني ,رحيل ,محمد الـفراج ,شيخـــة الغــيــد ,محمد الغنامي

الله الله
عبدالله الدنيش
صح لسانك واعتلا شانك
تقبل الله منا ومنك صالح الاعمال
واعاده علينا وياكم اعوام عديده
سجل اعجابي وتقديري

/

تقبل الله منا ومنك وكل عام وأنت بخير وصحَّة وسلامـــــــــــــة
/

/

قصيدة جزلة وافية من راس وافي
كتبت فـ أبدعت
فـ هنيئاً لنا بنبعك المتدفق بيننا
صح منطوقك ملايييييييين على هذه الدُّرر
واعتلى شأنك

إحترامي لنبضك وحرفك

الدنيش
صح لسانكـ
قصيده جزله ولاهي غريب عليكـ
وكل عام وانت بخير

وعليكم السلام ورحمة الله وبركاته
منا ومنكم صالح الاعمال .. وانت بخير

صح لسانك على هالرائعة
ولاهنت

صح لسانك اخي الى يوم الدين
جزله من جزل ووافيه من وافي لا عدمناك وكل عام وانت بخير

عليكم السلام ورحمة الله
واللهم آمين

وأنت بخير شاعرنا
وصح لسانك على هـ المعايدهـ الفااخره
إبدااع ليس غريب من المبدعين

سمعت الخبر بالعيد قلت: أبرك الساعات = ليالي المعايد باينه من عصاريها

وأهني هجوس الشعر وأرفع لها الرايات = وأدندن مع الطاروق وأجيب طاريها

رووعه,صح لسانك,’’

ارحب ياعبدالله

وكل عام وانت بخير

شاعر جزل وصح لسانك


تقديري