الشعر ســـــامي

.




.

بديت بإسم اللي له الملك بالذات = فرد ٍ صمد خلاق كل الأنامي
الواحد المعبود رب السموات = علام مايجري عزيز المقامي
ماأقول فات العلم والعلم مافات = رووس الأشده ماتعود مسامي
ترى المجامل شين في بعض الاوقات=يخلف نظام اللي يعـرف النظامـي
سهيـل يفـرق لابـداء فالمجـرات=مثل الصباح يزيح جنـح الظلامـي
مايقبـل القسمـه ولابـه خيـارات=الفرق واضح في حلال وحرامـي
الشعر معنى في جميع العبارات = والصمت حكمة كل رجل ٍ عصامي
الشعر مبدأ للعلوم الجزيلات = والقدر في صدور الرجال أحترامي
مشهود لعيـون المـلا فالطويـلات=تمجيد اله وأسمه على العز سامي
ومن لادرج له بصمة ٍ فالسجلات = غصن الطراه نهايته للصرامي
الصعب طايع فالبيوت العسيرات = والكسر لويجبر عيابه عثامي
الشعر وهبه والخلايق مقامات = رسالته عليا عن أرض العدامى
الشعر سامي في جميـع المجـالات = تبعد به الأفكار شرقاً وشامي
الشعر ماهـو وزن شـده وضمـات=ولا هو هدف ويحققه كـل رامــي
الشعر معنـى للعقول الفهيمـات=ومعلقاتـه سبع عــد التمـامـي
الشعر يصرف صرف مثل الجنيهات=وصوغ الذهب يوزن بوزن الجرامـي
نـوادره در البحـور الغـزيـرات=يتعب لها السباح والمـوج طامـي
أسم تناقـل بـه جميـع المحطـات=مصيون عن ترديد بعض الكلامـي
شاعر ولي في محكم الشعر قالات =وبرهان شعري بالإشاده وسامي
والشعر ألي غايه وللناس غايات = وتاريخ مجده للرجال الحشامي
ولاينحني تـاج ٍ علـى راس هامـات=زندي قدح وذخيرتي مـن حزامـي
العـذر يسبـق طيتـه بالتحـيـات=والطيب مبداهـا ومسـك الختامـي

الحرالأشقر

الله الله

صــــــــــــــح لساااااااااانك اخي الحر الاشقر

الله يعطيك العافيه على هذا الايداع

تقبل تحياتي

الحر الأشقر
صح لسانك وعلا شانك
كلمات القصيده في منتهى الروعه
في انتظار جديدك بلهفه وشوق
تحياتي

صح لسانك اخوي

والله يعطيك الف عافيه

تقديري لك يالغاالي

اخوك


النداوي

صح لساااااااااااااااانك أخــي الفــاضل

نــص راقي كارقيك دائمــا

تقديري لك

صح لسانك يالحر الاشقر


دائمآ مبدع كما عهدتك

الحر الاشقر

قلت فالشعر ماقلت ومدحت في الشعر السامي وهذا حق لا جدال فيه

ومدحت في نفسك وهذا تستحقه ولكن لدي سؤال بعد كلمة صح لسانك الى رضاك


لم تعترف الا لهذا

الشعر معنى للعقول الفهيمات=ومعلقات سبع عد التمامي

يعني ماعدا هذا لا يعتبر شعر ام ماذا ام انني لم افهم المقصود

تقديري مسك الختام

سعد المسعودي

للشعر دلالات وأمثله لايستطيع أحد إنكارها

وللشعر بزوغ لا يستطيع أحد تهميشه وتحجيمه

لغات متعدده تختلف بلغة شعراؤها

نص حمل الكثير والكثير من الروعه

حمل الإتقان الشعري

وحمل الرسالة الشعرية

سهيـل يفـرق لابـداء فالمجـرات = مثل الصباح يزيح جنـح الظلامـي
مايقبـل القسمـه ولابـه خيـارات = الفرق واضح في حـلال وحرامـي

صح كلك يالحر الأشقر وجعل السعد مايملك

ودام هالبوح وراعيه بكل خير وموده