فستان لكل مناسبة؛؛

فستان لكل مناسبة؛؛ يا إخوان.. الإنسان اللي الله منعم عليه بنعمة العقل يروح يسجد لله شكر ويحمد ربه؛ لأنه بهالزمان الأقشر صعب عليك تمسك مخك وكل الدنيا مصرقعة وبدون مخ، يا كثر ما تشوف عندنا شغلات ما تخش المخ، تصرفات ما لها تفسير، ومن هالاشياء اللي تبط الكبد ومحتاجة عالم رياضيات عشان يحلها سالفة حريمنا مع الفساتين، الزوج يجبر نفسه ويحاول يقتنع أن زوجته لازم تلبس زيها زي الحريم الثانيات، والحرمة لا عطيتها ريق حلو يمكن تخليك تشتري أسواق الفيصلية كاملة لو ترجع مديون عشرين مليون، وإذا قلت لها يا زوجتي خربتي بيتي صرت مديون بعشرين مليون تقول لك: ليه هو أنا ما أستاهل وش ينقصني عن بنات الناس وبعدين شد حيلك وافتح مؤسسة وطلع كم عامل على كفالتك زي غيرك، في سنتين زمان تصير رابح فوق العشرين مليون، يا عالم مين قال إن الحرمة عيب تلبس الفستان مرتين؟ نفسي أعرف منهو بس؟ يعني واحد مسكين عند قرايبه اربع مناسبات زواج في هالصيف، خلاص يروح فيها ويشوف أقرب مسجد يجلس على بابه يشحذ، وش اكثر من هالبذخ والبطر في النعمة؟! فستان مكلف شي وشويات ما تلبسه الحرمه الا مرة بحياتها، يعني الازواج محتاجين يكونون رجال أعمال عشان يقدرون يصرفون على بيوتهم، الحريم عندنا يشتكون من كثرة العنوسة والطلاق وهم ما هم دارين ان تصرفاتهم اللي يشوفونها الناس كرهتهم بالزواج وسنينه! السؤال الحين : تشوفون لما الوحده تشتري فستان كل مناسبة شي طبيعي ولا تبدير ؟؟؟؟

سناء ,محمد الغنامي ,ملكة الرواسي معجبون بهذا