ضجيج المطارات!!

بين الضجيج وزحمةً فالمطارات=
اخشى على المشتاق من زود صبره
ينتظر لحظه لقاء عقب غيبات=
ضامي من الاشواق ماباح سره
متى تنادي للحفر ذيك الاصوات=
اللي تودي للمسافر مقره
طيارةً فخمه وفيها مضيفات=
ويمنى تتل الناس صوب المجره
لاجيت اوصفها تخون العبارات=
لن البحر مسحوب لله دره
قريب من نفسي ولا فيه سجات=
ولا يعطي الشاعر مساحه لفكره
والصمت أبلغ لابدا البوح هيهاات=
صوت المعنا من خفوقه يجره
حتى ايش لو طالت علينا المسافات=
نصبر وعقب الصبر نلقى المسره
ويرتاح راع الشوق لحظه ولحظات=
ثوبه من الاشواق صعبً يزره
والزير وهو الزير راع البطولات=
يفحم ليا شاف الجليله تمره
وعنتر قضى عمره بصوله وجولات =
ولا مرته عبله تزايد بشره
وعروه ابن الورد رجل المهمات=
ابو اليتاما والمساكين مره
تلة خفوقه جاريه لين مامات=
وعاش العمر ياهل الهوى ماتشره
وياغيمة ً فرع الحفر هلي اوقات=
وسقي شعيب افليج وفجوج بره
وعقب الضجيج وزحمةً فالمطارات=
تهيض المشتاق وتزداد صبره

عبدالله الصقري ,محمد الغنامي ,عالية المقام و 2 آخرون معجبون بهذا

شموخ الوايليه ,صـدووودٓ

شاعرنا احمد السليمان
الله الله صح لسانك
رااااقت لي كثيراً كلماتك
لاتحرمناا من ابداع فكرك وقلمك
لك تقديري وتقيمي لجهودك
تحياااتي
صدووود

احمد السليمان
صح لسانك يالجزل
نص رائع وفخم
من شاعر جزل ومبدع
يعطيك العافيه
تقديري لسموك

الشاعر القدير
احمد السليمان

صح السانك واعتلا شانك
قصيدة جزلة من شاعر جزل
تقديري لك واحترامي

صح لسانك يا احمد نص لشوق والاشتياق تقديري

صح الله لسانك شاعرنا المبدع أحمد السليمان
أبدعت وأمتعت لا عدمناك

صح لسانك شاعرنا ولا هنت
يعطيك العافية نص راقي برقيك

احمد السليمان
صح الله لسانك مدد بلا عدد شاعرنا الرائع
ابدعت وامتعت كما تعودنا من سموك الابداع والامتاع والحضور المميز
دمت ودام مداد قلمك ورقي حرفك الفاخر
تقديري وتقييمي لسموك
النجلاء