بنية دوحنا

24-10-2017, 07:25 PM

هديتكم من سجن الرواسي علها تروق لكم

الا يالحمامه دام لك هالمسا عندي حضور=عليِّ ارفقي كفي نواحك ليا جيتي على
عسيب الغريس اللي موالي ترا دمي يفور=اما خفضي ضغطه بعذب الغنا والا فلا
حطيني بجوٍ يفتح النفس ويغذ الشعور= بطعم المحبه دام به عرق ينبض بالغلا
انا يابنية دوحنا والكلام بشكل شور=هالايام احب التهديه كان لي عندك ولا
فقدته ومن فقده صحيح العدد جابه كسور=ولا مرحبا في غيبة اللي نود ولا هلا
اظلم جونا عقبه وهو كان له من قبل نور=واشوف الشوامت صوتهم عقب ما سافر علا
رغم ما حصل لي منه يالله تكافيه الشرور=وانا داري انه رغم ما صار قلبه ما سلا
لكن الظروف احيان غصبٍ على ابن آدم تجور=وهذي حقيقه مالها منكر بكل الملا

شيخـــة الغــيــد ,صـدووودٓ ,ملكة الرواسي و 6 آخرون معجبون بهذا