الوجه الفقير !

بعد الغياب ~

تقبلوها كما هي `

في خاطري لجّت بيوت الشعر من قلبً بصير=نبع القريحه مايطوّف بين دوك وهاتها
ابطيت عن بدع القوافي وادري انه مايصير=مستغربه خليتها تبطي وهي بسكاتها
لكّن حرّكها زمان الهم والجرح الخطير=ومن نفسي اللي كل صدمه خيّبت هقواتها
يطيح من عيني كبير ويكبر بعيني صغير=تعبت اجامل خطّر العالم .. على زلاتها
ليه البشر ياسامعيني ماتحافظ فالمسير=في كل ليله والاوادم تختلف خطواتها
وجه الغني .. يحق له لكنّ يالوجه الفقير !=جاك التكبّر وسط نفسك .. يوم بقعى جاتها
ترا الكبير اللي كسب مرضاة ربه ي الكبير !=واخلاقه تشابه هبوب النود مع نسماتها
ماهوب راعي مصلحه والا يعزّا فالضمير !=ولاهوب صاحب نيّةً يفرح بها .. شمّاتها
العام احسبك في عيوني عن جميع الناس غير=مير الحياه الها .. حقايق تنكشف لحظاتها
خلك على نهجك مصرّ وواجه اقدار المصير=واحسب سنينك كل مره واجمع لخيباتها
ماقول انا منك انكويت وطبت يالضلع القصير=اقول انا نفسي ممشيها على مشهاتها

رحيل ,غزلان ,ريوف و 5 آخرون معجبون بهذا

الملكة ,خيال مطير ,هزاع العاصمي ,محمد الغنامي ,صـدووودٓ

صح لسانك يا سامي

ابيات قمة في الجمال

دمت بسعادة ..

خيال مطير معجب بهذا

الله الله
ياسلام عليك وصح الله لسانك ياسامي
كايفه ونايفه وجزله كما تعودنا من سموك الابداع والامتاع والحضور الملكي
دمت ودام مداد قلمك ورقي حرفك الشامخ
تقديري وتقييمي لسموك
النجلاء

‎صح لسآنك
‎قصيدة في منتهى الروعة
‎أبيات جداً جداً عذبة
‎شكراً لك بحجم ماتخطه يمنآك من أبداع
‎ودي وخآلص أحترامي

خيال مطير معجب بهذا

الله الله
سامي الغنامي
صح لسانك واعتلا شانك
نص فاخر وجميل كما تعودنا من شاعرنا
شاعر جزل وشهادتي فيك مجروحه
سجل اعجابي وتقديري
ولك اجمل تحيه

خيال مطير معجب بهذا

صح السانك شاعرنا
ارويتني شعر هذى الصباح برغم مافيها من شكوى
شاعر تجيد العب على القوافي بطريقة الشاعر المحترف دام النبض
والعطاء اسعدني المرور من خلال متصفحك الرائع من الاعماق اشكرك

خيال مطير معجب بهذا

صح لسانك وسلم نبضك وأحساسك
وبيض الله وجهك شاعرنا

صح لسانك ولا هنت
ابدعت كلمات راقية برقيك