مادام للسجن جاء مكتوب سجانه=حكومة السجن مانقدر نحاربها
لاكن ليا صار برد ووسط زنزانه=اسلي الروح والا اقوم اعاتبها
معاتبة خلٍ اوحد عقب خلانه=دنياه قامت تعرض له مناكبها
يمسي وعينه بصاف الدمع غرقانه=ويصبح وكبده على الملا يقالبها
من واحدٍ عكش رمشه خدرٍ اعيانه=محبته في عروق القلب ساكبها
كل الاوادم بعيني مالهم خانه=من مشرق الارض لين اصل مغاربها
لو هو بوصله نقص بلحين ميزانه=له ردةٍ لو بعد مده بفوز بها
حتى المشاعر ثلاث شهور بردانه=من سبة البرد مدري من سبايبها