19-09-2007, 05:42 pm
بسم الله الرحمن الرحيم

هذه مساجله شعريّه بيني وبين الشاعر القدير / هزاع العاصمي
وقد وردتني عبر الجوال ...

الشاعر / هزاع العاصمي


يابو محمد قلنا ويش طاريك = يومك على الصاحب تزوم وتعلا

نفسٍ تحدك بالجفا دوم تدعيك = خل الجفا للي تحب وتخلا

وإن كان زعلان فلا بد نرضيك = مثلك علينا واجبٍ لو تغلا

والحرب معلنها ولاهوب خافيك = والسيف الاملح من جفيره يسلا

والابواق دقت والقوافي تباريك = ونظم القوافي من افعولك تجلا

والناس لازامت علينا نوريك = نبحث خفا الملقوف واللي تبلا

وترى اتصالي يوم ياتيك شاريك = والا فلاني من يباع ويملا


الشاعر / عبدالرحمن الحمد



ماهي حكاية أنا بايعك وشاريك = ولاحكاية من تغلا يخلا

ياصاحبي ماعاش منهو يخليك = ورفاقتك ياصاحبي ماتملا

لكن! ظروف الوقت عني توديك = والحمد لك يارب ماقلت : كلا

هذا هو المكتوب ولاهوب خافيك = حتى لو العاذل تمادى وتبلا

ياذيب أنا اعزك وقدرك واغليك = في خافقي لك يارفيقي محلا

ودامي على راس الشِفيّه اباريك = محدٍ سبر للقاع ومحدٍ تعلا

ون كان تنشدني عن اسمي اباعطيك = اسمي سمّي *السيف* اللي يسلا

سل المهند وعطب اللي يعاديك = (*السيف* الاملح من جفيره يسلا)

لاصرت في صحتك والحال مستور = يغنيك عن بعض الرفاقه رفاقه
منتب على طرد المقفين مجبور = أما الوصل وإلا بلاش العلاقه