يا مبرمج الهوج بالتوصيف برمجها
يا مبرمج الهوج بالتوصيف برمجها
برمج علومٍ من الحقران مصيونه النفس من صادق الاقوال حملجها الطيب عند النشاما زاد مخزونه مالك ومال المشاكل لا تروجها دنياك يا عاشق اللذات ملعونه حفظ قوانينها واضبط مخارجها وخلك زعيري قبل ماتصير ديمونه والناس منكم كثير الهرج مزعجها ومن كثر الازعاج والتفكير محزونه بعض المواضيع والعثرات تحرجها من عالمٍ ياحريب الصدق مجنونه ناسٍ مساكين والشيطان يدرجها بالكذب والزور والبهتان مفتونه تبغى تدرس ولا تفقه مناهجها تتل حبل الوصال وتقطع منونه اذاعةٍ شيد البوذي بوارجها ومذيع الاخبار قام يطير عيونه حرج على تينته وازعج محرجها وعيوا هوامير راس المال يعطونه يا الله يا خالق الاجيال تفرجها على الذي يعتريه الهم وشجونه #__عيد بجاد بن شده |
صح الله لسانك ياعيد بن شده
ابدعت وامتعت كما تعودنا من سموك الابداع والامتاع والجزاله دمت ودام مداد قلمك ورقي حرفك الفاخر تقديري لسموك النجلاء |
صح السانك شاعرنا ابيات توشحت بالحكمة
والمنطوق الحسن ابدعت في بنائها انت مميز بالتوفيق |
لاهنتوا وصحت ابدانكم
الله يمسيكم بالخير |
صح لساانك شاعرنا
ودام هالحضور |
صح لسانك شاعرنا الرائع ولاهنت على كل حال التحية لك,,,,, |
صح لسانك ,
|
صح لسانك واعتلى شانك
مبدع ياشاعرنا |
الساعة الآن 01:36 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir