الهروج اللي تجي من مليمت الهروج=ماني بشاري ولابايعٍ في سوقها
من يطب العوج ماهوب جايب غير عوج=والعقول الناقصه من يصك حلوقها
ما استفدنا من سوالف مفتشة الدروج=غير سب الناس للناس وهضم حقوقها
واكثر اصحاب الرخاء حزت الحاجه يموج=كن ربي ماخلق دم وسط عروقها
لو ما اسج الرجل وادله مع وساع الفجوج=ضحكةٍ من خاطري ماقضبت سبوقها
ليت لي جنحان مثل الطيور اللي تروج=كان اخلي ضيقة الارض للي فوقها
ودي اخاوي سحابٍ حمولتها الثلوج=اتمتع في رعدها ونوض بروقها
خير من شوفت رديٍ على النمه يدوج=والرجال محاسبه في رداء منطوقها