دام السجين محمد الغنامي = يبشر بقافٍ مثل بن الدلّه
قهوة صباح و جوّها مترامي = يجلي عماس الراس يوم نزلّه
للي خوى راسه نهار صيامي = وعند الفطر للي خوى جاء حِلّه
لو كان حزبك داعشي واجرامي = و اجرامهم ما يخرج من الملّه
ومن بعد ذا خذ نشرة الاعلامي = موجز غموض وكل درب تدلّه
البارحه شفت القمر قدامي = لكنّ يا بعده على خلق الله
ما هوب صعب اقرب منه باحلامي = واما الحقيقة ما قدرت آصل له
بيني وبينه غترتي و اكمامي = وبيني وبينه حرف نصب وعلّه
و يا مفسر الاحلام يا الغنامي = ما فيه حلم ما قدرت تحلّه

هات الجهاز وشاحنه ياسامي=وافتح على صفحه جديده بالله
دعيت هاجوس القصيد إلزامي=في ماقفٍ قده وانا كفوله
من دون حقي ماتلين عضامي=لارحم ابو قلبٍ يعرف الذله
اليوم يوم ان العباد نيامي=نوادر كديميس جات مطله
شعرٍ حلو ويبل كبد الظامي=ويدبل كبودٍ داميه ومغله
بالشعر طامي مثل بحرٍ طامي=وبالمرجله وين انت ياواصل له
انا اشهد انه مسندي وحزامي=سيف ليا شان الزمان اسله
وليا نخاني فالنهار الحامي=أقف لخصمه واعتبر خصم له
وان كان حالم حلم مايلامي=احلام ليل وبالاداب مخله
ننخاء ونستفزع بحر قطامي=شيخٍ يعقد الحبل ثم يحله
ناصر زبون الشارده لاقامي=شوق الهنوف اللي بوسط الفله
يقراء ويعرف وشهي الاحلامي=ويماشي المجنون كنه ظله

المشاركة الأصلية كتبت بواسطة النجلاء (المشاركة 351157) آلله آلله ياسلام عليكم شعراء الجزاله والابداع صح الله لسانك وصح آلله لسان الشاعر كديميس السيحاني مساجله أكثر من رائعه ابدعتو وامتعتو ويعطيكم العافيه تقديري لكم النجلاء

المشاركة الأصلية كتبت بواسطة المهره الاصيله (المشاركة 351158) ماشاء الله ابداع صح لسانك يالغنامي وصح لسان كديميس مساجله روعه وجزله لاهنتوا عليها يعطيكم الف عافيه بانتظار ابداعكم القادم تحياتي واحترامي لكم المهره الاصيله

المشاركة الأصلية كتبت بواسطة مـهـا (المشاركة 351170) الله الله اجتمعوا الحبايب فديتهم :-) صح لسانك شاعرنا كديميس .. وصح لسان شاعرنا محمد.. يعطيكم العافية على الابداع الرااقي.. دمتم بكل سعااادة..