خل الأمل يقضي على دابر الياس
من لا تهمّه حاجتك لا يهمّك=يكفيك رب الناس عن منّة الناس اصبر ويفرج عالم الغيب همّك=وخل الامل يقضي على دابر الياس ويا اغتابك اللي في غيابك يذمّك=خلك ثقه واحلم وخلك قوي باس واطلب رضى الله في رضى ابوك وامّك=وخلك حَذِر بمعاملتهم وحساس ولا تقصّر بـ جارك وخالك وعمّك=الناس شرهتها على طيّب الساس وافزع مع اللي حدّه الضيم يمّك=ترى الشدايد لـ ..الاواليد مقياس وزلّة بني عمّك ولحمك ودمّك=لا باس لو عنها تغاضيت لا باس حافظ على كتمان همّك وغمّك=وعمّا ينزّل قيمتك ارفع الراس وحضنٍ على ضو انكسارك يضمّك=فوراً كيانك بين اياديه ينداس شَمِّر شموخ وفسِّر اطراف كمّك=ويغنيك عن كسب المذله الافلاس محمد العواد |
الله الله
محمد العواد صح لسانك يالجزل مبدع وجزل كالعاده ابدعت وامتعت شاعرنا سجل اعجابي وتقديري يسبقه تقييمي والتميز ولك اجمل تحيه |
راااائع يالعواد
صح لسانك شاعرنا ننتظر جديدك |
محمد الغنامي صح بدنك كل التقدير والعرفان مع وافر التحايا والاحترام |
شاعرنا المبدع والمتالق
صح الله لسانك مدد بلا عدد ابدعت وامتعت كما تعودنا من سموك الابداع والامتاع والحضور المميز دمت ودام ابداعك ورقي حرفك الشامخ تقديري وتقييمي لسموك النجلاء |
صح لسااانك الى مالا نهايه
ابداع غير مستغرب منك يا جزل تقييمي المتواضع .. |
قصيده قمه في الجزاله والابداع
ابدعت وامتعت شاعرنا صح لسانك مليون ولا يسدون ويعطيك العافيه على هالراائعه |
شاعرنا الكريم
صح لسانك ولا هنت نص راقي برقي حضورك |
الساعة الآن 12:29 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir