ابو ساره ولد عّم ورفيق وغالي ً بـ الحيل=لكنّ معاد ندري وش حصل للطير حوراني
بعد ماصاحب مطوع ضريه وابرهه والفيل=تغيّر والتغير عادة ً في عيال مسحاني
من الليله ترا خوته معروضه على التقبيل =نبا ننتف لريش الطير ونبيع له مجاني
انا خابره مجرم قد وصف في محكم التنزيل=ليا شاف العذارا صاب عقله خُف واجناني
يمثل دور قيس ابن الملوّح واحسن التمثيل=قتيل الحب والعالم ماتعرف وجهه الثاني
مهوب مطوع ً مثلي يسبّح كل صبح وليل=ولاشاف البنيه صد عن مدعوج الاعياني

الله يمسح جرة الظالم هههههههههههههههههههههههههههههههههههههه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وش اخبار المطوع هالعشي ياعل فاله زين=عسى ماهم كماه مطوعين بماض الازماني
عسى قلبه تنفس للتقا والدين من هالحين=والا قبل العصر ماهو مطوع جد/ قوماني
يلد بعين للمسجد وللغاده يلد بعين=بعين تشوفه ملاك وعين فيها نصف شيطاني
وانا والله ماودي بالردا وابا افهقه بعدين=لعل الطير يفتح معركه من قاطعٍ ثاني