الرائع ناصر الهواوي و صدى مشاعري
 

مجاراة تمت بيني و بين شاعر الرواسي الرائع
ناصر الهواوي
أتمنى أن تليق

انا سجنـت البارحـه طيـر حـوران
ولقيت ماجد بالسجـن مـن غريمـه

يامرحبابـه عـد مـن كايـنـن كــان
ترحيـب تقـديـرٍ وحشـمـه وشيـمـه

بدايتـه خـذلـك مــن الـبـن فنـجـان
والظهـر بطـنـك جـوعـه للوليـمـه

وعطنا مـن جـزال التماقيـل قيفـان
تـزيـل ضيقتـنـا يـامــال الغنـيـمـه

يشدنـا توصيـف مدعـوج الاعيـان
شقحـا شـنـاح ولا عليـهـا وسيـمـه

من حبهـا للبعـض عاميـن وجعـان
ومن شوقها يسهر لو الخـود نيمـه

وليا سمـع نـوح الرواعـب مسيـان
نــاوح نوايحـهـا وروحــه سقيـمـه

ووجه لها مسرع على جيب نيسان
طايـر ولـو يعطيـه ساهـر قسيـمـه

ناصر الهواوي

.....

أرحب تراحيب المطر يا كحـيلان
راع النقا و العلم الأسمى زعيمـــه

يا مرحبا تعـــداد ما مرّت ازمـان
بك يالنداوي عدّ غيمه و ديمـــــه

يا ناصر الجزل الهواوي بليهــان
ما للعظيم ألاّ العــــــــلوم العظيمه

تبقا ســـــــما والنايفة شأنها شــان
و مال للحنون الاّ الرحوم الرحيمه

عــذرا عيوني حلوتي لبّ الاشجان
غير العــذارى والحلا تســــــتهيمه

معشـــــوقتي وألوانها غير الألوان
ما مثلها يشـــــــــبه لروحي غنيمه

جنبي ويدّي بيدها كلّ الأحـــــــيان
وانا وشــوقي والمشاعــــر لزيمــه

أشتاقها ســـــارة هيامي و الأوطان
وعيونها في نن عيني مقــــــــــيمه

أن غبتها آآآآآآآآآآآآآفزّع فلان و فلان
مجنونها و الحب ...... قصّه قديمه

بن رتيق



يابـن رتيـق درينـا انــك حـصـان ومـلـول
بــدري وتــو الاوادم مــا انقـضـى شانـهـا

لشـرَّد الشـعـر يـابـن الـنـاس بـاقـي فـلـول
ولشـرَّدالـصـيـد حــــق اتــــدك مـيـدانـهـا

اثر السبوعين نوب اتصير محسـوب حـول
يـخـتـل بـغـيـاب مـــن تــهــواه مـيـزانـهـا

طرا على البال صـورة تـوت ويضـم لـول
جمـر وبـرد جـل مـن هــو جـمـع الوانـهـا

وكتف وردف والخصر من بينهن به نحول
ورمـشٍ بسلهامتـه يضفـي عـلـى اوجانـهـا

احترت انا في كثافة رمـش طـرفٍ خجـول
ان غمـضـت كـيـف تـقـدر تفـتـح اجفانـهـا

اصغي بسمعي تقول اوحيت همس امعسول
ومـشـاعـري للـخـيـال اهـتــزت اركـانـهـا

ناصر الهواوي


حيّ الجزيل السموّ الترف عذب الفصول
لامن همى من رفيع الشـــــــــرَّد وزانها

يا ناصر الشـــــاردة فوق الطويلة تطول
راس الطويلة و هامتها و تيجــــــــــانها

الك البقا والرفيعة لك مقــــــــام و نزول
والك المعاني نغم تترنّم الحــــــــــــــانها

أسمع عصافير فكري وافتهـــم وش تقول
لا هزهزت بالمشاعــــر جملة اغصانها

يا معجم الفكر لو أشرح واقول و أقــول
كل المعـــالي بوصفـه تاه عنوانهـــــــــا

أدعج تَغَنَّجْ دَلَا و أختالني بالذهُـــــــــول
فيه الجــــــــــــزايل هيام اختلّت اوزانها

دندن بوجدي غلا واسهج غرامه سيول
وامطر يقلبي تفاصيله و ميزانهــــــــــــا

بن رتيق

ماجد الله عليك
صح لسانك ملايييييييييييين
لاهنت بيض الله وجهك

/

صح لسانگ ولسان الشاعر ناصر الهواوي
وبيض الله وجيهكم.. لاهنتو

الله الله
ياسلام عليكم شعرائنا المبدعين
صح الله لسانك ياماجد
وصح الله لسان شاعرنا ناصر الهواوي
مجاراه رائعه واكثرويعطك العافيه على نقلها لقسم المجاريات
دمتم ودام وجودكم وعطائكم
تقديري وتقييمي
انجلاء

صحت الالسن ،
لله دركم على هذا الابداع منقطع النظير ..
وماهي غريبة الابداع والتميز طبعكم وعنوانكم .
دام هذا الحضور المبهر ..

الشاعران القديران

ناصر الهواوي
ماجد بن رتيق

صوت وصدى رائعان ومميزان
لافض فوكما
ع هذه الروائع والاناقة في الحرف والكلمة
تقديري لكما واحترامي

.

.

تجدانها هنا

http://www.r111n.com/showthread.php?p=437713#post437713

الله الله
مبدعين مبدعين
صحت الالسن وبيض الله وجيهكم يالجزلين
مجارايات عذبه ولها رونق خاص
صحت الاسن وسلم البنان
مرروي وتقديري
لاهنتو