الـــــمـــرســول
السلام عليكم ورحمة الله وبركاته
الله يسعد مساكم هات الورق يالحميدي والقلم هاته=في خاطري كلمتينٍ جات حزتها يا راكب اللي على بديه ولزقاته=رشة وكالة تايوتا حي رشتها لكزز تميز عن خوانه بلوحاته=عون اربعه تقصر نفوسٍ تهقوتها كنه مع السايد الايسر ليا شاته=معواد حربيتن من عقب هجمتها ما همه الدرب لو طالت مسافاته=توايره تقصر المشوار دورتها وصل سلام العطاوي مع تحياته=وبيوته اللي هجوس الشعر صفتها لشاعر اللي عسى الله يرحم امواته=هو مركز النادره فالشعر وسبتها ما جازلي غير صرف الجزل فبياته=تقول يصرف من الدولار عملتها هذاك ابن عون عبدلله وعاداته=يرهي على الطيبه ويجيب هامتها تلقاه في مجلسٍ مدهال لبداته=على عقاب الدلال يدير صبتها ما يحسب حساب كم وصلت خساراته=يفداه من عود البيبان صكتها شيخٍ تزيده على الطالات هقواته=يوم ان بعض العرب في حلو نومتها ثم سلمه ما كتبته والخبر هاته=عن جادلٍ سقم روحي ما تعدتها اتلا العهد به يوادعني بنضراته=ونا وقفت ارثي بحالي وحالتها فجت ضلوعي برمح البعد وازماته=تبا تكحل عيون الحب وعمتها وقفت بعد سلمت قلبي معاناته=وزريت اداوي خفوقي من محبتها على كثر مرسل المرسول بوصاته=عيت تهياء لبن فراج شوفتها ونا يابن عود صبري في نهاياته=والعين عيت تذوق النوم سبتها في عبلةٍ بين ظلم وبين سفواته=حملت عيني ورجلي فوق طاقتها صدري شمالي لاكن النفس مشماته=تضغط على العين لين تبين عبرتها واليوم حتى الخلاء ضاقت مساحاته=ولا عاد الي فيه خاطر عقب غيبتها https://www.youtube.com/watch?v=CG_Gz3tkc8U |
يسعد أيامك محمد أبدعت وأمتعت
صح لسانك مليووون ولا يسدووون ويعطيك العافيه على هالراااائعه |
شاعرناا محمد الفراج
صح الله لسانك وسلم بنانك وفكرك ابدعت فيما نسجت من كلمات رائعه راق لي ماخطته اناملك لك شكري وتقديري |
الله الله
صح لسانك واعتلا شانك يابو فيصل ابدعت وامتعت بهالجزله والكايفه سجل اعجابي وتقديري يسبقه ختم التميز ولك اجمل تحيه |
شيله رائعه وصوت فخم
صح لسانك ملايين يعطيك العافيه تقديري لك |
تسلم يابو فيصل تسلم ابداع منقطع النظير
ويسلم صوت المنشد الشيله بصراحه كايفه كايفه واعزي لك اثر اللي طارحك عنا هالمده امرٍ امروع لاهنت وبيض الله وجهك |
اقتباس:
ويسعد ايامكـ يالجووهره وصح بدنك لين ترضين تشرفت بمروركـ لا عدمت هالحضور |
الله الله
ياسلام عليك وصح الله لسانك مدد بلا عدد شاعرنا كايفه ونايفه ورائعه من شاعر جزل ومبدع دمت ودام مداد قلمك ورقي حرفك الشامخ تقديري وتقييمي لسموك النجلاء |
الساعة الآن 09:14 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir