ابغى انسحب واترك جميع القروبات
 

ابغى انسحب واترك جميع القروبات
ماعاد لي في كثر الازعاج حاجه
.
واتساب وتويتر وكل السنابات
عنها حديث الترمذي وابن ماجه

طفش من ناسٍ سوات الخواجات
ومليت من كثر الغلط واللجاجه
.
هيهات ياسلم الرياجيل هيهات
ماعاد به سلمٍ شريفٍ مزاجه
.
كثر الغلط يزعج وكثر الدعايات
هذا المرض يا ناس صعبٍ. علاجه

عيد بجاد بن شده

# رد الشراري. ؟؟؟؟

ياعيد مانسمح البعض القرارات
مثلك يابن شده طليقن حجاجه

يا عيد لك جمهور بين الشرارات
بيتك صخر ياعيد ماهو زجاجه

واللي خلق بالكون سبع السماوات
مثلك نحب امشاهده والمواجه

ياعيد لو لاحضت غلطه وزلات
بعض الخطأ لاصار نالقا علاجه

مدالله البخيت الشراري

صح لسانكـ وصح لسان الشراري
صوت وصدى في قمة الابداع
تسلم يمينكـ على النقل يا عيد

صح لسانك وصح لسان الشراري
صوت وصدى في قمة الابداع
لاهنت شاعرنا
تحياتي

الله الله
عيد بن شده
صح الله لسانك يالجزل
وصح لسان الشرارري
مجاراه من الطراز الثقيل
سجل اعجابي وتقديري
ولك اجمل تحيه

الله الله
ابدااااااااع وامتااااااااااع
صحت السنتكم
لاهنتو
تقييم وختم التميز وقليل في فخامة حرفك

مجآرآة اكثر من رآئعه

صح لسآنك

وصح لسآن الشرآري

أبدعتوو يعطيكم العآآآفيه

الاخوه الكرام
الله يمسيكم بالخير
والعافيه
وصحت ابدانكم جميعاً

صح لسانك مليون ولا يكفون
لا هنت شاعرنا وعساك على القوة