تداحم سحاب الخير من ما عليه و غاض
و حوّل على نجد العذي ما وقف سبله

لعله يغسل الارض و يطارد الامراض
حساسيةٍ منها اغلب الناس منهبله

و تصبح ديرنا من نبات الربيع فياض
تقول انها ملعب من الضلع للعبله

و نطلع لها و نطّلق الرجل بالمركاض
ديار الجدود اللي لهم مجد يحسب له

ذبحنا الرياض و عنه يا ما اطيب الاعراض
من ازعاجه تقول الاذن جوفها طبله

واذا من طلعت قريّب احتاج لي لاغراض
من يسافر لجده من ديارنا اقرب له

وينك شآعرتنا ):

شاعرتنا ريم الفلا
ان شاء الله تكونين بخير ازعجنا غيابك يالغاليه
في انتضارك