《 فضفضه مع نفسي ومعكم 》
 

الخميس 22 محرم 1439

سبحان الله وبحمدة _ سبحان الله العظيم

بدايتي هنا بتحية الأسلام

السلام عليكم ورحمة الله وبركاته

هنا سأكون بعيده عن ضغوط الحياة
وعن هوايتي وعشقي ( الشعر ) قرأءه وكتابه
الأ ماندر .. لأني وصلت لمرحلة الأكتفاء وعدم الرغبه

ركني اقرب له الدوانيه أرآء واستشاره وحوار
اسمعوا مني وشاركوني ،،

ساكون مع ذاتي ومعكم

ساكون أقرب منكم وتكونوا اقرب لي

لأني اعتبركم جزء مني ~

هل تقبلون ذلك ؟!

وعليكم السلام ورحمة الله وبركاته

هلا بشاعرتنا المبدعه

نورتي الركن الهآدي

ومبروووك افتتاح المدونه

وأكيد نقبل ريووووووم

وشرف لنا القرب منك

والتواجد معك هنااا

وما نستغني عن ابداعك في الشعر

وانتي مبدعه بكل حالاتك وأينما كنتي وحللتي

سلمتي ودمتي

بداية جميلة
الف مبروك غلاي

وعليكم السلام ورحمة الله وبركاته
شاعرتنا الخلوق ريم الفلا
الف مبروك افتتاح المدونه
عساها عامره بكل ماهو طيب ومباح
سجليني من متابعينك
دمتي بخير

اهلين جوهره منوره غلاتي وشاكره لك

ملكة .. ياهلابك يابعدي منوره


محمد .. هلابك يبارك بعمرك
واكيد مافيهاااا الا كل شي طيب
وحياك الله

الدنيش هلابك يبارك فيك
شاكره حضورك


خيال مطير ..حياك الله
والله يبارك فيك
شاكره مرورك

يقول أ حد كبار السن
شباب اليوم يرفعون أثقال وحديد وإذا أذن الفجر لايستطيعون رفع اللحاف
مؤلمة ياشباب الأمة

تعالوا يارفاق

سأحكي لكم حكاية .. قصيرة
هذي سيده مسنه وعاجزه قبل عدة سنوات
جأت عندي وقالت انا بدرس ... قلت طيب يخاله
سبق لك درستي قبل ؟
قالت .. ايه درست لين 3 ابتدائي
قلت لها حلو .. ليش ماتدرسين تعليم كبار
رابع وخامس في سنه
قالت صدق ودي كيف قلت سهل في نفس المدرس
بس العصر تجين وتقابلين المديره وتقولين بدرس اخر سنه عندكم .. وفرحت وصارت تتشكر وراحت
مادريت الا جايه المدرسه قبل أسبوع
قالت عرفتيني .. قلت لا مين وعلمتني قلت ايه
وعلومك وش صار معك قالت ابشرك اخر سنه في الثانوي
قلت ماشاء الله رغبتك قويه وصملتي احسبك بس كذا تسليه
قالت لا العلم زين .. بس كثير انتقدوني !!
قلت بالعكس والله شي جميل وانا مبسوطه لك
وقالت يعني اكمل مشواري قلت كملي عساك على القوى

جميل ان اي شخص يكون عنده طموح وعزيمه
وخاصه في العلم لان ماله عمر محدد ..
الفائدة ان مافيه شي صعب بس اعقلها وتوكل وأعزم وأصمل سعيده جدا لها
وخاصه وأنها عاجزه وفي عربيه
( انتظر عودتها اذا الله عطاني انا وياها عمر تقول اخذت الجامعه)


{ من اسوار مبنى مدرستي حصل }

مثل كانت جدتي الله يرحمها تقوله
الولد بالمدح والبنت باللدح ولا الردح
ليه ياجده ..
المدح للولد وحنا ننردح ):


وشرايكم في ذا المثل ؟!

انا ضد ضد ضد .. الولد ليش له المدح الولد مفروض الشدة والقسوه عشان يطلع رجل يعتمد عليه..

والبنت المدح والثناء عشان تبدع وتتفنن

وجميل جدا شعور انك أثرتي على هالانسانه

وشجعتيها وكنتي سبب في مواصلتها للتعليم

شعور جميل جدا جدا لا يمكن وصفه



جزاك الله خير ريوم

وبالنسبه للولد والبنت والتفرقه في المعامله

من حيث الدلع والمدح

انا ضد ورايي من رآيك

الولد ظروري الشده معه اكثر من البنت

لانه يعتمد عليه في اشياء غير البنت

البنت مسؤليتها محدوده جدا

ولا تقآرق بالولد ابدا


فالبنت لها الدلال والدلع

والولد لزوم الشده معه شوي

وبس والله

ومشكووره ريووم على طرح هيك مواضيع هنااا

استمري حبيبتي

متابعه لك ولمواضيعك وابداعك

ريم
مدونتك رقيقة وجميلة
احب هالنوع من المدونات جداً
سأكـون متابعـة دائمة لـ صرحك الساحر هذا

شاعرتنا المبدعه والمتألقه
ريم الفلاء
الف الف الف
مبرووك
افتتاح المدونه الرائعه واكيد لنا الشرف بمتابعتك والاستمتاع بما يخطه قلمك
اعتبريني من زوارك ومتابعين ركنك وجمال حرفك
تقديري لسموك
النجلاء

http://www5.0zz0.com/2017/10/16/14/609916987.jpg


انا مزيج من التفاؤل و الامل
و انا خليط التضحية و الذكريات

كان الجزاء للناس من جنس العمل
انا ادمح الزلات و الملم شتات

كنت اكتب اسمي و اسم خلّي بالرمل
و اليوم كل اللي كتبته قبل مات

هلا وغلا نجد
منوره غاليتي .. تعليق جميل سلمت أناملك
أتشرف بمتابعتك

تسلمين غاليتي لاعدمتك

جميل جداا .. أحسنتي غاليتي ولاهنتي
ويامرحبا فيك

مرورك أجمل ياجميله
واتشرف في متابعتك لاهنتي

هلا وغلا بالنجلاء منوره غاليتي
أتشرف بمتابعتك ولاهنتي

http://www12.0zz0.com/2017/10/16/23/495770648.jpg

متعتي في وحدتي
لا أريد سوى قلمي ودفتري وقليل
من رائحة العود
الممزوج بك ~

اسلوب جديد في الكتابه !

الكثير من المقربين لي يقولون ريم أنتي ليش
شانه حرب على الرجل ؟

لا وبعد لا الرجل نصفي الثاني !
الرجل اغلى شخص واغلى شي عندي والدي
الرجل عمي وخالي . ليه احاربه بالعكس
بس مرات تكون فيه مواضيع احب اكون في صف حواء وأقف ضد أدم . وممكن مشاكسه مرات
لانه الشي الوحيد اللي أغار منه هو الرجل ...

وقفة صراااحه (:

كنت هنا وأعجبني حرفكٍ يالريم الفلا
•تعليق بسيط على موت الروح وموت الحرف
‏نُريد حروف تُصلح
لتكون بداية البدايات يالريم
‏فليت السكوت يموت !
ف ‏كُل ما أستحقه بعد هذا الحزن
هو ذاكرة لا تعرف من هو الحبر وماذا
فعلوا به الآخرين ؟
ففاجعتنا في الحُب يالريم انهو
يتكوّم داخل الهاتف .. ثم نقيس
علاقاتنا بعدد الرسائل !!!!!!!

تقبل مروري

يامرحبا بالحبر وخطه
يامرحبا غاليتي .. جميل ماخطه حبرك
سلمتي ودمتي .. وتشرفت بمتابعتك ومرورك

اليوم موضوعي عن الشيلات والمنشدين

هذي الشيله احبها. كلماتها جميله


https://youtu.be/5SSuJj5ojVE


على اني ماحب صوت المنشد مع احترامي لشخصه ومحبينه وجمهوره الا انه في هذي الشيله ابدع

اهلي دايم يقول ليش ما اعطي منشد قصايدي يشيلها
ماطراء علي والله تكون قصائدي مغناه
احب قصايدي تكون خاصه في وفي المكان اللي اكتب فيه فقط !
نرجع للمنشدين .. فيه منشدين اصواتهم كلش ماتساعد
بس يصير له جمهور ومحبين ويصير له شعبيه
وفيه منشدين مبدعين ماشوف لهم تواجد !!
وفيه قصايد ذهب ذهب يشيلها منشد توه بادي ويدمرها ويشوهاا .. والعكس تكون قصيده عاديه جداا يرفعهاا المنشد
وتبرز هذي القصيده ويتغنى فيها الناس
هذا عشان الشيله اللي نزلت رابطها حبيت اتكلم شوي
وبس سلامتكم ،،"

ريم الفلاء
الف مبروك المدونه
اعتبريني من متابعينها

مررت من هنا ووجدت الفائدة مقرونة بجمال العبارات والراي
لك اسلوب لا يشبهك به احد اعجبني في اختيارك وطريقتك بالسرد واحببت
تسجيل اعجابي ولا اخفيك اسعدني المرور بالتوفيق والى الامام وكل الشكر
اجمل وارق تحية

حياك الله . محمد الفراج
أتشرف بمتابعتك لاهنت

حياك الله .. هزاع
شاكره لك المرور يسعدني متابعتكم واتشرف بالجميع
لاهنت على ذلك

http://www5.0zz0.com/2017/10/22/01/930004563.jpg


حين تراني احمل لعبة دميه دبدوب أشاهد كرتون

وانا في هذا العمر ... ماهي ردة فعلك ؟!
هل تعتبره شئ عادي _ هل تنتقدني

تصبحون على ماتحبون ي آحبه

1:42 _ص

انا اشوفه عادي جدًا
بس بيني وبينك
اذا شفت وحدة شايله دبدوب مايعجبني منظرها
واشمأز منها

وبنسبة لي احب افلام الكرتون خاصة كونان
وملكة الثلج
مع اني ما احب التلفزيون والمسلسلات
بس افلام الكرتون :bwush: >>>> داخلي طفله صغيره:biggrin2:

صفي بجنبي لاعدمتس
لبى اللي يتابعون كونان ههه

http://www9.0zz0.com/2017/10/24/00/609604861.jpghttp://www10.0zz0.com/2017/10/24/00/625248241.jpg


حكايتي وبدايتي مع الشعر كانت

ايام الثانويه .. كنت مطلعه جداا
وقتها كانت الأمسيات الشعريه والمجلات الشعبية
هي تبرز الشعراء .. كنت أشتري مجلات .. المختلف ..وفواصل وليلة خميس .. والصحف
ومازلت احتفظ فيها (ذكرى جميله)
تاثرت ب طلال الرشيد الله يرحمه والشاعر منادي والسامر
والفيصل والبدر كانت تجذبني طريقتهم في الإلقاء
لدرجه صرت احفظ لهم وأقلدهم حتى بحركات يدينهم وتعابير الوجه. كنت اكتب بيت بيتين إلي خمس ابيات فقط
وأخبيها ..
ابوي كان يحفظ قصايد وقصص
وكنت اذا جلست معه جلسه طويله يسولف لي
ويقول قصيده وأكمل له اخر الشطر
قال لا عندك حس شاعر ياريم
وكنت اقول جت كذا (:
ابوي يكتب بس بويتات ويبدع في الفصحى اكثر شي
وشعره تقليدي . هذا وهو الغالي وأنقده
وخالي شاعر مره يعجبني شعره وقوته غير كذا حتى في المحاوره
كنت اللعب معه لعبة كمل الشطر شطر منه وشطر مني
لين تكمل 7 ابيات واللعب مع طاروق لين فهمت له وعرفت طريقته


وانا مع من ينتقدني ويصحح من وضعي مو مع اللي يمدحني وغيره يضحك علي لا

في اول منتدى سجلت فيه استمريت فتره عضو عادي بس اقرا قلت بنزل شي وأشوف نزلت ابيات فيها نقص في الوزن
وكانت ردتهم المدح والأعجاب !! طيب والخلل محد لاحظه
المشكله يوم دخلت ملفاتهم شعراء قصائدهم جزله

بعد كذا نزلت قصيده صحيحه واثنوا عليها ماستغربوا هذي الشاعرة نزلت ابيات مو موزونه ثم ابيات جزله
هل هي مجامله ولا عدم ملاحظه ؟

هذي هي بدايتي وطولت عليكم في الكلام

http://www4.0zz0.com/2017/10/25/20/632116309.jpg

حمامة الدار يا حلوك حمامة سلام
الدار دارك و منزالك و حنا ضيوف
**
يا كثر ما نامت الاحلام ذاك المنام
اللي صحت منه مفجوعه بعد زود خوف

R

....


...

مبدعه ريووم

بكل حالاتك

مدونه غييير

واسلوب جميل ومتميز في الطرح

استمري غاليتي


دمتي لنا ودآم هذا الابدآع

وعلى طآري الحمآمه

تفضلي شيلة سمعت الحمآمه

اهدآء لأحلى ريووم

ومتآبعينها ..........


https://www.youtube.com/watch?v=CMZzm2pErgQ

بعد قلبي مرورك الأجمل لاعدمتك

روووعه الشيلة يسلمو غاليتي أهداء ذوووق ربي يسعدك
لاهنتي وشاكره مرورك الجميل