ظلم
ماتحتاج تقديم
زرنا ظلم جعل الضلع والاوديه للسيل= من نوٍ تزبر مزنه ودن رعاده يضك الشعيب ويمتلي بالمطر ويعيل=ويحذف الطفل لاعلى روابيه ووهاده مقر الرجال اللي من الطيب توف الكيل=هلا مرحبا فيهم لمن زارهم عاده استقبلنا ابو فيصل بفرحه وهيل وحيل = وطيبٍ بابن فراج ما ينلحق ماده زبون الخساير مايجارا قوي الحيل=نعم ما تكفي من خبر فوقها زياده وقلطنا بعد جينا البلد عند نافل جيل=ابو بندر اللي لاجهلت الكرم ناده يجيك الكرم باسم ابو بندر وله صهيل=ميراثٍ مخلينه لبو بندر عواده ولاشفنا بها الا كل شهم ابلجٍ حلحيل=هل اقلط تفضل دوك والنار وقاده هاكالحين يوم النقع يدعي نهاره ليل=غنانيم روقه كلهم ساده وقاده |
الله عليك شاعرنا كعادتك ابداع
صح لسانك ملاييييين |
صح لسانك يامبدع ولاهنت وأنعِم وأكرم بأبو فيصل وأبو بندر مهما قلنا فيكم لن نوفيكم حقكم وبيض الله وجيهكم، ووجهك أبيض يابو عبيد! |
صح لسآنك شآعرنا
والنعم فيهم ويستآهلووون |
الله الله
صح لسانك يابو عبيد وبيض الله وجهك ولاعليكم زود والله انه ابرك الساعات يوم نشرف بمسياركم انت وابو محمد اخوان ونفتخر فيكم وبمجيكم سلمت ولاهنت وبيض الله وجهك |
صح لسانك . يالامير
|
الله الله
صح لسانك يا ابو عبيد وبيض الله وجهك على هالرائعه يستاهلون و نعم فيهم وفيك |
ابو عبيد
صح لسانكـ مليوووون ولا يكفوووون وبيض الله وجهكـ ولا عليكـ زود انت وابو محمد والساعه المباركه جيتكم لا عدمتكـ ولا عدمتكم |
صح لسانك يالجزل
ابيات في قمه الروعه والجزاله يعطيك العافيه تقديري لك |
ياسلام نص رائع شاعرنا
كفيت ووفيت وختامها مسك صح لسانك مدد ولاهنت |
صح لسانك وبيض الله وجهك على اتحافك الجزل
لاعدمنا ابداعك شاعرنا تحياتي |
صحٍ لسانكـٍ
سِلٌمت أنامِلكُ على هذا الكلمات الرِاقٍيه ,, عَسَـاَك عَالـقٌوةَ وَ مَاَ ننـحِرم مِن ابداعك ,, وَنحن فِيْ إنتِظاَرْ مَاَ يَفِيضٌ بِه قَلَمٌكْ مِنْ جَدِيدْ وَ مٌِميزِ، تقبل مروري المتواضع كل الاحترام والود |
الساعة الآن 04:42 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir