.ام وابو شاعريين واخت مهايطية وجد وجده مراهقين مراهقه متاخره

[سلطان الروقي]

كان يا مكان ايام الايام وسالف العصر والزمان .. أيام التيل اللي نجمعها بعلبة البرنقلز وجيراننا بعلبة النيدو ويهايطون علينا ويقولون لنا انهم اكشخ وحنا نهايط على جيراننا الثانيين اللي يجمعون التيل بعلبة كوكاكولا ونقولهم انا اكشخ وكل واحد يهايط عالثاني وما زالت الحيآهـ مستمره .. http://vb.eqla3.com/images/smilies/038.gif

ولا ننسَى الهيآط بالددسن أبو غمآرتين وجيراننا بآلكرسيدا على وقتنآ كآنت مره كشخه تقِل بي إم ههههههههههههههه .. >< http://vb.eqla3.com/images/smilies/rolleyes.gif

وكمآن أوّل مآ دخل بابا البيت يهآيط علينا لانه شَرى جوال العنيد 1 الكحلي اللي كأنه برميل منتفخ وقصير وعجز يستخدمه وقعدنا نضحك عليه وبعد كم يوم علمه خويه وصار يضحك علينا http://vb.eqla3.com/images/smilies/008.gif وصرنا نصف عنده طآبور عشان نلعب لعبة الثعبان <~ بوه لعبة ثعبان ولا ؟ http://vb.eqla3.com/images/smilies/Looking_anim.gif بديت أشك هههههههههههه ..

وبعد وقتها كانت ماما تتابع الفيس بروسلي وكانت خاقتن معه هو و مآيكل جآكسون وترى بآبآ ما كان يغآر أبد .. <~ حركآت ذالأم مآ يمديكم ههههههههههههههههه http://vb.eqla3.com/images/smilies/10111.gif http://vb.eqla3.com/images/smilies/grins.gif



المٌوهِم .. فِي مسآء ليلة من تلك الليالي كان الجو شتاء نهارا باردا ليلا قارص البروده فجرا احيانا ممطر احيانا لا http://vb.eqla3.com/images/smilies/026.gif .. قررّ والدنا العزيز انه يآخذ امنا ويروحون ديرتن ثآنيه ويغيرون جو ( مسويين شآعريين ههههههه ) http://vb.eqla3.com/images/smilies/004.gif بدوننا طبعآ تعرفون اندبلت تسبدهم منا وحده يبيلها تغيير حفايظ والثانيه رضاعة والثالثة تمشي وهي تنام والرآبعه ماغير تصايح تقل بالعة رآديو ومشغله الإف إم وبطنه ترقص إثر الترددات اللي تطلع من الرآديو ..



وجآت جدتي المصٌون للحراسه الليلية والرعاية النهارية والإهتمام <~ مثل ما يقولون مذر كير بس هذا قراند مذر كير <~ تعلمكم إنها تعرف عنقليزي بس ترى ماهوب إسم سٌوق هع .. http://vb.eqla3.com/images/smilies/biggrin.gif

في الليلة الثانيه من غياب الوالدين الشاعريين جاء للجده اتصال مهم أقوى أبو شي وسحبت على ذالورعان المساكين عَ أساس انو ترجع بعد وقت وجيز وهي اللي تسحب ولا ترجع .. يقولون ان جدي غار من ماما وبابا وكلمها وهي خقت وطلعت معوه .. يقولون والعهده على الراوي ههههههههههه .. http://vb.eqla3.com/images/smilies/n/sm3.gif



ونقعد حنا في ذمة اختِ الكبيره اللي كبر رآسها كعادة الأخوان الكبار وقامت تهايط علينا http://vb.eqla3.com/images/smilies/frown.gif وخذ لك يآ قصص رعب يقالها تبينا ننام .. وقعدت تقول لنا عن عجيز مسيكينه بجنب بيتنا .. كان شكل بيتها يخوف تقل بيت خفافيش عايشتن بوه لحالها .. تقول انها ساحره ومشعوذه ومن ذالكلام وانها تاكل الأطفال , اللي ما يسمعون كلام اختهم الكبيره .http://vb.eqla3.com/images/smilies/n/sm5.gif. وكان شكل العجيز يهيء لهالكلام .. وصدقناها يا قلبي علينا http://vb.eqla3.com/images/smilies/n/sm12.gif ..



وصرنا ماشيين مثل الألف معها .. تقول بنا يسار نروح معها يسار تقول يمين نروح يمين .. يَ لها من اخت شرريره مره .. http://vb.eqla3.com/images/smilies/0381.gif

وفي الليلة الرابعة من غياب الوالدين والثانيه للجدة قعدت اختنا فالله تفلع علينا وخذ لك يَ هياط كما هي العاده http://vb.eqla3.com/images/smilies/drake.gif .. وان بوه حرامي جاء بالليل طل من الدريشه سالها من صاحي قالت ما احد وراح لو اننا صاحيين كان اخذنا .. http://vb.eqla3.com/images/smilies/n/sm1.gif

ولزيادة الأكشن اكشنين ونص خذت روج ماما وكتبت بوه على باب الحوش ايها الزلايب ناموا والا , واخذتنا وقالت شوفوا هذا كتبه الحرامي بدممه .. http://vb.eqla3.com/images/smilies/stern.gif

ونحنو اللذين ماهيب صآحية وندخل كننا خرفان اختِ التسبيره تسوقهم وكل واحد يتوجه لسريره http://vb.eqla3.com/images/smilies/frown.gif وبعد ما نامت هالوصخه قمنا كل أبونا ونمنا بسرير امنا وابونا وخمينا المخده وانواع الصياح واللي تشاهق وخشمه ينقط وتمسح بكمه واللي دموعه اربع اربع وحالتنا صعبه شوقا إلى أبينا وأمنا اللي نسونا .. http://vb.eqla3.com/images/smilies/n/sm1.gif http://vb.eqla3.com/images/smilies/n/sm1.gif

وإذا بنا نسمع اصوات بالحوش http://vb.eqla3.com/images/smilies/n/sm17.gif ونتوجه إلى اختنا البثره ونسحب شوشته لمين قامت و نقوله ان بوه صوت بالحوش ونطلع نناظر من يآترى هذا قليل الأدب .. وإذا بباب الكراج مكتوب عليه بالدم الحقيقي ..

يآلكم من أطفال بشعين .. جآكم البعبع يآ خوافين .. http://vb.eqla3.com/images/smilies/007.gif



من قبل لأنها هي سبب كل الأزمات اللي مرت علينا لكن هذي جديده وما مرت علي يغلط وانا اللي مفروض أعتذر <~ إنطربت ههههههههه .. أقصد انو هذا ماهوب من مقالبها الوصخه المعتاده وتصيح وحنا نهدي به مع انه ما تستاهل http://vb.eqla3.com/images/smilies/S_45.gif http://vb.eqla3.com/images/smilies/n/sm3.gif .. أخبر حنا البزران اللي المفروض تسكتنا .. وخمينا بعض وقعدنا بنص الحوش ببجاماتنا وشوشنا وشراب أي وشراب لا والثانيه شرابها مشقوق من عند اصبعها التسبير واللي مع التفكير تحمست ودخل إصبعها بخشمها لا شعوريا واللي من كثر الصياح قلب خشمها احمر تقل طماطه .. كننا جاليات اندنوسيات مضيعات الدار .. http://vb.eqla3.com/images/smilies/008.gif http://vb.eqla3.com/images/smilies/oo_oo.gif



واذا بجدتي تدخل ومعه رآس خروف ( منبع الدم اللي كتبت بوه الكلام ) وتقول كنتم معنا بصآدو وهذا درس لكم عشان تتعلمون وشلون تحبون بعض وتصيرون اخوان حلوين وطيبين وقلوبكم على بعض .. http://vb.eqla3.com/images/smilies/whatchutalkingabout_smile.gif .. حقدت عليها .. سَببت لنا أزمه نفسية تخرب أمه وتقولنا تحبون بعض .. جعلنا ما حبينا بعض .. <~ من ورى قلبه ترى ولا هي شارية حب اخته لانه ما عاد تبي تاكل مقالب .. http://vb.eqla3.com/images/smilies/139.gifhttp://vb.eqla3.com/images/smilies/139.gif

ومن يومه واختِ صآرت اخت كويسه تحبنا وترعانا وتسهر علينا اذا مرضنا وتدرسنا وتحفظنا وترضعنا وكلش وكاننا عيالها .. http://vb.eqla3.com/images/smilies/004.gifhttp://vb.eqla3.com/images/smilies/tongue.gif



ورجعوا امنا وابونا وجابوا لنا هدايا والعاب ومصاص وعلك وحلاو طابوق وكل مالذ وطاب للأحباب .. http://vb.eqla3.com/images/smilies/004.gif



THE END http://vb.eqla3.com/images/smilies/biggrin.gif

مآ يستفاد من القصة :

1)موب عشانك الكبير/هـ تهايط على أخوانك وخواتك الصغار .. إرحم من فالأرض يرحمكم من فالسماء .. http://vb.eqla3.com/images/smilies/rolleyes.gif


2)خلوا ابوكم وامكم كل يوم يسافرون عشان يجيبون لكم هدايا ..http://vb.eqla3.com/images/smilies/008.gif

3)ترى موب كل عجيز ساكنه ببيت موحش لحاله ساحره مير الله يخلف كنا نصدق ولا خفنا مره خذينا 7 حجرات ورمينا عالبيت وقعدنا نقرى عليهن والله لو انه العقبات اللي بالحج ههههههههههه .. http://vb.eqla3.com/images/smilies/Looking_anim.gif


4)جدي طلع زاحف ويغار من شباب هذيك اليومين ومسوي يقلد ماما وبابا ولكن محاولته باءت بالفشل http://vb.eqla3.com/images/smilies/frown.gif مشى جدتي عند الغنم ورجعها يحسبها بتستانس ( تاثير هايدي الله يصلحه كان خاق معه http://vb.eqla3.com/images/smilies/038.gif ) وجدتي الله يصلحها تحسب بيسفرها وهي اللي تضرب تواير مخها وتعصب عليه وتسحب عليه وترجع كعابي للبيت http://vb.eqla3.com/images/smilies/Looking_anim.gif .. وترى راس الخروف اللي كتبت بوه جابته من هناك لانها مسويه تبي تخوف جدي http://vb.eqla3.com/images/smilies/007.gif مصعت رقبة خروف قدامه .. <~ أخق مع الأقوياء http://vb.eqla3.com/images/smilies/biggrin.gif


5)القصة من وحي الخيال ولا تمت للواقع بصلة .. http://vb.eqla3.com/images/smilies/008.gif


لِقْلٌوبكم .. http://vb.eqla3.com/images/smilies/rose.gif

[علي الزهيري]

يعطيك العافيه

لكن حاول قبل تنزيل الموضوع

تجنب بعض العبارات الغير لايقه

لقد قمت بحذفها وتعديلها في المره

القادمه سوف احذف المشاركه كامله

تحياتي

[سلطان الروقي]

اذا اردت ان تحذف المشاركه .. فلا تستشيرني لأني اعتبره نوع من التهديد

احترامي لصاحب المنتدى

[محمد الروقي]

اخي سالم
علي قال اني حذفت بعض الكلمات
فهل ترضا انت بان يكون موقعك فيه اشياي غير لايقه
علي يتكلم من باب المسئوليه والمصلحه الاخويه وليس تهديد كما افتكرت

شكري وتقديري لمجهودك