اعاصير الوريد(خاصة )

[المنصور بن ماجد]

متابعي الاعزاء

هنا ستجدون اعاصير الوريد

من قولي وليس من منقولي

واتمنى ان تنال استحسانكم وتشبع ذائقتكم


انتظروا ما سينزف به القلم على هذه الصفحات


تحياتي لكم

[المنصور بن ماجد]

انا بدوي في شرق والا غرب والا فـي جنـوب=و كل العرب عندي سوى في الشام والا في اليمن
و أنا من المغرب بعد في السلم والا في الحروب=و أنا على أرض الاندلس قد كان لي فيها كفـن

[المنصور بن ماجد]

علام الليل ما يرخي سدوله = على من حط جنح الليل ساتر
خفافيش الظلام اطلق رسنهن = ولو في النور هابنّ البواتر

[المنصور بن ماجد]

يا سبب ما صار للقب العليل = يا دواه ويا مضمد للجراح
ضمني من تحت طيات الجديل = واسقني من منبع العد القراح
عالج المجروح واكسب به جميل = من دواعي الوصل بسطه وانشراح

[المنصور بن ماجد]

يا وليفي لا تقول ان العقل جاء فيه خِلّة = والله انه كامل ٌ عقل الفتى الا من وليفه
كاتم ٌ سر الموده ما تلفض له بزله = والاماني يا وليفه ما تجي والله بكيفه

[المنصور بن ماجد]

مانيب متعود على البوق والدرق = ولانيب متعود على قيل مع قال
يا من سهومك باللواحظ لهن زرق = يصيب ثومة قلب من يبعد اميال
لا تتهمني يا ادعج العين بالسرق = حتى التوارد للخواطر بالامثال
و سرق المشاعر غير والغير به فرق = وأنا بريء باقوال وايضا بالافعال
وصدق الاحاسيس احرقن خافقي حرق = وعلي اورّد بالأحاسيس للجال

[المنصور بن ماجد]

لي في قرار الصمت حكمة وتذكـار=ولي في كلام الرد مغـزى وتوقيـر
ولي في الليالي درس لو طال مشوار=ومهما اتعلم ما اسلم بدون تقصيـر

[المنصور بن ماجد]

الصمت محدق ,, وراه اسرار والا علوم = وانا خيالي سرى بي لين صرت اتبعه
يا عازف الناي لو سريتني للنجوم = ما مل منك الخيال ليا رقى بك معه
لو حال دون النجوم العاليات الغيوم = مدي حبال الامل لو في الامل مصرعه
سر الغلا ما انبنى مابين ليله ويوم = شيّدت برج الغلا في البحر دون اشرعه
انتي ملاك الطبيعه , علم والا حلوم = و شلون مدري ,, ولكن تسكنين اضلعه

[المنصور بن ماجد]

يا طبيب ان كان لك قلت الشكاوي = خايف اللي صابني يعقد حجاجك
عطني الجرعه مادام انت المداوي = يوم جوّك راكد ورايق مزاجك

[المنصور بن ماجد]

دكتوره انا تعبان= ومن الهوى غلبان
والشوء مابيرحم= وبيئول انا الغلطان
مهما شكيت ءلو = بدو يقيبلي قنان
هو موش حرام إنو = مايرحم الهويان؟

[المنصور بن ماجد]

فين الروعه يادكتوره = إزيّ الشكوى صارت كوره
وحارس مرمايا منصاب = وانتي دكتوره شطوره
بيئولو لي الدكاتره رحمه = فين الرحمه يادكتوره ؟

[المنصور بن ماجد]

ماتنفع الاعذار مهما تقولين = وبكره نشوف الحل في الأخذ بالثار
ما دامها ضاعت علي العناوين = لا بد ما نرحل من ديار لديار
مهما ضناني الشوق ما قلت لك وين = اموت واحيا حر ما صرت غدار
و اعلن بثورة ما خضعت لقوانين = ولا اخفي رحيلي عنك , و اعلن به جهار

[المنصور بن ماجد]

جبت اللحن مسحوب لو فيه تغيير = خذ منه ما طاب إلك قبل المنامي
ما انام لين اقول تصبح على خير = يا اللي تقول اني معودك انامي
و اهدي لك الورده ولا به مخاسير = و انته تمن الورد هذا حرامي
و الورد في كفك سوات النواوير = في روضةٍ عُلت صدوق الغمامي

[المنصور بن ماجد]

جبت اللحن مسحوب لو فيه تغيير = خذ منه ما طاب إلك قبل المنامي
ما انام لين اقول تصبح على خير = يا اللي تقول اني معودك انامي
و اهدي لك الورده ولا به مخاسير = و انته تمن الورد هذا حرامي
و الورد في كفك سوات النواوير = في روضةٍ عُلت صدوق الغمامي

[المنصور بن ماجد]

حاولت اصير اني انا الاكثر و افوقك بالجدال = لكن ليا جادلتك ,, الله صخر ,, القلب ويطيع
و احيان ما اطمع بالتعادل معك إذا زاد الفصال = كم تكسبين الجوله اللي ما بها اشري و ابيع
يا ما هره بمجادلك يا ام التغلي و الدلال = لا تفحمين اللي يجادل معك وبهديه يضيع

[المنصور بن ماجد]

يا كثر ما قلتي التوبه = و من بعد مده تعوديني
وما كل غلطه بمحسوبه = لو يدخل اصبعك في عيني
و ليا تحملتي اذنوبه = خليه مابينك وبيني

[المنصور بن ماجد]

ياشاطره في فن تديير الاكتاف = ربط اليدين اظن فعله صعيبي
لا تِرهبين اللي من عداه ما خاف = ويخاف لا رمشك لقلبه يصيبي
ورمش العيون احد من ضرب سيّاف = يا كم هواوي من فعوله عطيبي
و نوض البروق بداجي الليل كشاف = ارزم قنوف وصار وبله نصيبي
و هلت سحايب شعره وينظم القاف = ما سيّل الوادي ولا جاء الشعيبي

[المنصور بن ماجد]

شفت اعاصير الوريد اللي ملتها حروفي ؟ = كلها لعيونك اللي تسحر وذباحه
لو من بعيد المسافه فعلهن بوصوفي = ماتواجهنا ولا زرنا لشاطي الراحه
في خيالي وصفهن , للخافق المشغوفي = استلذ إن شفت عينك سلهمت مرتاحه
ولا يصيبك يا وليفي من حروفي خوفي = وانت لك رمش (ن) يهابه من نقل لسلاحه

[همس الليل]

كلمات فى غاية الروعه


يعطيك الف عافيه

[المنصور بن ماجد]

الاقتباس غير متاح حاليا



الأخت / همس الليل

الروعة مرورك الكريم

وحياك الله والمتصفح ملك الجميع

واتشرف بكل من يمر على هذا المتصفح

تقبلي تحياتي وتقديري

[المنصور بن ماجد]

بغيتك تمد الكأس و آخذه من يديك = فعول العطش , والنفس شفقه وضميانه
مانيب آخذن كاسك مادام العطش مضميك = أبا ابقى بضمايه واترك الخشف رويانه

[المنصور بن ماجد]

وش يسبب النسيان و ادين أنا النسيان = علامه ينسي قايد الغيد للماضي
ولو انه يجادلني يقول اني الغلطان = ومهما يعاند , منه انا ما اقدر اغتاضي

[المنصور بن ماجد]

مدري وش اللي صار لي يا اشقر الراس = اشوف كني صرت ما افهم ولا شي
لو جبت لي قاري ولو جبت حراس = ماعاد اميّز بين شمسي من الفي
ماعاد فيني طب , و اقول لا بأس = اقفت ركاب الأمس عن حاتم وطي

[المنصور بن ماجد]

ان كان عينك صابت الشاعر تمعّن بالعيون=ما ابي علاج (ن) من عيونك غير شوفة رمشها
ما قلت لأحد ايمون , والا انته على مثلي تمون = بأنزه نزاهه للنوايا , ما ادرقت بغشها

[المنصور بن ماجد]

لو تخاوينا رديف (ن) مع رديف = تقتدي بي كل ما زاد العسام
و لو سكنتك ليل في وادي مخيف = ما ترجيتك تبدد للظلام
اعرف إن الليل له جنج (ن) لطيف = تحت جنحه يختفي بدر التمام
واعرف إن الليل نسناسه خفيف = فوح مسك إليا ابتديتي بالكلام

[المنصور بن ماجد]

والله اني ما اتغير عن مبادي القديمه = كود ضلع طويق يتغيّر ويرحل عن مكانه
إن صفا جوي يجيك الشعر يالمجمول ديمه = و إن تعكر ما يجيك الا رشاش (ن) حسب اوانه
النباهه والذهانه ماتجي لي مستديمه = لا تشرّه و اعرف الاسباب ياالعقل الرزانه

[المنصور بن ماجد]

يا صاحبي لا تحسب القلب مرتاح = نار الضماير في خفوقي لهبها

[المنصور بن ماجد]

يا داعي الشوق متعة بصمة ابهامي = يوم اتجراء على الكلمة وعالمها
لا تدخلك ريبة (ن) من نزف الاقلامي = اكتب حروفي و وقت الجد اترجمها
عطني قوافي الشعر من حرفك السامي = واعطيك سامي حروفي و انت تفهمها
تسمو مزاياك بأخلاقك والإلهامي = عندي مزاياك في القمة معالمها

[المنصور بن ماجد]

http://www.albdoo.info/uploaded/2/11162169217.jpg






طفل (ن) غرير وفجعته توقد النار = فرقا شقيقه ولعت زود ناره
ماوده بفرقاه , جاثي ومحتار = لو حاولوا سحبه وقطعت زراره
و يقول للحكام يا مكبر العار = كم طفل قبله مات ما وخذ ثأره
و يطمح ليا منه كبر يأخذ الثأر = و دموع عينه نازفات بغزاره

[المنصور بن ماجد]

سحاب الصيف في جوك علامه = يروج ولا هطل مِنّه غمامه
سحاب (ن) مركم ولا ناض برقه = عسى بشراه يا ولفي سلامه
ولو ماودي انشد عن علومك = مخافة لا تلحّقني ملامه

[المنصور بن ماجد]

يا ليل وش عنده بعد ماضوى الليل = اشوف في جوه غبار وعسامي
ما مد لي من وافيات الفناجيل = اللي تقند كيف من جاه ضامي
قله ترى لسود الليالي محاحيل = تطوي الرشا للسانيه والمقامي
و قله اذا هو شاف من جانبي ميل = يقول لي ويبوج درب الظلامي

[المنصور بن ماجد]

تعال قاسمني مقامات و اوتار = ونقسم حروف الشعر بينك وبيني
و لك من وريدي حرف اعاصير واعصار = وعن بعد لك مني ضحك حاجبيني

[المنصور بن ماجد]

هذا وانا اللي شابك من اول الليل =وتقول انا اللي جيت في وقت ضايع

[المنصور بن ماجد]

هذا وانا اللي شابك من اول الليـل=وتقول انا اللي جيت في وقت ضايع
و إن قلت لك عطني جميع التفاصيل = تقول لا شاري ولا نيب بايع
و إن جيت اعاتب قلت لي عدلك ايميل = و لا نيب طايع لك ولا انته بطايع

[المنصور بن ماجد]

أقول لك ,, وش تترك الروح وتروح ؟ = يروح معك القلب وتروح روحي
وتبقى شرايين الجسد تنزف جروح = و من عاد يالغالي يضمّد جروحي ؟

[المنصور بن ماجد]

جرحت معلوقي وشيّدت لك صرح = بين الضلوع و صرت للبعد ما اطيق
عطني من شفاتك شهد يبري الجرح = اللي من اسبابك نزف في المعاليق

[المنصور بن ماجد]

كثر الغلا لك وترجح به موازينك = تأمر وتنهى , تفرحني , و تشقيني
لعل عيدك يعود , اقول لك وينك = ودي اعايدك , لكن وينك و ويني
ودي لو إن اليدين تلامس يدينك =صبحية العيد و اقول إلك ضميني
و ادري من الصعب عيني تشبح لعينك = رمشك سهوم الخطر لو تنظره عيني

[المنصور بن ماجد]

بين أعاصير الوريد وبين نبض التاجي = قصة اجمل ذكريات العمر يا ريحانه
لك بعمري ذكريات وشف حروف انتاجي = كلها لك لو نسيت اسجلك عنوانه

[المنصور بن ماجد]

لو كان ما نحتاج تفسير الاحلام = و لا فيه رمز نقول فكه يعيقي
إن كان خوفك حطم قياس الارقام = خل المتاهة واخذ علم(ن) حقيقي
خذ راحتك في البعد ما انته بمنلام = وفي خط سيرك خل مشيّك و ثيقي
بس اذكروا بالخير من صدّق اوهام = دنيا , ولا يرضى ان صدرك يضيقي