أميرة رواسي
12-09-2009, 04:04 AM
ياليل ماذكر فـي حياتـي تمنيـت=مثل ابتسامه تنتشل قلـب منصـاب
مليت ورب البيت يـا ليـل مليـت=من الجروح اللي تجيني بلا اسبـاب
تدري يا ليل اني على الجرح غنيت=غنيت دمعه والصدى ضم الاهـداب
تبي الحقيقـة والصراحـه ترجيـت=فرحه ولكن الزمن بالعطـا خـاب
يا ليل قلي بدنيتـي ويـش سويـت=حتى الهموم بداخلي تفتـح ابـواب
ان كان طيبي عيب ومشكلتي اوفيت=اموت صادق وارفض اعيش كـذاب
طبعي كذا عـن ميزتـي ماتخليـت=عندي مبادئ دونها ترخص ارقـاب
(بيني وبينـك) ياكثـر ماتعنيـت=اركض بغرفه مغلقه مالهـا بـاب
غرفه وراها فرحتي دونهـا جيـت=اركانها عتمـه ولاحولـي احبـاب
كاس الفراق المـر منّـه تقهويـت=انا اشهد ان الشوق بالليـل غـلاب
ياليل انا لاشفـت ماعفـت قفيـت=اقفي ولو خلفي كثيرين الاصحـاب
ماذكر ولو مـرة بحياتـي تهنيـت=اضحك كذا والصدق عن شفتي غاب
صارت دموعي ضيف وعيوني البيت=ودايم تشوف من المناديل ترحـاب
لاشفت شمس الصبح لأيديك حنيـت=وفي داخلك حبر القلم بالشقـى ذاب
يالليل قـل للصبـح انـي تمنيـت=بس ابتسامه تنتشل قلـب منصـاب
مليت ورب البيت يـا ليـل مليـت=من الجروح اللي تجيني بلا اسبـاب
تدري يا ليل اني على الجرح غنيت=غنيت دمعه والصدى ضم الاهـداب
تبي الحقيقـة والصراحـه ترجيـت=فرحه ولكن الزمن بالعطـا خـاب
يا ليل قلي بدنيتـي ويـش سويـت=حتى الهموم بداخلي تفتـح ابـواب
ان كان طيبي عيب ومشكلتي اوفيت=اموت صادق وارفض اعيش كـذاب
طبعي كذا عـن ميزتـي ماتخليـت=عندي مبادئ دونها ترخص ارقـاب
(بيني وبينـك) ياكثـر ماتعنيـت=اركض بغرفه مغلقه مالهـا بـاب
غرفه وراها فرحتي دونهـا جيـت=اركانها عتمـه ولاحولـي احبـاب
كاس الفراق المـر منّـه تقهويـت=انا اشهد ان الشوق بالليـل غـلاب
ياليل انا لاشفـت ماعفـت قفيـت=اقفي ولو خلفي كثيرين الاصحـاب
ماذكر ولو مـرة بحياتـي تهنيـت=اضحك كذا والصدق عن شفتي غاب
صارت دموعي ضيف وعيوني البيت=ودايم تشوف من المناديل ترحـاب
لاشفت شمس الصبح لأيديك حنيـت=وفي داخلك حبر القلم بالشقـى ذاب
يالليل قـل للصبـح انـي تمنيـت=بس ابتسامه تنتشل قلـب منصـاب