من هاجسن يبدع ليامنه حضر مايستضيق((المجنون))

[المجنون]

السلام عليكم
أول مشاركه وتقبلوها مني


من هاجسن يبدع ليامنه حضر مايستضيق=سلام تسليمت وفى كل الكبود اتبلها
قالوا لنا بالبحر هرمز ياجماعه به مضيق=وأنا هنا بضيق الشعار وأكثر غلها

[محمد الروقي]

مرحبا وياهلا وغلااا





يامرحبا وهلين من طعم العسل وتبل ريق=مد اليمين اخذ الجزيله والرديه خلها
قالو لنا بالبحر يالمجنون ياكم من غريق=حول يباها ونثنت دونه حباله كلها

[محمد الروقي]

وتراني فتحت المجال عن الربطه وهي حرف (ض)
حتى لاتموت المحاوره في انفاسها الاولى هذا اذا سمحتلي او لي عوده

[المجنون]

مرحبا وياهلا وغلااا






يامرحبا وهلين من طعم العسل وتبل ريق=مد اليمين اخذ الجزيله والرديه خلها
قالو لنا بالبحر يالمجنون ياكم من غريق=حول يباها ونثنت دونه حباله كلها


دام البقا بك والمعاني من صديق اليا صديق=جبت المضيف لين كلن داركم كد دلها
يامرهف الاحساس يابن الناس يالعرق العريق=لاجيت وسط المشكله لازم تزين حلها

[محمد الروقي]

مافيه شك ونت رجال تدور للطريق=احفض عيار البندقيه يوم كفك شلها
خابرك رجال كتوفك تحتمل حتى طويق=ويجذبك براق المزون الي عساها وعلها

[محمد الروقي]

اسمحلي

الان عندي محل تجاري ولازم اكون متواجد فيه

[المجنون]

مافيه شك ونت رجال تدور للطريق=احفض عيار البندقيه يوم كفك شلها
خابرك رجال كتوفك تحتمل حتى طويق=ويجذبك براق المزون الي عساها وعلها


أنته مديرن للعصابه يوم شكلت الفريق=وأنا معاكم ياصحيبي والدروب أدلها
زدني بعد نجمه عشان أشب بالملعب حريق=وغن زدت ثنتين العرب حتى الدموع اتهلها

وصح السانك أنا حصلى شغل يالغالي ولازم اطلع

[محمد الروقي]

انا مدير بلا منازع وترك الدفن العميق=العاصيه ياصاحبي مهما تجور انذلها
ولع رواسي كان بك شده وقل شبت بقيق=وترك نجوم ماتروح الا لمن كفولها

[الصيرمي]

الله الله ..


ياسلام عليكم ياشعارنا ..



الله لايهينكم .. ودمتم بهذا التميز ...

[غنادير]

الله

صح لسانكم ابدعتم

والمجنون حياك الله معاناا


دندونه<< من هنا،، مرت

[الدانة]

الله الله

صح لسانك يالمجنون والله انك شاعر لا هنت


والروقي شهادتنا فيك مجروحه صح لسانك


وبيض الله وجيهكم على هالمحاوره الحلوه

[شجن]

فللللللللللللللللللللللللللللللله ...ماشا الله عليكم صحت ألسنتكم ولاهنتوا..

حياك الله يا ((المجنون)) بيننا ..

وعلى فكرة معرفك شدني قلت في خاطري أكيد هذا عنده شيات !...لأني مؤمنة أشد الإيمان أن الجنون فنون ..

وها أنت تغرقنا في فنك الراقي ...

سعدنا بوجودك معانا...

[محمد القسامي]

ناريه ناريه
بين المجنون وسعوط المجانين إبن الباديه
صح ألسنتكم صحت ألسنتكم
أبدعتو وبإنتضار المزيد

[بحر الشوق]

صح لسانكم شعارتنا


محاوره جزله ومعاني راقيه


لكم مني اطيب المنى

[النشميه]

في بحور الشعر ياما أغرق وأستفيق**
لأجل أنظم حروف الشعر وأذلها
الشعر لو هو مقيّد بيديني طليق**
أطرقه ثم أحرقه ثم أشرقه وأفلها
أنا أشهد إن الموهبه نعمة فيكم تليق**
وصح الله لسان للقوافي يهلها
دمتم في عز الوطن والبيت العتيق**
تحت راية التوحيد وأنتم أهلها
والله يوسع لنا صدور دايم تضيق**
نسأله المغفره وطلبته مانملها..
وسلاااامتكم ......سلمت أناملكم ولاهنتم جميعا محاوره رائعه تقبلوا مني ماكتبته واعذروني لوقصّرت وتقبلوا مروري ,,,, يابختك يالمجنون لقيت من يرحب فيك أما نحن لنا ربك ماينسى عبيده ولو إنه ماصار لي يومين هنا بس حياك ضيف عزيز وغالي أكيد....
بإنتظار روائعكم جميعاً واتمنى إني أكون ضيفه خفيفه ع الجميع ... مع خالص الشكر والتقدير ....

[غازي العتيبي]

الله الله الله
صحت السنتكم ولاهنتم
صراحه ابداع من الطرفين ومحاوره ترتقي الى التميز بتميز مفرداتها وشعرائها
حي الله الجميع ويامرحبا
النشميه
اختي مشاركتكي تراها غير مسموحه في صفحه المحاوره لانها تحمل ابيات او قصيده مجاراه للمحاوره
انا لن احذف ردك لاكن اقول مدام المحاوره غلقت صحت السنت الشعراء وصح السانك اختي
تحياتي