المساعد الشخصي الرقمي

مشاهدة النسخة كاملة : مصافحة اولى


منور العوني
11-11-2008, 08:19 PM
قصيده متواضعه توي كاتبها اتمنى تكون عند حسن ظنكم


من بعد دقت من غلاها (كان) في قلبي مقيم=ألي لها أربع سنين مكنسله جوالها
أللي على جياتها تشهد محطات القصيم=ياليتها ماكلمت أشوالنا وأشوالها
ماأغير أنا والنت والهوجاس والليل البهيم=ولـ/أدري بعد هذا البطا وشلون أجي في بالها؟
كل السوالف كلها ماحوّلت تحت البريم=يمّ الأمور أللي منوّل كلنا نسعالها
القلب برحه والمصيبه خابره قلبي غشيم=غشيم فـ/دروب الغرام وحالته يرثالها
باقي على خبري وأنا أللي أحسبن خبري قديم=للحين و(الأبله) على أهبالها واخبالها
ثم قفلت وأنا أدعي الله كل ماهب النسيم=الله يوفقها ويحفظ زوجها وعيالها
أحسنت فيها نيتي والخوف من كيد الحريم=وترى النوايا السود فال الله ولاهو فالها
يامل قلب(ن) فالهوى ماكنه ألا مثل تيم=ضحى بكل أللي معه والفاتنه ما نالها
فيما مضى يوم الغلا دايم مكانه فالصميم=كنت أعشق أني جنبها وأصير مثل اضلالها
(كنت )أرغب أني خلها من قبل لا يطلع نديم=وأللحين بيبان الضلوع مزرفله بأقفالها
من بعد منّ الله عليّ وأبتدا الفكر السليم=أخذت من نسل الرجال أللي يسر أفعالها
خلااص (بطلنا غزل) نبغى الصراط المستقيم=كم لي وأنا من فوق متني الذنوب أشتالها
قال العرب فيما مضى العاقل ألـ/نفسه خصيم=وأللي معه حيله أكيد أنه يبا يحتالها

يوسف عبدالله الغنامي
11-11-2008, 08:46 PM
الرائع والجزل منور العوني

صح لسانك وعلا شانك

شاعر متميز ورائع

مصافحه أولى عطره سعدنا بها ونتنمى أن يواصل هذا الابداع أنهماره علينا

محمد القسامي
11-11-2008, 09:02 PM
منور العوني
مصافحة رائعه لشاعر رائع
وجزاله كنت أسمع بها وكم تمنيت قرائتها
هنا كانت العذوبه وكانت الجزاله
صح لسانك وصح كلك
ودام بوحك بكل خير ومعزه

محمد الروقي
11-11-2008, 09:33 PM
هذا الي محببني فيك ولا عيال الناس واجد

اقول عساني ما اسمع بيومك جزل وخبري فيك جزل

وكلمة صح وطيبه وجزله ماتوفيها حقهااا ولا توفيك قدرك عندي يالجزل

سجل مروري وتقديري والاعجاب المزمن بعروق قلب الشاعر المتذوق

الشقـــــاوي
11-11-2008, 11:51 PM
منور العوني



اسم على مسمى نورت قسم الشعر بمصافحتك العذبه





صح لسانك و أعتلى شانك




تقبل مروري

محمد ابن براك العطاوي
12-11-2008, 12:13 AM
خلااص (بطلنا غزل) نبغى الصراط المستقيم=كم لي وأنا من فوق متنـي الذنـوب أشتالهـا
قال العرب فيما مضى العاقل أل/نفسه خصيم=وأللي معـه حيلـه أكيـد أنـه يبـا يحتالهـا
منور صح لسانك وبيض الله وجهك

عز الله انك ماقصرت

وشاعر كفو والقصايد الجزله ماهي غريبه منك

ولاتحتاج شهادتي طال عمرك

لاهنت

منور العوني
12-11-2008, 12:18 AM
الاخ العزيز

يوسف الغنامي

صح بدنك

وبيّض الله وجهك على كلامك الجميل ومرورك الكريم

إبراهيم صبحي العضيله
12-11-2008, 07:21 AM
السلام عليكم ورحمة الله وبركاته

صــــــــــــــــــح لسااااااااااانك اخوي منور

قصيده كلها ابداع

الله يعطيك العافيه

تحياتي

العطااا
17-12-2008, 08:03 PM
سلس وعذب .. يدل على شاعرية واضحه لديك ...
جميل ما تكتبه والأجمل إحساسك ... فعندما يختلط مع النص ...
لن تكون النتيجه الا مثل هذه الفاخره ...
(منور) لن أنسى إسمك بعد هذه القصيده ...
وسجل حجزي الأول بإذن الله في قصيدتك الجديده...
.صح لسانك
دمت بعز...لاخلا ولاعدم

السيــ عمهوج ـف
07-01-2009, 03:38 PM
صح للسانك وعتلا شأنك

قصيدة جزله من رأس جزل