المساعد الشخصي الرقمي

مشاهدة النسخة كاملة : على اول البرد ..اول طله على رواسي نجد


نايف الحبلاني
09-11-2008, 01:05 AM
بداية خير ان شاء الله مع هالامطار والعلوم الزينه وعلى طاري المطر وعلومه يازين الكشتات هلحين بين الغدران والارض غاشيها الخضار ..

الله على ارضً ربيع وتنعش ازهوره = ارضً عزيزه خبيث الطبع ما جاها
مع شبّت النار والحطبان مزبوره = وفي كترها الدله الصفراء ومصفاها
على اول البرد مقفيّه وممطوره = والارض خضراء يسر العين مرعاها
نصف الشهر والقمر متكاملً نوره = وزهور فاحت بعد جا السيل وارواها
ما عندك الا الرجال وكلاً ودوره = اللي على اللازمه كلاً تمناها
من خيرة الناس ما هي ناس مكبوره = المرجله رمزها والطيب مبداها
ناسً على الوافيه كلاً ومقدوره = يتعب وراها وياصلها وينخاها
ما هو من اللي لــحضر ايضرك حضوره = من زمرة الكذب والنمّه وشرواها
عن فعل قوم الشكاله تقصر شبوره = ولا به حلايا لا جيت اوصف حلاياها
ما ودي الا رجالً تنّقل الصوره = عن الاصاله ومنبعها ومعناها
نعوّض الصيف والمقياض واحروره = ونعوّض ايام مرت ماغتنمناها
الليل ربعي ياربعي والامر شوره = ركايب الفكر كلاً يدرج اخطاها
الهم اشوفه بصدري فاحت قدوره = محرق معاليق كبدي وافسد اعضاها
والفكر عزّم وشيّد باقي قصوره= والضيقه اليوم صار القلب مرساها
من حر ما بي سبحت الشعر وبحوره = وانظم واسجّل بعرفي واخذ احلاها
تكفون حالي من الروتين مقهوره = العزله اليوم لا نصبح ضحاياها
نقضي عليها ما دام تغازل البوره = وسيف الموادع نحطه فوق علباها
وش يمنع الشخص دام الحال ميسوره = نفّه عن الروح قبل يحل منهاها
نايف الحبلاني / شاعر الحدث

محمد الروقي
09-11-2008, 01:19 AM
صح لسااانك يانايف

ويا مرحبا في منتدى الجزاله بامر الله

سيكون المنتدى الاول بوجودك ووجود شرواك وما خططنا له

سيكون هدف قدوم شعراء جزلين شرواك تقبل تحياتي وتقديري

محمد القسامي
09-11-2008, 01:34 AM
نايف الحبلاني
http://up3.m5zn.com/get-4-2008-86dsasr52ab.gif
هنا الشعر
وهنا الشموخ
وهنا الجزالة
وهنا شاعر نتشرف بتواده ورفقته
صح لسااانك يالحبلاني لحد رضاك
وبيض الله وجهك على هالجزله والوافيه

الشقـــــاوي
09-11-2008, 01:57 AM
نايف الحبلاني



صح لسانك وننتظر ماعودتنا عليه



تقبل مروري المتواضع

يوسف عبدالله الغنامي
09-11-2008, 11:46 AM
نايف الحبلاني


صح لسانك ياجزل


شاعر رائع ومبدع

لله درك

سكر نبات
09-11-2008, 01:08 PM
أخوي

صح لساااااانك وكلك

يعطيك العافية




[[ حورية رواسي ]]

إبراهيم صبحي العضيله
09-11-2008, 04:24 PM
السلام عليكم ورحمة الله وبركاته

تكفون حالي من الروتيـن مقهـوره
العزلـه اليـوم لا نصبـح ضحاياهـا
نقضي عليها ما دام تغـازل البـوره
وسيف الموادع نحطه فـوق علباهـا

صــــــــــــــــــــح لساااااانك اخوي نايف

على الجزاله وليس غريب الابداع على اهله

بيض الله وجهك

وتقبل تحياتي

اخوك /ابراهيم العضيله

محمد الايداء المورقي
11-11-2008, 08:52 AM
نايف صح لسانك
وعتلا شانك

شهادتي فيك مجروحه


تقبل مروري

السيــ عمهوج ـف
04-01-2009, 05:44 AM
ياهلا وغلا حياك الله

وصح للسانك وبيض الله وجهك

جزله من رأس جزل