شله مناشده إلى الملك سلمان بن عبدالعزيز في النظر في اوضاع قبيلة النواصره

[علي آل حسن العلوي]

شلة

عباره عن مناشده الى الملك سلمان بن عبدالعزيز
في النظر في اوضاع قبيلة النواصره
من الحويطات والذين يسكنون* في شمال المملكه
العربيه السعوديه ولا يحملون الجنسيه السعودي


كلمات: علي آل حسن العلوي
اداء المنشد : عذب الشمال
الداعم الرسمي للعمل : فهد بن رجا العمراني

https://a.top4top.net/m_6155agvu0.mp3

يا خادم اغلى وطن ومحب لترابه
باسم النواصر اليك انصعد الازمه.*****
الظلم محدن على .. إنسان يرضابه
وانت الشعب في ذراك تشيل له همه*****
** العائله في شقى والكبد منصابه
وجدي عليهم مثل طفلن فقد امه
والوضع لو تنشد وتبحث عن اسبابه
تلقى فتجنيسهم ما يكشف الغمه
ما بين طفلن يون وأم مرتابه*
العود يشكي ويمسح دمعه ابكمه
*يبكي الم والدمع من رمش اهدابه
يجري على وجنته وجراحه اتخمه
والطفل يصنع بطين التربه العابه
والآه مما يعاني تجري ابدمه
والام فيها المرض كشر عن انيابه
والطفل ينشد عسى ما شر يا يمه
والعود عاجز يعالجها على احسابه
متى على الله يرى فعيونه النعمه
اللي غدت دنيته تلعب بإعصابه*
يا دوب يا سيدي* يلقى لهم* لقمه
سؤالهم سيدي يحتاج لاجابه
يا سيدي سلمان يا قايد الامه


بقلم / علي آل حسن العلوي

[ملكة الرواسي]

شاعرنا الله عليك حروفك تستوقفني
صح لسانك ولا هنت
اداء المنشد روووووعه ماشاء الله
يعطيكم العافية

ختمي وتقيمي

[محمد الغنامي]

علي العلوي
صح لسانك واعتلا شانك
ان شاء الله صوتك ياصل لخادم البيتين
وان شاء الله تنحل قضيتكم
سجل مروري وتقديري
ولك اجمل تحيه

[علي آل حسن العلوي]

هلا يالملكه صح بدنك ولا هنتي

يشرفني والله حضورك وكلامك الطيب

لا هنتي والله يوفقك

[علي آل حسن العلوي]

ارحب يا محمد تراحيب السيل

اللهم آمين والله يسمع نك

وصح بدنك ولا هنت والله يالغنامي

انهم في معاناه

لو تدخل اليوتيوب وتكتب معاناه قبيله النواصر

والله ان تشوف شي يهول العقل اي والله

ارحب والله ان ترحب

وفقك الله

[هماليل]

صح لسااااااااانك ملايييييييييين
تحيّة لقلمك وحرفك وروحك الجميلة
الشعر رسالة وأنت هنا تقدّم رسالة نبيلة

قبيلة النواصرة فعلاً مظلومة جدًا
واتسائل أين المسؤولين عنهم
أو بأدق تعبير أين الإنسانية في قلوبهم
هل الاوراق تقف عائقًا أمام حقوق الأنسان
سكنوا السعودية قبل تأسيس المملكة
حرموا من الحج والخدمات الصحية بالواسطة
والمياة حسنة من اصحاب المشاريع .......

أتمنى ان يصل صورتهم وتحل مشاكلهم
وان تدب الرحمة في قلوب المسؤلين


وشكرًا جزيلًا لهذا النّص الهادف
تقديري لشخصك الراقي

[علي آل حسن العلوي]

هلا يا هماليل ارحبي وصح بدنك

والله انها معاناه الصدق اي والله لكن حيل الله اقوى
انا والله ما لي علم عنهم الا يوم اتصل فيني المنشد وقال ابيك في عمل انساني في قبيله النواصره
فقلت له ابشر دام العمل انساني ما عندي مشكله حتى لو ما اخذ من العمل شي ما هي مشكله فأرسل لي بعض المقاطع عن حياتهم في البر ومعاناتهم والله يا هماليل ان دمعتي انزلت اي والله وانا عند ربي صادق
لا اطفال يدرسون ولا الرجال يقدرون يتوظفون اي والله ولا هم ولا حريمهم يقدرون يتعالجون في المستشفيات الحكوميه مثل باقي الناس والمشكى على الله
لكن ابشرك وابشر الجميع انه تم تدشين العمل في قناة الوسام وما دام دمت التغطيه من جهتهم بإذن الله ان الصوت يصل للمسؤلين وولاة الامر

والمعذره على الاطاله لكن حبيت اوضح الفكره وكيف صارت اي والله دامك تطرقتي وعلقتي على الموضوع من جوانب لا هنتي

[رحيل]

صح لسانك مليوووون
وكتب الله لك بها الاجر والثواب
ان شاء الله يصل صوتك للمسؤلين
و تنحل قضيتهم

[علي آل حسن العلوي]

هلا يا رحيل

اللهم آمين والله يسمع منك وصح السانك

يسعدني تواجدك وكلامك الطيب

وفقك الله

[هماليل]

جزاك الله كل خير
وجمّل الله بوحك النبيل
وكل أمنياتي بأن يصل صوتهم
وتحل مشاكلهم لأنهم من جد بمعاناة
حقيقة واستغرب عدم التفات الدولة لهم!!!

جل التقدير والاحترام لشخصك

[علي آل حسن العلوي]

جزاك الله كل خير
وجمّل الله بوحك النبيل
وكل أمنياتي بأن يصل صوتهم
وتحل مشاكلهم لأنهم من جد بمعاناة
حقيقة واستغرب عدم التفات الدولة لهم!!!

جل التقدير والاحترام لشخصك


هلا يا هماليل ارحبي والله ان ترحبي

وما سوينا شي انا افداك ونا متاكد لو اي شاعر مكاني يبي

يسوي نفس الشي ويمكن اكثر بعد .. بيض الله وجهك

ولا هي غريبه هذه المشاعر الجياشه

واللي يعني المفعمه بالصدق اي والله

والحقيقه اني من هالمنبر العزيز

والغالي اوجه رساله جميله واقول

في الرساله ان الشعر رساله

والله يوفقكم

اي والله

[الجووهره]

الشاعر علي العلوي

صح لسآنك ويعطيك العافيه

على البادره الطيبه وايصال المشكله للمسؤولين

عمل رائع يستحق الشكر والتقدير

وان شاء الله يصل صوتك وصوتهم وتنحل مشكلتهم