المساعد الشخصي الرقمي

مشاهدة النسخة كاملة : جتني على الأيميل دعـــوه=====مستعجله من يوسف الغنامي


احمدالعارضي
08-11-2008, 01:22 PM
السام عليكم ورحمة الله وبركاته

تشرفت بوجودي بينكم أخ وصديق للجميع
وأشكر أخي الشاعر يوسف عبدالله الغنامي على دعوته الكريمه
وأقدم لكم هذه القصيدتين المتواضعه
الاولى إهداء لكم ولأخي يوسف الغنامي
والثانيه مصافحه لذائقتكم العاليه
وأرجو أن أنال ولو القليل من إعجابكم وضاكم عما أقدم


سلام رده للمقام السامي=أقولها حتى تجف أقلامي
سلام رده من صدوق النيه=لأهل الرواسي والمقام السامي
جتني على الايميل حالا دعوه=مستعجله من يوسف الغنامي
شرفني بدعوه وجيت آلبي=دعوة عريب الخال والعمامي
غالي يايوسف ياولد عبدالله=ودعوتك يايوسف علي إلزامي
انا تراني محزمك وحزامك=وانته يايوسف محزمي وحزامي
الله يجملني وأجمل معكم=ويرضي قصيدي كل من قدامي
شاعر وأصف النظم جنب القلطه=وأغرف من البحر الغزير الطامي
من دون قاصر في جميع العالم=تحيتي تقديري إحترامي
ماني بمن ياتي ولايدرابه=شطر ٍ حفظته من هذاك العامي
قلته وجعل القول هذا يوفي=ويرضي جميع أهل المقام السامي

,



البارحه غنيت وأطربـت النجـوم الساريـات=وأستغفر الله لو بقـول إن النجـوم أغويتهـا
الشعر نبض قلوب وافكار العقـول الشـاردات=كم جبت لي فكره وكـم فكـره بعـد وديتهـا
كايد وأحب الكايده وأعسف ظهـور الكايـدات=وان جاتنـي روس الحبـال معقـده حليتهـا
يوم الصحايف كنها مثل الوحـوش الجايعـات=ذبحت من راسـي خيـار الحيّـل وعشيتهـا
تثنار أفكاري على بيض الصحايف راكضـات=واللي ماتمشي بالرضى غصب وجبر مشيتهـا
طبعي كذا وأنا كذا وأحب عسـف العاصيـات=كذا كذا نفسي على حـب الصعـب ضريتهـا
أنا أدري ان الشعر ماله غير عشـر معلقـات=وياصغرها لاقلت لـي قالـه وانـا سويتهـا
بنات فكري مايشابههن علـى الدنيـا بنـات=ياكبرهن فـي سـط عينـي ويـن مالديتهـا
مثل المهار اللي تراكض مقبـلات ومدبـرات=روضتهـن فالساحـه الشعريـه وهزيتـهـا
هبت على الريح من كـل الزوايـا والجهـات=وشبيت في روس القصايد والفكـر كبريتهـا
نعم نعـم ماقلتهـا مـن كبـر ولا حـب ذات=لاوالله الا مـن ثقـه والـلازمـه سديتـهـا
شاعر ولي قلب ٍ ثبت مثل الجبـال الثابتـات=إن جت ثقيله شلتهـا وأن شلتهـا حطيتهـا
أشتت أجموع ٍ غفيره وان بغيت أجمع شتـات=والحاجـه اليـا عفتهـا خليتهـا خليتـهـا
ياصاحبي خذ مني اغلى شي في قلبي وهـات=بالله لاتذبح عـروق القلـب عقـب احييتهـا
عطني وانا بعطيـك مـادام الليالـي زايـلات=بالله لاتكسـر يميـن الـشـوق لامديتـهـا
الشوق يطغى فالحشا دايم كما طغي الطغـات=وليتك تحس الحاجه اللـي فالحشـا حسيتهـا
ليتك تطالع نظرتي والعيـن تعطيـك الثبـات=تقرى دليل الحاجه اللي مـن غـلاك اخفيتهـا
ياصاحبي ياللي جمعت احلى المزايا والصفات=ماباقـي ٍ دمعـه بعـد فـرقـاك ماهليتـهـا
جمعت من كل السنيـن الماضيـه والمقبـلات=كل الدموع اللي علـى خـد الجفـا صبيتهـا
ماهي دموع ٍ زرق من موق العيون الشاحبات=لا والله الا دمعـة ٍ بالحبـر لـك خطيتـهـا
كل القصايد فـي غيابـك شاكيـات ٍ باكيـات=ولا ّ دموع العين عـن كـل العـرب كنيتهـا
وان جاتني عبرة حزن قلت الله الله يالسكـات=خليتها فـي خاطـري وان روحـت مشيتهـا
ياصاحبي راحت بيوت الشعر في وصفك وجات=اليا طفـت نـار الشعـر جمّعتـك وشبيتهـا
علمتني كيف احتزم بالشعـر لافـات الفـوات=وعلمتك إن الشعر غايه فـي غـلاك أفنيتهـا
أصدر الفكره وأوردها كبـر ضلـع السـرات=ياوجد حالـي كـل مابعـد العصـر غنيتهـا
وياوجد حالي كل مايحرمنـي الليـل السبـات=كن السمـا تفتـل سدايلهـا وانـا قضيتهـا
صحيح انا قاسـي ولكـن الليالـي قاسيـات=وانت الذي سقـت الليالـي ضـدي وقسيتهـا
ياترجع وتطلق سجين همومك ومافـات مـات=يا قلت يرحمـك الله ونفسـي لكـم عزيتهـا

خالد الغنامي
08-11-2008, 04:37 PM
أحمد العارضي

حياك الله في منتداك

وبين اخوانك ووالله لنا الشرق بقبول الدعوة ونشكر يوسف الذي دعاك

وصح لسانك وانا رائي فيك تعرفه من مبطي شاعر مبدع ومميز

إبراهيم صبحي العضيله
08-11-2008, 09:09 PM
السلام عليكم ورحمة الله وبركاته


شاعر وأصف النظم جنب القلطه0000وأغرف من البحر الغزير الطامي

كفوو

صــــــــــــــــــــــــــح لسانك اخوي احمد على الروائع

الله يعطيك العافيه على الابداع

تقبل تحياتي

محمد القسامي
08-11-2008, 09:55 PM
أحمد العارضي
حياك الله وحي الجزاله معك ومنك
حضور يبيض الوجه
وجزاله يشاد بها
وعذوبه لاتستغرب من شاعر مثلك
صح كل كلك
ودام بوحك بكل خير ومعزه

محمد الروقي
08-11-2008, 11:35 PM
سلمت

وحياك الله الساعه المباركه

الي جابتك وبيض الله وجه من دعاااك

وصح لسااااااااااانك لين ترضاااا عوايدك الجزايل

تقبل مروري وتقديري

محمد الايداء المورقي
09-11-2008, 12:29 AM
احمد حياك الله في منتداك

وشاعر وتسطر بيوت من ذهب

ابدعت والله درك يا احمد

تقبل مروري

محمد ابن براك العطاوي
09-11-2008, 12:35 AM
صح لسانك يا أحمد العارضي
كفو كفو كفو

شهادتي فيك مجروحه

عز الله قصيدك يطربني منول وهالحين

بيض الله وجهك

يوسف عبدالله الغنامي
09-11-2008, 01:20 AM
أحمد العارضي

مني لك كل اتلقدير والاحترام وانت شاعر لاتجارى

رائع ومبدع دائمآ

والمنتدى يتشرف بك وبأمثالك من الكرام والجزلين

صح لسانك وعلا شانك على هذه الدره يالغالي

السيــ عمهوج ـف
04-01-2009, 05:37 AM
صح للسانك وبيض الله وجهك

والله يحييك ياجزل