مـوال التكسـي ..! اقـربو جآي

[ناصر بن ناصر]

الســلام عليـكم ..


مداعبـه سيـاسيه ..!


وعسـاها ماتودينـا ورى الشمـس

هـ / اقربو يا شعار رواســي ..



رواسـي في منتدى رواسـي=نكـتب طرب يوم العـرب (ترتـاب من واشنطـن)
واشنطـن محد ٍ قوى واشنطـن=واليـا بغت ما استسلمت (تاخذك لونك بالطـن)
اي/ بالطـن هذي الحقيقه بالطـن=واللـي انفـجع امن الجمـع (قولي على ذنه يرطـن)
ابيـرطـن عز الله انه يرطن=يـوم الحمل على الجمـل ( يصعب ولو هو قـآوي )


سـلام الله عليـكم عد ّ من صلـى وطاف البيت=يقـوله شـاعر ٍ يعرف يعقد القاف ويحله
نشـوف الناس تاكل بعض والسـره تهـّرب زيت=وانا مانـيب اجـاهد شخـص ماله مذهب وملـه


ننتــظركم ,,,

[مشاري]

صح لسانك شاعر جزل وننتظر الشاعر المقابل تقبل مروري

[ناصر بن ناصر]

صح كلك

ولاهنت ع المـرور

[محمد الروقي]

صح لسااانك لين ترضاا

يجي الخير ونا محايد اسوي القهوه

[ناصر بن ناصر]

صح قلبكـ يامحمــد


لاتنسـى الشاهي هههههههه

[غازي العتيبي]

يالتكسي محدن يسوق التكسي = الا ولد قد الجهد والعلم شكله كايد
والكايد كلن يهاب الكايد = والأنضمه للمحكمه والامن دامه سايد
والسايد كلن يعيش السايد = دامي غني ماهمني جندي دمني رايد
والرايد الي بفعله رايد = يوم الحمل على الجمل ( يصعب ولو هو قآوي )
هلا يامرحبا بلي حضر في دارنا حييت = يقوله شاعرن يعرف دقاق العلم من جله
عساك اتحج بيت الله مدامك محرم ولبيت = ترا من يبني الفله حرام يدمر الفله

[غازي العتيبي]

حيالله الجميع وحييت ياناصر ومرحبابك

[الأصيلة بنت أبوها]

صح لسااانك ياناصر بن ناصر ولاهاان غازى العتيبى

وسجلنى بصفك يا ناااصر وبمسك صفك

هههههه

[هجاج الهاجري]

صح الله اللسنتكم يالشعار ولاهنتو



تقبلو مروري

[ناصر بن ناصر]

يا غـازي بعـض العرب يا غازي=ودّهـ يطـول يومه يقـول . لكن ّ حظه نكبـه
و النكبـه يوم ٍ قابل نكبـه=معـادلـه للمسـأله والكل عارف دربـه
ابدربـه حط الهقاوي بدربه=لقـا الهنا عقب العنا يوم ٍ ربـه حبه
لا حبـه جاب البخت لاحبه=يوم الحمل على الجمل يصعب ولو هو قآوي

يدوم إلك البقـا كفـّيت يالغالي وانا وفيـت=وكلآ يا وسيـع العرف عارف ميزة الدلـه
ترى بـعض العلـوم اترد . يومك عنها صديت=وكل النـآس لو تجهـل .. ترى مردودها لله

[ناصر بن ناصر]

البقى يا غازي


.


بنت ابوها


الله الله بالماء

ههههههه