ديوان الشا عر عوض الرويلي

[عوض الرويلي]

ديوان الشاعر/عوض الرويلي،....تحية طيبة:

اضع بين ايديكم ديواني وارجو ان يحوز على اعجابكم مع وجود بعض الخواطر في محتواه وتقبلوا فائق احترامي.

عوض الرويلي

[عوض الرويلي]

المال ما يرفع ردي العزيمة
والفقر ما رد السنافي عن الطيب
والطيب ما يستوي للهليمة
تقصر يمينه عن فعول المواجيب
ليا صار وقت الجد يزبن حريمه
تلقى مكانه وسط بيض الرعابيب
واللي بنى بالجود للعز خيمة
بروس الشوامخ عاليات المراقيب
هذا للي شرواه قدر وحشيمة
زين الخصايل ما خلطها عذاريب
حصانٍ على الطولات توحي رهيىمه
يومي اوماي الحر واسهامة الذيب
والا المزن ليا هل من ديم غيمة
يروي عطاش القاع عذب المشاريب
عاشق الحماد
جديدة وحصرية

[عوض الرويلي]

ياللـي رقيـت مـن الشقـا عالـي منيـف
عــمــّرد ن مـلــمــوم بــراســـه تــونـــي
تقنـب قنيـب الذيـب بـروس المشاريـف
اخـطـا العـشـا ومـعـه الـولايـف عـونـي
هـات القلـم والـبـوك مــن دون تكلـيـف
واملـي علـى القرطـاس مـا جـاز منـي
القـاف فـي معنـاه منقـى عـن الـزيـف
مـثـل الـزهــر بـفـيـاض ريـحــه يـبـنـي
مجـاراة لبـو عـدوان ريــف المهاجـيـف
الــلـــي عـلــومــه بـالـمـعـانـي زمــنـــي
مـرحـوم يالمنـعـور يــا مـكـرم الضـيـف
يـالـوايـلـي لــــك الـقـوافــي ابـهــرنــي
ذكــرتــنــي بـــأيـــام دور الـمـزاهــيــف
يـــوم انـهــا كـتـبـان ومـقـصـر وقـنــي
يــوم الـنـجـر يـرجـفـه راعـــي الـكـيـف
فــي ربعـتـه مـركــون هـيــل ن وبـنــي
ذكــر المنازل والخباري بتصنيف
يـــوم المـصـايـف والـنــزول اقـطـبـنـي
وايضا الجوازي ساجات ن مع الهيف
هن و الـمـهــا لخـشـوفـهـن يـعـطـفـنـي
وذكــر المنـابـت بالـحـيـا كـلـهـا ريـــف
وذكـــر ام سـالــم بالـفـيـافـي تـغـنــي
يـوم ان بهـا الوسمـي مزونـه مراعيـف
تـلاعـه مــع الشـعـبـان مـنــه ارتـون
تـرزم رعـوده فــي سمـاهـا قواصـيـف
وبـروقـهـا فـــي ضـوحـهــا يشـعـلـنـي
دارت بــي الافـكـار ودارت تصـانـيـف
وســـط الضمايروالـحـشـا يضـرمـنـي
حـنـيــت حــنـــة حـنــيــن الـهـراجـيــف
لـجــن وسـاجــن وانـطــون وانـحـدنـي
داخـل ضمـيـري يشاتلـنـه عواصـيـف
هــوج العـواصـف بالضـمـيـر لعـبـنـي
فـي مركـب ن بالـمـوج مـالـه مجـاديـف
تـلـعـب بـــه الامـــواج وفـيــه اغـرقـنـي
علـومـهـم يـالـقــرم راحــــت سـوالـيــف
وحــنــا بــذكــر عـلـومـهــم نـرجـهـنــي
هـــذي دورات الــدهــر والـتـصـاريـف
واللي مضـى مـن سنيـن مـا يرجعنـي
يــالادمــي دنــيــاك فـيـهــا تـجـانـيـف
مـــرة تــجــود بـخـيــر ومــــرة تـكـنــي
ومـا ينفـع الانسـان كـثـر التحاسـيـف
ولا يـنـفـعـه لو طال كــثــر الـتـمـنـي
الشاعر:عوض الرويلي


شاعرنا عوض الرويلي من خلال هذه الرائعه اعاد الينا زمن الشعر الجميل والجزل من خلال مفردات قلة وكثير من الشعراء في الوقت الحالي تخلوا عن هذه المفردات مثل مطلع القصيده التي بدأ به شاعرنا عوض (يللي رقيت من الشقا عالي منيف ... وكذلك تقنب قنيب الذيب ... وهات القلم والبوك .... شاعرنا اعاد للاذهان الزمن الجميل لشعر وختمة القصيده انا اعتبره حكمه حينما قال وختمها ماينفع الانسان كثر التحاسيف - ولاينفعه لو طال كثر التمني .. الشاعر عوض الرويلي اطربتنا في هذه الرائعه اشكرك
فرحان الراشد الجبلي

[عوض الرويلي]

لاوجودي وجد من ساقه صويبة
في ظلام الليل ما عنده سعيفي
من سبايب مترفٍ أشقر ذويبة
كامل الاوصاف والمنشأ شريفي
ياعنودالصيد في راس الجذيبة
أشرفت بالصيد يتليها الوليفي
منك سهوم العين يالجادل رهيبة
مثل رمح الزان والسيف الرهيفي
نسل قرومٍ ساسهم ساس ن عريبة
وصفهم بين الملا ما له وصيفي
واهني عيون من كنتي نصيبه
اشهد انه بالهنا عيشه لطيفي
عاشق الحماد

[عوض الرويلي]

يا نقي القلب والعقل الرجيح
المثايل روّحت خذها بنصاح
أكتم المكنون سُرَّك لا يبيح
كم هريد ليا عطيت السر باح
الصداقة كنز للوجه الفليح
نبت ورودٍ عطرها بالروض فاح
ليا لفيته تشعر انك مستريح
ينتبي لك والتحية بانشراح
ما هو اللي ليا هرج هرجه قبيح
بالنمايم يرتقي سلم نجاح
لا يغرك من تمادى بالمديح
للخديعة يرتدي ازهى وشاح
قربه قرب الداب ما غير الفحيح
سم صاعق يسري بعمق الجراح
خذها مني كاش بالهرج الصحيح
جنب الانذال وانزح بالمشاح
ان كان مني الهرج ما هو لك مريح
اعتذر بالحال واطلبك السماح
عاشق الحماد

[عوض الرويلي]

جض الحمام من فوق غصنه وناحي
عزي للي شرواه مثله ينوحي
جاشي تهيّض في كنينه وباحي
واللي شقاه الحال لازم يبوحي
برق ن شلع في راس عيطا ولاحي
شاق النواظر يوم خلته يلوحي
سميت بسم الله وزاد انشراحي
واصبح صباحي مع لذايذ صبوحي
جهزت دلالي مع زلال القراحي
لمهيّل الفنجال بنّه يفوحي
وتقلعت بالحال عوج المشاحي
ساح المزاج والنكايد سروحي
هيّض غرامي في ضميري وصاحي
ارجي ولي الكون يرفا جروحي
ما هو غرام الترف ريم البراحي
الجادل الرعبوب طرقا مزوحي
انا غرامي شوف فياض ن بياحي
متعاقب النوار في كل سوحي
وغنام يكفخ في رفيف الجناحي
ليا شهر ثم راج من راس لوحي


عاشق الحماد

[عوض الرويلي]

مرثية بالشيخ متعب بن مدبغ الكويكب
يرحمه الله:
يا عين هلي دمعتك وانثري ماك
وكبي غزير الدمع مثل الفراتي
ويا قلب هوّد واحتسب عند مولاك
ما ينفع المكلوم كثر الصواتي
يابو فهد يا عز من هو تنصاك
يا راعي الطولات عذب الصفاتي
يا ما بذلت الجود من كف يمناك
يا مهلي ن باللي على الصيت ياتي
الطيب يفخر في شوامخ مزاياك
ويا ليت ماقيل راعي الطيب ماتي
عسى جنان الخلد مقرك ومثواك
وعند السؤال معززٍ بالثباتي
لو تفتدى بالروح بالروح نفداك
مار القضا مشروك مر وحلاتي


عوض الرويلي

[عوض الرويلي]

ارقبت انا المرقاب راس المنيفي
اخيل مزن ن سايقاته نشانيش
حييت يا برق ن غداله رفيفي
رفيف حر ن اربشوه المداغيش
تسمع دوي رعود تقصف قصيفي
ملفاه من المنشا بروقه مراهيش
سالت به الشعبان وبله هريفي
ريف الغنم مع مبعدات المطاريش
عساه يسقي دار غرو ن عفيفي
الجادل الرعبوب ضافي العكاريش
العنق عنق الريم وصفه لطيفي
واللي زهى الكفين نقش النقاريش
عليه دمع العين يذرف ذريفي
والجسم كنّه ينهشنّه نواهيش
لو صفت الخفرات ما له وصيفي
مَ القى مثيل الترف لو صار تفتيش
عسى وطنها دايم الدوم ريفي
ويسقيه من وبل الثريا رشاريش
عوض الرويلي
عاشق الحماد

[عوض الرويلي]

القاف ونسة للقلوب المواليع
وحنا نرد القاف والرد مشروع
دور البداوة انتهى بالمشاريع
كلن تحضّر والفلا صار مقطوع
راح النزيل وراح دور المطاميع
يوم الضعن صوب الحيا يشلع شلوع
في خايعٍ عز الطرب بالمرابيع
ما به عقم ولا شارة الدرب ممنوع
تلقى الجهام ابكارها والمجاميع
تفلي زهر نوار بالريع مجموع
ترد على الغدران من دون ترويع
مع الجٓنٓب ومصقّل الهند ودروع
من رامهم خاب الرجا والمراميع
يمسي وحيد الدار والراس منزوع
وانا بحياة البدو ما اسمع ولا اطيع
فيها الوفا وسط الصناديق مطبوع
وقت القطين ودور وقت المصانيع
وهلا هلابه واشقر الراس وردوع


عوض الرويلي

[عوض الرويلي]

يا عيال ( عبقر) امسحوا كل ( الانحاء)
وهاتوا لي المطلوب من كل غابة
ابغى قوافي تمتلك كل (الاهواء)
زيزومها هداج وقت الطلابة
رادار فكري اعتلا فوق (الانواء)
من ما حواه البال ما هو جلابه
انا المحيط وداخلي كل (الانباء)
آخذ جزيل القاف واترك خرابه
عندي مثايل كنها ارياح ( هوجاء)
قامت تلاطم بالحشا والكتابة
تشدا الزهر ليا فاح بفياض ( غنّاء)
او العسل للذوق صافي شرابه
ان جبتها لمحكوم يجيله ( اعفاء)
يطلق سراحه وينتهي من عذابه
وان جبتها في وصف لعيون (غيداء)
رمشٍ ظليل وساطياتٍ حرابه
عنق العنود باعقابها سربة (ظباء)
في جرهدٍ للعين يزمي سرابه
واليوم جزل القاف يشكي من (الداء)
ينعى زمانٍ فات وجد وصبابة


عاشق الحماد

[عوض الرويلي]

سألتها عن اسمها انتي مها؟
قالت خطا كف اللغا اسمي عنود
ناظرت لي وصاب قلبي سهمها
من صواعق اقتفت قصف الرعود
من رداة الحظ نادت امها
قبل ابوح السر واعطيها العهود
خطّت العنوان واعطت رقمها
ودعتني وانتحت عبر الحدود
في قيود الحب قلبي ضمّها
هي حياتي ورغبتي وكل الوجود
ليتني بالقرب ابن لعمها
من بنات العم من ورث الجدود


عاشق الحماد

[عوض الرويلي]

سر يا قلم بالحرف واملي تباريح
املي حروفٍ بالضماير حزينات
عنوانها اللي عادته هبّة الريح
اخو مها شعلان زبن الونيات
مرحوم يالمنعور نسل الطحاطيح
اللي لهم في ذروة المجد رايات
نسل القروم الباتعين الزحازيح
جربان يوم المواقف واللقا والمثارات
راعي الدلال المعذبات المفاويح
اللي كسب بالجود نفايل وشومات
وصينيةٍ للضيف فيها مفاطيح
وقولة هلا للجار من دون غايات
رحل كريم ن وابتعد بالمشاويح
وعلمه بقى راع الوفا حي ما مات
ياقاه ربي من سموم اللوافيح
في جنة الفردوس وحورٍ عفيفات
مرثيتي بالشيخ شعلان منيف الجربا
عاشق الحماد

[عوض الرويلي]

يا ربيع الروح يا فوح الزهر
يا عديل القلب يا غاية مناه
يا عيون الحر بالعِليا شهر
صفّق الجنحان في عالي سماه
باح مني السر والخافي ظهر
بيّح المكنون والخافق رواه
شيب عيني مسّها شوق وسهر
اتقلب والكرى جفني جفاه
يا حبيبي ذقت من مر القهر
ما تشوف القلب ذايب من شقاه
يا عنود الريم يا بطن المهر
ارحم اللي ابتلى وعندك دواه
عود موزٍ غارس ن على النهر
ليا انثنى باللين مع نسمة هواه
مر عامٍ وانقضى عقبه شهر
محتويه البال قلبي ما سلاه
في خفوقي انت في سر وجهر
ما يغيب الشوق يا عنق المهاه
حالفٍ م انساك لو طال الدهر
لين غصن العمر ياصل منتهاه


عوض الرويلي

[عوض الرويلي]

بديت بسم اللي عليه احتسابي
رب الملا علّام سر(ن) وغيبي
سر يا قلم بالحرف واملي جوابي
قاف ن نظمته من صميمي رهيبي
نزه ن نزيهٍ عن هزال وعيابي
عذب ن زلاله من عميق القليبي
يا محلا بالبيد وخْد الركابي
يبارن عطايا مِعْذٓبات الحليبي
ونزل ن جمع نجع ن عريبٍ مهابي
تسمع لجيج الطرش وصوت العريبي
نبي ليا لاح برّق السحابي
يوُمي لنا بقدوم خيرٍ قريبي
ليا هل مزنه صب ديم الرغابي
غشا الخباري وضاق مجرى الشعيبي
وزم الحيا بسهولها والهضابي
وتعاقب النوار بقفر ن عشيبي
وعم الرخا بالقاع والكيف طابي
وقام النجر يشلع بصوت ن عجيبي
ويجاوبه ذيب ن على راس نابي
اخطا العشا وبالليل يقنب قنيبي
وتداوروا الفنجال شيب وشبابي
والنار حية وفي غضاها اللهيبي
الزود والنقصان ما له حسابي
الزود والنقصان حظ ونصيبي
عاشق الحماد

[عوض الرويلي]

سر يا قلم واملي جزيل العبارة
واكتب على القرطاس حروف وتصاوير
الدمع من عيني يزيد انحداره
دنيا دنيّة يا ملا ما به خير
من واهجٍ بالقلب زاد استعاره
كنه على جمر الغضا وحامي الكير
غاب العزيز اللي رفيعٍ وقاره
متعب صليب الراي قرم المناعير
مرحوم يا راع الوفا والنمارة
وافي الخصايل يا طويل الاشابير
مرحوم يالمنعور نسل الامارة
ياللي على الشومات تاخذ مشاوير
مرحوم يالمسطور يا عز جاره ..ريف الضعيف ليا ابتلش بالمخاسير
مرحوم من زين الخصايل شعاره
تبكيك عيونٍ بالليالي سواهير
مرحوم من بالطيب عالي منارة
مثل المخيل اللي يجيب التباشير
مرحوم ياللي ما تغير مساره
يضحك حجاجه ليا لفوه المسايير
عسى مقرك في جميل العمارة
قصرٍ مشيّد مع جموع المغاوير
بصحبة رسول الله راع البشارة
في جنة الفردوس حور ونواوير
عوض شوياش الرويلي

[عوض الرويلي]

في كياني استعر شوق وحنين
احسب انك في وجودي شاعرة
واحسب انك في حضوري تفرحين
ما دريت ان الاماني خاسرة
في جمالك في دلالك تمرحين
في عيونك والرموش الساحرة
صارحيني واصدقي لا تستحين
ريحيني يالعنود النافرة
في جوابك قلتي انك تمزحين
وقلتي انك للعواطف ناكرة
ليه كنتي بالعواطف تلعبين
الوفا بهالوقت عملة نادرة
وليه كنتي للمشاعر تجرحين
وتنظري لي بالعيون الساخرة
الاسف ثم الاسف في كل حين
للاماني والحظوظ العاثرة
كنتي صورة في خيالي تسرحين
في خفوقي والمشاعر حاضرة
بيني وبينك لو يجون المصلحين
لو تجيني بالندامة صاغرة
احملي نعش الوفا لو تسمحين
هذا كل الهرج مني وآخره
عن عيوني ارحلي لا ترجعين
المحبة في خفوقي شااغرة
عاشق الحماد

[مهرة يام]

ماشاء الله
ديوان كله ابداع وجزاله
يعطيك العافيه
ان شاء الله اكون من متابعينه
تقديري لك

[عوض الرويلي]

ماشاء الله
ديوان كله ابداع وجزاله
يعطيك العافيه
ان شاء الله اكون من متابعينه
تقديري لكهذا من دواعي سروري يالمهرة حياك الله دمتي كما تحبين.

[عوض الرويلي]

يالله يا مبدل النور بالليل
ياللي بلا عمدان رافع سماها
ترسل لنا من جود فضلك شهاليل
مزنٍ يهل الديم ويروي ثراها
وتلقى الخباري تصطفق كنها النيل
من مزون غرٍّ وابل الديم جاها
يفرح بها من انتوى للتساهيل
مع فيضةٍ للروح ينعش شذاها
ما غير القمري والمها والبلابيل
بقفريةٍ من الناس ماحدٍ وطاها
وتشب نارك بالحطب للمعاميل
فنجالهن للروح يبعد غثاها
ومعك رفيقٍ صافي القلب حلحيل
اللي دروبٍ للردى ما مشاها
وتبعد عن هم الشقا والغرابيل
في راس عيطا شامخة في بناها
ومني تحية وافية بآخر القيل
للمستمع واللي حروفي قراها
عوض الرويلي (عاشق الحماد)
جديدة اليوم

[عوض الرويلي]

يا ربعنا شدوا متينات الامراس
وامشوا على درب الوفا والفضيلة


حنا رولة مركوبنا قب الافراس
يوم اللقا بالكون ستر الحليلة


حنا رولة وعلومنا ترفع الراس
اليا انتخينا فوق قب الاصيلة


حنا رولة وتشهد لنا شدة الباس
ويشهد لها تاريخ مجد القبيلة


كم عايلٍ ياخذ عن الدرب مرواس
يشرب مرار الكاس من حنظليلة


حنا هل العليا فريدين الاجناس
هل المعاني والعلوم الجليلة


شهادة الامجاد لرويل وجلاس
راياتنا فوق الشوامخ دليلة


من دور ابن كلثوم وايل وجساس
وكليب ومهلهل كاسبين النفيلة


كم عركةٍ تحبس بها ضيق الانفاس
يوم المواقف والحمول الثقيلة


حنا ورثنا المجد وبالراس جلاّس
وفعولنا بين الخلايق جزيلة


واليوم لتراب الوطن دوم حراس
لجل الوطن بأرواحنا نفتديله


اخوان نورة بالمواقيف نبراس
كل القوافي بالمدايح قليلة


وشيوخنا الشعلان لا صار هوجاس
زبن الدخيل اليا تردى عميله


وصلاة ربي عد رملٍ بالاطعاس
واعداد ما هب الهوا والمخيلة


على شفيع الخلق في وقت منحاس
في ماقف ن فيه الخلايق ذليلة


عوض الرويلي

[عوض الرويلي]

يا رسول الحب يا رمز السلام
خذ رسالة شوق مني للحبيب
احمل الاشواق يا طير الحمام
واشرح الموضوع والجرح العطيب
قل له اني تهت في بحر الغرام
من كثر ما ذقت حيرت الطبيب
ما بقى لي غير جلدي والعظام
وجرح قلبي من صوابه ما يطيب
ساهرٍ بالليل ما ذقت المنام
خبره يا طير عني لا يغيب
يا عواذل لا تزيدون الملام
السعادة والشقا حظ ونصيب


عاشق الحماد

[عوض الرويلي]

مدري علامك ي اريش العين محتار
قولي هلابك يوم جيت وتبينت


لأجلك عشقت الموت ودروب الاخطار
حيثك بقلبي يالغضي وين ما كنت


انت الدليل ان تهت في ليل الاسرار
وانت الذي بكل المواثيق ما خنت


انت الزهر يا زين يا ريم الاقفار
بعرش الوفا وثوب الفضيلة تزينت


امشي معي يا شوق م تفيد الاعذار
نمشي طريق الهوى بس انا وانت


عاشق الحماد

[عوض الرويلي]

اعشق جمال الروح وبروحي افديك
سبحان من صورك ثم سواك


يفز قلبي ليا سمع حس طاريك
واعشق معاني الحب في همسة شفاك


متى اشوفك وابتهج ثم اناديك
واسمع ترانيم الهوى من شفاياك


هذي حياتي كلها بين اياديك
واعطيك عهد الوفا دوم م انساك


لا تحسب اني يا منى الروح ناسيك
لحظات عمري تبتدي يوم لقياك


عاشق الحماد

[ملكة الرواسي]

ماشاء الله بالتوفيق
وصح لسانك شاعرنا
متابعين
.

[عوض الرويلي]

ماشاء الله بالتوفيق
وصح لسانك شاعرنا
متابعين
.القديرة عالية المقام
زيارتكم لديواني شرف لي وارجو ان تجدوا المتعة في محتواه دمتي كما تحبين.

[عوض الرويلي]

يا حبيبي البرق لاح
واستهلّت بالمزون


بسمتك نور الصباح
والندى فوق الغصون


ورد جوري يوم فاح
تحت ظل الزيزفون


يا حياتي مٓ استراح
خافقٍ فيه الجنون


صابني ماضي السلاح
من سهم رمش العيون


ليتني طير بجناح
واحضنك بين الجفون


عاشق الحماد

[عوض الرويلي]

جرح قلبي منك يالريم الجفول
وين عهدك والمشاعر والوعد


صابني يا غايتي حيرة وذهول
وقمت اعاني كل من قام وقعد


ارض صدّك كلها شوك ومحول
ذقت مر الشوق مع هم السهد


متى يضفي خافقي مزنٍ هٓطول
متى المح ضوح برقه والرعد


وتزهر الازهار في روحي واقول
اشهد انه يالغضي يوم السعد


عاشق الحماد

[عوض الرويلي]

رغبتي نخبتها من خيل ضمّر
مهرةٍ عند الطلب قبّا وأصيلة


بالوصايف كنها من مهار شمّر
اهل الطولات في كسب النفيلة


من سهوم العين معلوقي تدمّر
عين حرٍ صيدته خرْب الجزيلة


يوم شفت الزين منطوقي تسمّر
عنقها عنق المها بأول جميلة


ديارها عن ديرتي آخر ما عمّر
ليا بغيت انصا الغلا ما لي وسيلة


عاشق الحماد

[عوض الرويلي]

سر يا قلم وامليك من جزل الامثال
ورزقي على المعبود مهوّن صعيبه
محيي هشيم القاع من ديم همّال
المعتلي بالعرش علام غيبه
مخضر فيافي الارض بفياض وسهال
خلاق نور الشمس وايضاًٍ مغيبه
منزل على المختار آيات الانفال
برسالته ما فيه شكٍ وريبة
من بعدها سجلت من زين الاقوال
اقوال جزلة بالمعاني عجيبة
اوصيك يالمنعور لا تخاوي الانذال
اهل سوالف بالمجالس معيبة
الحر مرقابه على راس ما طال
يشرف على الصيدات بعزٍ وهيبة
والبوم اللي له الصوت ولوال
خسران من يقنيه وهافي نصيبه
من لا يروم المجد ينداس بنعال
ومن لا يحوش الطيب لا تعتني به
اجزم على الطولات يا طيّب الفال
وابعد عن اللي فعلهم تستعيبه
انصا الكريم اللي له الطيب شلّال
بذبح السمين ويبهر الناس طيبه
ملفاك من رايب البن فنجال
فنجال رايق يهتني به شريبه
ما حسّبت يمناه من دِق وجلال
على الكرم والجود يركب نجيبة
وارفا خمال الجار بالطيب ان عال
وارحم كبير السن قدّر مشيبه
هذي مواري الطيب بالناس يا عيال
خلك مثل هداج بعذبه وطيبه
وصلاة ربي على خير من قال
جنّب لظى النيران واحذر لهيبه


عوض الرويلي(عاشق الحماد)

[صـدووودٓ]

شاعرنا عوض الرويلي
مبروووك افتتاح ديوانك

مررت من هناا
وتجولت بين بساتين احرفك
فراقت لي جميعهاا
اهنئك ع جمال وابداع قلمك
تقبل تواجدي في متصفحك
اختك صـدووودٓ

[عوض الرويلي]

شاعرنا عوض الرويلي
مبروووك افتتاح ديوانك

مررت من هناا
وتجولت بين بساتين احرفك
فراقت لي جميعهاا
اهنئك ع جمال وابداع قلمك
تقبل تواجدي في متصفحك
اختك صـدووودٓ
اختي صدودكم اسعدني مرورك وتشرفتت به وما تفضلتي به من اشادة اعتبره وسام على صدري دمتي
كما تحبين مع اجمل المنى.

[محمد الغنامي]

الشاعر الجزل عوض الرويلي
الف مبروك افتتاح الديوان
عساه ديوان عامر بكل ماهو جميل ومباح
لاجديد سواء الابداع والجزاله المعهوده من شاعرنا
صح لسانك واعتلا شانك يامبدع
مروري وتقديري

[عوض الرويلي]

الشاعر الجزل عوض الرويلي
الف مبروك افتتاح الديوان
عساه ديوان عامر بكل ماهو جميل ومباح
لاجديد سواء الابداع والجزاله المعهوده من شاعرنا
صح لسانك واعتلا شانك يامبدع
مروري وتقديرياخونا الغالي ابو بندر.
تحية طيبة مع شكري وتقديري لتشريفكم ديواني والذي
ارجو ان يحوز على اعجاب الجميع دمت كما تحب.

[عوض الرويلي]

مجاراة متواضعة رداً على الشاعرة المبدعة نوح الحمام:

يا حي ورقا ارجهنّت على الدوح
نوح الحمام اللي تجيب الغرايب


مزنٍ تحدّر بالسما صار له ضوح
ترزم رعوده من جزيل الوهايب


القاف وافي وللشغاميم مطروح
ما به من الجزلات والحرف عايب


مثل الزهر ليا زم في اخضر السوح
والا الشهد للذوق بالريق ذايب


الهجس تاتي مع مسا الليل وتروح
مد البحر والجزْر سوّى العجايب


ذيبٍ عوى مع جرهد البيد له جوح
اخطا العشا من الجوع شاف الغلايب


اقفى يجر الصوت ما شاف مصلوح
حدّه عن الشيّان لال الشهايب


ياللي شكيت الحال والدمع مسفوح
الوقت مثل السيف جروحه صوايب


مثلك صويبٍ والزمن شاحني شوح
زاد العنا والقلب عروقه نهايب


يالله ياللي عندك الباب مفتوح
يا سامكٍ بالعرش مجري الهبايب


ياللي شفيت ايوب يا منقذٍ نوح
يشفع لنا المختار يوم النوايب


عاشق الحماد