# ابيات

[نايف خويتم]

تدري وش اللي كان أصعب من الجرح
كتمان جرحي وأنت تسأل علامي
سلمت لك روحي وشيدت لك صرح
وحطيت صدري شارةٍ لسهامي

--

رسايل الليل شفها في ملفاتي
رسايل من صميم الجرح مبناها
حفظتها لجل تحكي لك معناتي
عشان لو غبت عنك بيوم تقراها

--

تراكمت فيني مع الوقت والاوجاع
وشرع لها الخذلان باب المحاني
طعناتك اللي ترتكي بين الاضلاع
خيبة أمل تذبح صدوق المعاني

--

بصارحك .. مدري تحس وتقدر
عايش صراع بداخلي ماله .. اسباب
ابيك واخشى من عتابٍ يكدر
واخاف منك .. وحاسب لغدرك حساب

--

ملعون ابو هالشعور اللي .. فتح بابه
احيان احس انفصام .. بداخلي قاسي
منك الكلام اكرهه .. وضيق بسبابه
حتى ولو قلت احبك .. تقطع انفاسي

--

الخوف زعزع ثورة الحب فيني
خايف ولا لي غير صبري وسيله
ضايع ودور بسمتي في سنيني
والعمر واحد .. ما يجينا بديله

--


نتعب علي اللي يستحق المواقيف
الوافي اللي يستحقه .. وفانا
خل العتاب وخل عنك السواليف
ما جاء من دروس الليالي كفانا

--

شوف المجامل معك لوين وداني
خسرت نفسي قبل لا خسرك وبقالك
خلاص روح وسير الدرب وحداني
ضيعت قيمة غلاك بسبة اهمالك

--

ذوق الفراق وعذاب الجرح تطهيره
هذا جزاك وقسى قلبي من اسبابك
خلاص انهى الكلام وفضها سيره
ما عاد للشوق طاري ريح اركابك

--

خلني بحالي وابد لا تنشغل فيني
مدام قلبي عرفك وعارف اسرارك
ارجوك من سيرة الاشواق تعفيني
خل السوالف على وشلونك اخبارك

--

خلاص انتهى عمر الغلا وانتهى الملواح
تشوف الجفا في لوحة الكف وعيونه
غدى ديركم عقب البطى في سمها وراح
كفخ بالجناح وراح ما عاد تلقونه

[محمد الغنامي]

الله عليك يانايف
صح لسانك مليون يالمبدع
مروري وتقديري
لاهنت

[النجلاء]

صح الله لسانك يانايف
مقتطفات لم تكتمل في قمة الروعه
مبدع وجزل شاعرنا وشهادتي فيك مجروحه
دمت ودام مداد قلمك ورقي حرفك الشامخ
تقديري لسموك
النجلاء

[خيال مطير]

صح لسانك يالامير
وبيض الله وجهك

[شموخ الوايليه]

الشاعر القدير
نايف خويتم

ابدااااع الله لايضرك
صح السانك واعتلا شانك
تقديري لك واحترامي

[ملكة الرواسي]

الله عليك
صح لسانك ملاييييييييين
نص راقي وجميل
يسلم نبضك

[الجووهره]

أبيآآآت رآآآئعه جدااا

صح لسآنك اخوي نآيف

ويعطيك العافيه

[سحاب]

روعة الحرف تعانق سمو المعنى
لتستلهم من جمال الكلمه قصة ابداع
صح لسانك مليون ولا يكفون
تشرفت بقرائتي لقصيدتك الرائعه
وبيض الله وجهك على اتحافك الجزل
تحياتي وتقديري لشخصك الكريم

[عاشق]

صح لسانك يالقرم
قصيده جزله ورايعه
تحياتي

[مناهل]

رآآق لي حرفك
واستهوتني تعابييرك
احساس جمييل مادونته عبر سطوورك
فسلمت بعدد حروفك وابجديات القلم
تقبل
احتراامي