مرحباً بالجميع طاروق لمن وده يلعب مرحبابه

[عبدالله المهداني]

السلام عليكم

لمن وده يلعب الله يحيه محاكيم مبتدي

اتمنى تنال اعجابكم

كل شاعر هجوسه غاص غب البحور ..
خص باللي تعّمق خابراً وش مداه ..
يا سلامي سلاماً فيه فحص الشعور ..
وفيه من صكت البالوت صناً معاه ..

[صـدووودٓ]

وعليكم السلام
صح لسانك وعلا شانك
بنتظار من يلعب ويحاورك
لك ودي

[الجووهره]

وعليكم السلام

صح لسآنك عبد الله

وبانتظار احد شعراء روآسي للرد

[مهرة يام]

صح لسانك يالمهداني
وبانتظار شعراء رواسي
يعطيك العافيه

[محمد الغنامي]

عبد الله المهداني
صح لساااانك مبدع
ويشرفني اللعب معك
ونعتذر على التاخير بس البدايه كانت في وقت متأخر

من هجوسٍ مضراتٍ بنحت الصخور
مرحبا عد مزنٍ دوب ماهــــل مااه

اقلط الله يكافـيـــك النشـب والعثور
كان عندك هدف حدد لنا الاتجاه

[النجلاء]

الله الله
صح لسانك يالمهداني
وصح الله لسانك يابو بندر
واصلو الطاروق وانا بصف المهداني

[صـدووودٓ]

الله الله
صح لسانك ي ابو بندر
وانا من صفك
بنتظار المهداني

[سجين الرواسي]

الله الله يا سلام يا سلام

مبدعين واصلوا

[محمد الغنامي]

صحت ابدانكم جميع
وحياك ياصدود خليك بصفي


وانا قررت اشوي المديره والمهداني شوي الجراده ههههههههههههههههههههههههه

[وافي الحرف]

الدعوه فيها شوي
ابو بندر انا بولع لك النار واكثر الحطب
ابي شوي شوي هههههههههههههههه
وانت تخبر برد واللحم زين بالرد
موفقين

[النجلاء]

هههههههههه بل عليك يالشمري مكثر قشرك جاهز وعجل يوم فيها شوي
بنتضار شاعرنا وباقي الصفوف هالله هالله بالحماس

[شموخ الوايليه]

ههههههههههههه
صادقه نجوله

صحت السنتكم
يالمهداني
والغنامي
انا متابعه بس
هههههههههههههههه

[وافي الحرف]

هههههههههههه
يالاميره هذا مو قشر
بالله عليك فيه احد ما يحب الشوي
خاصةً في البرد
لحم وبرد ونار اتوقع لي انا كافيه ووافيه
ههههههههههههههه

[ناصر الهواوي]

واصلو والصفوف مرتصه
صحت السنتكم يامبدعين

[عبدالله المهداني]

يامحمد صح الله لسانك فديت عينك

واهلاً بالغالين اللي ردو جعلني ما اعدمكم


الهدف يا محمد واضحاً ومخبور
من زماناً كفا الله عاقلا ما بلاه
بين عوج الضلوع تدور بعض الامور
وقمت احلل على ما قد طراك وطراه

المعذرة على التأخير

[شموخ الوايليه]

صح السانك يالمهداني
وحياك الله

[محمد الغنامي]

دايم وشبرنا ماهوب مثل الشبور
والله اللي تعالى يااجودي في سماه

كان ودك بسلعه للابد ماتبور
زود النفس بالتقوى وتلقى الغناه

[عبدالله المهداني]

لا تقول الليالي ثابته ماتدور..
وانت خابر زمانك كاشفاً ماخفاه..

شوف عيني حماسك من زمانك يثور ..
والحقيقة غريبة وقعت في صفاه ..

...

[النجلاء]

الله الله
ياسلام عليكم شعرائنا ابداع لاعدمناكم
صح لسانك يالمهداني
وصح الله لسانك يابو بندر

[محمد الغنامي]

انت وش فيه قدرك ياعميلي يفور
كل راعي عصا عينك تراقب عصاه

لو تفكر من هنيا ليوم النشور
مالك من الزمان المغبر ألأا غثاه

[محمد الغنامي]

صحت ابدانكم جميع
وصح لسانك ياعبد الله


الاميره منوره
دايم متابعه الله يحفظك

[ملكة الرواسي]

وعليكم السلام
صح لسانك ملايييين
يعطيك العافيه ولا هنت

[صـدووودٓ]

الله الله
صح لسانك المهداني
وصح لسانك الغناامي
يعطيكم العافية

[عبدالله المهداني]

عانك الله عسى ربي يبث السرور ..
بصدرك اللي وسيعاً مالحقنا مداه ..

كلمتاً من محباً فيه رأي وشور ..
لاتمد بعطاك ان كان قل بعطاه ..


صح السانك يا محمد وابدعت

ويشهد الله ان اللعب معك مميز

وسلمت وويسلم كل من شاركنا بالطاروق

تحياتي لكم جميع فرداً فرداً

[محمد الغنامي]

عبد الله
صح لسانك واعتلا شانك
استفدت من اللعب معك ولي الشرف

وصحت ابدان الجميع واشكركم على الحضور

[النجلاء]

صح الله لسانك يابو بندر
وصح لسانك يالمهداني
ابدعتو وامتعتو ولاهنتو شعرائنا
وفي انتضار محاورات قادمه ان شاء الله

[سجين الرواسي]

الله الله

ابدعتوا صح لسانك يا عبدالله وصح لسانك يا ابو بندر

تقبلوا مروري

[الجووهره]

صح لسآنك المهداني

وصح لسآنك الغنآمي

محاوره رآئعه

أبدعتوو ويعطيكم العآفيه

[رحيل]

ابدعتوا محاوره في قمه الروعه ،
صحت السنتكم ..