الطير حوران 👀👀

[بوح شاعر]

الليله المعنا عطر في قزازه // وين انت عني ياسفير المحازه // لو كان مالي ف الخراريص عازه /// اللي تبيه العين تسهر وتلقاه

نبا الليله نسولف مع الطير حوران
ولو كان مالي في الخراريص حاجه

مضاله ثلاث اشهور والطرف سهران
يخطط على اللي كبر صدر الدجاجه

[محمد الغنامي]

ههههههههههههههههههه. الله الله
صح لسانك ياغشام
مبدع مبدع
ننتظر الطير حوران

[خيال مطير]

صح لسانك غشام

يويلك من الطير وش يفك من ذوي عطيه
هههههههههه


يخطط على اللي كبر صدر الدجاجه

ههههههههههههههه قويه

عجل يالطير

[مهرة يام]

صح لسانك يا غشام
ننتظر الطير حوران

[طير حوران]

الليله المعنا على فهم غشام... يفوح ريحه مع ذعاذيع الانسام...ياراحمٍ حال الضعافا والايتام ..
.اللي تبيه العين تسهر وتلقاه


ابااقنعك لين تروح راضي وقنعان...وصاف القراح يسدنا عن هماجه

سهرت اطلب المعبود رحمه وغفران...ولاجيت حول الواطيه والسماجه

[بوح شاعر]

هههههههههههه طيب ي مطوع المويه



ضحكّت سني واسفهل الحجاجي // يللي سهرت الليل لله تناجي // الذيب قلي وش يبا بالنعاجي // واللي تبيه العين تسهر وتلقااااااه

لقيت لك جرّه وانت يالذيب سرحان
تدير لك شبكن ممرحاتن نعاجه

انا خابرك وأعرفك من عدة ازمان
فعلت لك فعلن مافعله الخواجه

[بوح شاعر]

هههههههه ابو بندر صح بدنك

خيال مطير صح بدنك واطلع منها كلنا عطوات هههههه

المهره صح بدنك

[طير حوران]

بعض الكلام اواجهه ببتسامه...واخذ حلاله واتجنب حرامه...متى سمعت الحر صاد النعامه
واللي تبيه العين تسهر وتلقاه

وعيناك محولّه وغاوي وغلطان...وخشمك من الشكات زاد انعواحه

وعرفي وخبري مع طويلين الايمان...على الطيب وافعال الرجال انتواجه

[صـدووودٓ]

صح لسااانكم
غشام والطير

[بوح شاعر]

ترا التبسّم للهواوي علامه // لاصار معجب حيّل في ام اللثامه // غمزه بعين وضحكتن وابتسامه// واللي تبيه العين تسهر وتلقااااه

مطوع ما اجيب علوم من دون برهان
وكلن على ماقيل يعرف خراجه

ما اذمك لكن يمكنّها زلت لسان
ولو صاحبي منها تعكر مزاجه

[طير حوران]

وجهة نظر شاعر وجايع مشاعر...فيها اختلافٍ بين شاعر وشاعر...وبداية الشاعر تسمى تشاعر

واللي تبيه العين تسهر وتلقاه

يابعد المسافه بين حائل وجيزان....جمعت الفتيل ولالقيتو سراجه

ياغشام ماقلت ارخ اذانيك لفلان...تصدّق مضيّع صيدته في عجاجه

[بوح شاعر]

ههههههههههههههههه

البيت وسط السجن تلقا دليله // ف ام العيون الناعسات الظليله //وكليب سبة موتته من جليله // واللي تبيه العين تسهر وتلقاه

لا تجزع من اللي جاك لو الدهر شان
ترا ماش ضيق الا بعده انفراجه

ماصدّقت فيك الا بعد شوف الاعيان
وصريع الغواني كيف نلقا علاجه

[بوح شاعر]

صح بدنك صدود

[طير حوران]

ذئبٍ قدم عينك يحوف البهيمه..وين انت عنها يالشجاع الصتيمه..تقول ريمان إيعلف جنب ريمه

واللي تبيه العين تسهر وتلقاه

علومي عليك اثقل من النير وابان...ياراع الزجاجه لاتطيح الزجاجه

سوالفك راحت كلها ارباع واثمان ...وصاحبك ياغشام يضحك حجاجه

[بوح شاعر]

هههههههههههههههههههههههههههههههههه

صح لساااانك ولاهنت يابو ساره ههههههه

[النجلاء]

الله الله
ياسلام عليكم ياشعرائنا المبدعين
صح الله لسانك ياغشام
وصح الله لسانك يالطير حوران
ابدعتو وامتعتو واصلو ولا تحرمونا الابداع

[بوح شاعر]

صح بدنك وربي يسلمك ي النجلاء

[عايض العتيبي]

ههههههههههههههههههههههههههههههههههههههههههههههههه
صح لسانك ياغشام
وصح لسانك يابو ساره
مبدعين لاهنتوا استمتعنا بمتابعة ابداعكم الأكثر من رائع

[طير حوران]

صحت ابدانكم جميع

[مـهـا]

صح لسانك غشام / صح لسانك الطير حوران


ابدااع وامتاااع يفوووق الوصف ..

[طير حوران]

صح بدنك مها

نورتينا

[بوح شاعر]

صح بدنك عايض

صح بدنك المهره

صح بدنك مها