المساعد الشخصي الرقمي

مشاهدة النسخة كاملة : ياغازي ترى الميعاد روس المراقيب

عبدالاله الحجيري
26-03-2009, 08:42 PM
سلامي سلام(ن) خالي من العذاريب=يكمّل مطاليبه بعزّ وشجاعه
ياغازي ترى الميعاد روس المراقيب=تحزّم وقلبك لا يجي فيه راعه
غازي العتيبي
26-03-2009, 08:53 PM
هلا مرحبا ترحيب من ذيب ياذيب = يعشيك في ليلً كثيرن جياعه
وصلنا المراقيب وعملنا المواجيب = عسى تلحق العراف من بعد ساعه
عبدالاله الحجيري
26-03-2009, 09:05 PM
يدوم البقا يامكثرين التراحيب=واظّن السباعه ماتعشى السباعه
يازين البنادق لو تصيب المضاريب = من القوم لاتقطف نسمك السراعه
غازي العتيبي
26-03-2009, 09:13 PM
زعيم الذيابه هو كثير الاقانيب = ومن لاقنب اكيد مرخي خناعه
تخون البنادق بالرصاص المكاذيب = يراع البضاعه لاتبيع البضاعه
عبدالاله الحجيري
26-03-2009, 09:30 PM
حكيم الرجال يحسب تال العواقيب=ولايرمي الكلمه ويرفع ذراعه
ياغازي ترى الدنيا حضوظ وتجاريب=تذّم الصناعه وانت راع الصناعه
غازي العتيبي
26-03-2009, 09:41 PM
تبا العلم ماذميت ناسن اصاحيب = لكن احسن الك اتقول سمعن وطاعه
انا خابرك توفي جميع المطاليب = وراع الصناعه عاكسين انطباعه
محمد الايداء المورقي
26-03-2009, 09:52 PM
الليل الليل



ابداع

احم احم يا غازي


متاااااااااااااااااااااااابع
عبدالاله الحجيري
26-03-2009, 09:57 PM
ترى الشمس تطلع فوقك اليوم وتغيب=ونفسك من الايام فيها طماعه
قبل لا تشب النار شوف المشاهيب=ولاعندنا رحمه لراع اللكاعه
غازي العتيبي
26-03-2009, 10:17 PM
مادامنها شمسً بلا شكه وريب = نبالنور ياهل النور وين البراعه
نطحنا الجموع ولاحسبنا المحاسيب = سلامات فالدنيا وصون الوداعه
عبدالاله الحجيري
26-03-2009, 10:41 PM
جمعنا القدر ياصاحبي والمكاتيب=وبحر الشعر وافر ولا فيه قاعه
نهاية مطاف القاف صّفّ المشاريب= ووجه الزمن لا ينكشف لك قناعه
غازي العتيبي
26-03-2009, 10:50 PM
الحجيري صح السااااانك ولاهنت
بيض الله وجهك
امتعتنا معك الليله يالذيب والى لقاء اخر
وحياك الله يالأيداء ولاهنت على الوجود الجميل
لاكن لاعاد تقول احم احم هههه
تصبحون على خير
عبدالاله الحجيري
26-03-2009, 10:52 PM
والله انا اللي تشرفت باللعب معك

وانت من اهله

تحيااااااتي
محمد الايداء المورقي
26-03-2009, 11:51 PM
صح لسنتكم


شعار مبدعين

تحيتي