ياسلام الله على دارٍ معزتها بهلها

[برق الوسم]

االسلام عليكم ورحمة الله وبركاته

مشاركه مع اخواني الشعار في هذا القسم والله يحيي الجميع



عدّ مالاحت بروق الخير في عرض الخيالي
ياسلام الله على دارٍ معزتها بهلـــها
العلوم الطيّبه تبقى على دور الليالي
والسوالف عملـــــةٍ اريالها يفلج هللها

[ملكة الرواسي]

برق ....
حياك الله شاعرنا بيض الله وجهك
كفيت ووفيت لاهنت

[برق الوسم]

بارك الله فيك أختي الملكـه ولاهنتي

[محمد الغنامي]

برق الوسم
صح لسانك مليون
والعذر من الله ثم منك
والله العظيم دوبي شفت المحاوره
بس ان شاء الله بيجون الشعار ويردون لاني مسافر
الحين وماسك خط

[غنجَ]

صح السانك ولاهنت
وبأنتظار الشعراء
واتمنى لكم وقت ممتع في المحاوره

[السيد زيني]

صح لسانك يا برق الوسم
كلمات تصف نفسها

تسلم ايدك

[النجلاء]

صح الله لسانك يابرق الوسم
وفي انتضار شعراء رواسي

[نهر]

عد ماهلت مزون الخير في روس الجبالي
مرحبا في حلةن جادت على منهو وصلها

العلوم الطيبة حملن على ظهر الجمالي
والأوادم لا حكت نعرف نعمها من خبلها

[محمد الغنامي]

الله الله
صح لسانك يانهر
مبدع وجزل الله لايظرك

[النجلاء]

الله الله
صح لسانك يانهر

[الجووهره]

هلا لك برق الوسم

وصح لسانك

وصح لسانك نهر

ويعطيكم العافيه

[برق الوسم]

أرحـب يانهر

وحي الله الجميع كلٍ بأسمه لاهنتو

البقا ياللي ترحب عقب ماجالك مجالي
لاتغرّ الكلمه اللي يروي الظامي زللها
كل رجالٍ يميز فالحرام وفالحلالــي
مير شفنا أم الكباير مستمرّه في حَمِلها

شوف لنا وقت تكون فيه متواجد نكمل الملعبه لاهنت إن بغيت طرق جديد ولا نكمل الطرق

[النجلاء]

الله الله
صح لسانك يابرق
وانا وياك حددو وقت احسن عشان تكتمل الصفوف ويحلى اللعب
لاهنتو شعرائنا

[محمد الغنامي]

الله الله
صح لسانك يابرق الوسم
مبدع مبدع
الليله حاول تنسق مع نهر في صندوق المحاثات اعلى الصفحه الرئسيه
وانا تراني ضدك انت والاميره وفي صف نهر
ههههههههه

[خيال مطير]

صح لسانك يا برق الوسم
وصح لسانك أخوي نهر
كلكم
مبدعين
بيض الله وجييييهكم

[نهر]

والله اني ماوردت العد بقصار الحبالي
مير حاسب لاتزل بكلمةن ماتحتملها

ادري ان مافيه كامل دام لله الكمالي
والعرب ماني محاسب قولها والا عملها

[نهر]

صح ابدانكم جميع

وجودكم شرف وفخر

لاهنتوا



مرحبا شاعرنا
اللي تامر فيه طال عمرك

الليله إلى 11
وبكره بعد 11 بالليل

تبي نكمل والا محراف جديد على هواك

[محمد الغنامي]

صح لسانك يانهر
مبدع يامبدع
ننتظر الوقت المحدد
ان شاء الله

[طير حوران]

برق الوسم

نهر


صحت السنتكم .

[برق الوسم]

آمر المعروف وأنكر كل منكر لا بدالي
يوم بعض القوم كفي من تخاذلها اغسلها
والله اني لابريت القوس مايخطي نبااالي
مير شمس المعرفه تشرق وتعمي من جهلها

يالربع نسقوها اكتب من الجوال ولا فيه تنسيق

يانهر اختم عندك وحدد لنا وقت بكره الليل امسااا لاهنت

[طير حوران]

صح لسانك برق وننتظر الختام

[نهر]

الحكومه ماتلفت في تهرًاج العيالي
ماترد الا على موس الشوارب لا فتلها

والله ان البير تبغى للسواني والمحالي
مير وين اهل العضود اللي ينومسنا فعلها

[نهر]

صح لسانك يا شاعرنا وفالك طيب

[النجلاء]

صحت السنتكم شعرائنا المبدعين
ويعطيكم العافيه ع الابداع

[برق الوسم]

صح الله لسانك وصح بدنك وفالك العلم الطيب

ولاهنتو جميع كلٍ بإسمه

[نهر]

يرفع


.
.