المساعد الشخصي الرقمي

مشاهدة النسخة كاملة : الطير حوران ضيفنا في قوافينا الشعريه


مهرة يام
28-03-2016, 07:33 PM
ضيافة قوافيَناالشعريه )









.. مسـآء الشعر..

وَ أعذب القصيد ..


احاسيس دافئـه
تجبرنا على الاصغاء
تزخر بكثير من عذوبه
لتحاكي مشاعرنا
ولنعيش طقوسها
بتفاصيلها
وتناقضاتها
لنبحر معها حد الغرق
احاسيس يترجمها
نبض قصيـــدة..!!
من هنا
وفي كل مرهـ
سنكون في ضيافـة عضو
سنبحر معه لننتشي عذب المشاعر وأروعــهآ
ونستمتع بعذب ذائقته الشعريـة
ليقوم بدورهـ وبعد انتهائه
باختيار عضو اخر يكمل رحلتنا تلك
و يمتعنا بروعـة اجاباته على الاسئلـة التاليه..


1- متى كانت بدايتك الشعريه ؟!!

2- ماهي علاقتك بالشعر ؟!!

3- من هو شاعرك المفضل ؟!!


4 _ ماذا يعني لك شعر الغزل ؟!!


5- قصيده تهديها لشخص معين ؟ !!


6 - هل لديك اجواء معينه لكتابة القصيده ؟ !!

7 - هل قصائدك من الواقع أم من وحي الخيال ؟ !!

8 - هل شاعريتك وراثه آم انها موهبه ؟ !!
555555555555555ق5
9- اعضاء في رواسي نجد تثق في ذائقتهم الشعرية ؟!!

10- بيت شعر يحضرك دائما ؟!!

11- قصيده تعدها من اروع القصائـد بالنسبه لك ؟!!

12- قصيده تتمنى لو كنت اللي كاتبها ؟!!


13- قصيده اثرت عليك في مضمونها ومنهو شاعرها ؟!!

14 - امتعنا بقصيدة على ذوقك ؟!!

- لك مساحه بلآ حدود وحرية بلا قيود


وَ أخيراً .. من تريد أن يكون ضيفاً في قوآفينا ؟

اتمنى ان ينال اعجابكم
المهره الاصيله

النجلاء
28-03-2016, 09:13 PM
يعطيك العافيه مهوره
وفي انتضار ضيفنا الطير حوران

محمد الغنامي
28-03-2016, 10:41 PM
اختيار موفق
في انتظار الشاعر
الطير حوران

الجووهره
29-03-2016, 01:43 AM
يعطيك العافيه مهووره

وبانتظار الطير حوران

خالد العبيريد
29-03-2016, 01:51 AM
موضوع جميل جداً ،،
وبانتظار المميز طير حوران ،،

عايض العتيبي
29-03-2016, 04:34 AM
يعطيك العافيه يالمهره
وبانتظار الطير

طير حوران
29-03-2016, 09:10 PM
متى كانت بدايتك الشعريه ؟!!
منذو الطفولة احب الشعر واستمع له واطرب لسماعه ولكن انطلاقتي الحقيقيه في عالم الشعر والشعراء كانت بعد المرحلة الثانويه
2- ماهي علاقتك بالشعر ؟!!
الشعر يتنفسني كما اتنفسه
3- من هو شاعرك المفضل ؟!!
لايوجد لدي شاعر معين واسمع كثيراً لأغلب الشعراء ويعجبني القصيد الجزل
4 _ ماذا يعني لك شعر الغزل ؟!!
من أحب أغراض الشعر لدي
5- قصيده تهديها لشخص معين ؟ !!
ركايبي من كثرةالسّج ضمّر=اعسف مطيه وبركتبي مطيّه
على اللذي زينه على جيله اخطر=قليل تاجدفالعذارى حليه
حبي لهااصفامن القراح المقطّر=ياطاعلى شوح السواياالرديّه
لوحيت طاريهامع الناس يذكر=اغاروالغيره عليهاقويّه
ياماعليهاولجلهاالعين تسهر=احاكي النجمه بليل اشتويّه
النجمه اللي في دجا الليل تظهر=ياهنيهابالنظره العالميّه
عنهاالحبايب ساليه ماتستر=تطش عنهاالأقنعه عنجهيّه
وانااتحرّامزنة الصيف تمطر=يبس لساني والعسل فالخليّه
ياعاذلين القلب شئٍ مقدّر=اناأبسماهانجمةٍ سامريّه
غلاه للنجم المراقيب يشهر=حلّق على سطح النجوم المضيّه
ألم روحي لجلهاوتبعثر=داخل جسدهانبضةٍ داخليّه
تحس بي والاّعليّه تغشمر=روحي بداخل روحهاتعيش ابيّه
اهديلهاباقات وردٍمعطر=احمل غصونه فوق راحة يديّه
عليه رذراذالسحابه يقطّر=يفوح عطره والملامس طريّه
غيرالقصيداللي حروفه تسطّر=روحي وماتملك يديني هديّه


6 - هل لديك اجواء معينه لكتابة القصيده ؟ !!
معظم القصائد التى اكتبها هي نتاج مواقف او اجواء معينه
7 - هل قصائدك من الواقع أم من وحي الخيال ؟ !!
هناك من الواقع وهناك من نسج الخيال فهي خليط بين هذه وتلك
8 - هل شاعريتك وراثه آم انها موهبه ؟ !!
شاعريتي وراثه
9- اعضاء في رواسي نجد تثق في ذائقتهم الشعرية ؟!!
الجميع مبدعين وذائقتهم الشعريه رائعه
10- بيت شعر يحضرك دائما ؟!!

اخير منها ركعتينه بالاسحار ...لاطاب نوم اللي حياته خساره

11- قصيده تعدها من اروع القصائـد بالنسبه لك ؟!!
ياسرع دورات الليالي والايام=تمرناايام السنه في ثواني
تركض بناالدنياعلى المتن قدام=لحظة متاع ولاعليهاضماني
صاروبهاالاقراب عدوان واخصام=اكبرمثل عقالناماتداني
إيصدقون أل كل واشي ونمام=لجل الرفيق إيجردون السناني
تغيَرت حتى ذعاذيع الانسام=الله يكافينااختلاف الزماني
تسيّدالراعي والاسيادخدام=الرابضه تركض بقلب ولساني
راحوبني يعرب تشاتيت واقسام=تفرقت كلمة طوال اليماني
نجامل الظالم وللحق صيّام=طحناتحت خف البعيرالعماني
ومناصرالسنه فمه فوقه الجام=ماكن حول المسلمه مسلماني
ماكان في غزه وماصارفالشام=وماغاب عنَانسمعه بالاذاني
وزودٍعلى انياح الارامل والايتام=نبض القلوب المؤمنه مرعباني
نخشى من الحيَه ومن نابهاالسام=ترسل رسالتها مع العقرباني
نخاف ياتينا مثل يوم صدام=غصباًعلينانقول راحه واماني
شئٍ طبيعي نشهداحداث وإجرام=وبدل تعازينا احتفال وتهاني
من لاوطاه الزّام واصلًه الزّام=القدس كمله يبنأيعرب يعاني
صاروخ في جوّه وتحت ارضه الغام=وحنانحط من الشحم فالصياني
زودالنعم يعلف بهاالطيرلاحام=وبعض العرب يمسهاشئ ثاني
وارض السعوديه بهاالنفط والخام=وللدوله العظمى نصيب ومكاني
نبيه عنّاإيصدغارات الاقزام=فنس الخشوم سخيّفين المثاني
ان مافرجهاالله عليناهذاالعام=رحناعشى للسبع والثعلباني
يداهم الارواح شاري وسوّام=طاح القوي فوق الضعيف امتواني
ارياؤناتذبل تفاريدواكوام=من راس عيطاحوّلت لطّماني
متى عذاراالدين تقلح بضرغام=يهزعرش اللي يعبدالوثاني
اليااختلط فالجوبارودوعسام=نرقاعلى ظهورامهات العناني
وعلى قفاابيوت الشعرنبني اخيام=ونردللسيف الحدب والحصاني
لن النفوس آخرنهايتهاالاعدام=ولاّالبقالله والعمرفاني
12- قصيده تتمنى لو كنت اللي كاتبها ؟!!

لااتمنى ان تكون قصايد الغير لي ولكن لو اعجبت بقصيده ان اتي بمثلها او افضل
13- قصيده اثرت عليك في مضمونها ومنهو شاعرها ؟!!
قصيدةالشاعر لافي الغيداني
اقبل يحرك خطوة الرجل برفـوق
والقاع لمصافـح خطـاه يتشـوق

مخلوق لا كنه ماهو بأي مخلـوق
علـى بنـات آدم وحـوى تفـوق

عليه لبسٍ يجمع الوسع والضـوق
موسع بعضـه وبعضـه مضـوق

مر وتعدى مابـدى منـه منطـوق
إلا أنه بجيـش المفاتـن مطـوق

خلاني أمشي وأقضب الدرب واتوق
ماني بتايـق فكـر لاكـن متـوق

تقول مرميٍ على الأرض من فوق
ولامـن السـم السقطـري مـذوق

يغفى علي شـوي وشـويٍ أفـوق
وأقول لا أستيقضت والبـال روق

مادام لا أمعوق ولا صايبه عـوق
وراه يمشي مثـل مشـي المعـوق

اللي على حاله خطر من هل السوق
مفروض يمنع مايـروح يتسـوق

14 - امتعنا بقصيدة على ذوقك ؟!!
خلوني أخذلي مع البر سجات=وخاطب الماضي وبيح الكنينا
فيه انولدت وفيه عشت احلا الاوقات=ودفنت في داخل ثراه اليدينا
ياوجد روحي يالزمان الذي فات=يوم أتذكر ماضيات السنينا
في خاطري هرجه وفالراس نعرات=يرضون لاّضاقو ابنااللذينا
ماجال في صدري ومادار فالذات=تريحو يأصحابي العاذلينا
ارقى برجلي في علو الطويلات=وشم ريح اجدادنا الاولينا
مرابط أخيول القروم المغيرات=ومبرك وماطأ مجروعات الحنينا
أذكارهم حيّه ولو نبضهم مات=برواحنا مقدار كنزٍ ثمينا
ماضي سلفنا فالعصور القديمات=بيت الشعر ملم للغانمينا
تناقلوا فيه العلوم الرزينات=بيض النوايا تجمع الطيبينا
الهم تقاليد ومبادي وعادات=بسلومهم ومجادهم معتلينا
ابنائهم يوم السجايا حميدات=عونٍ لهم في كل ساعه وحينا
يزيد شأن الطاهرات العفيفات=أدب وحسن أخلاق مع كثر دينا
حياتهم لو هي ضروفٍ صعيبات=عاشوا على التمره ودر السمينا
اصالة انفوس الرجال العزيزات=تلوح في دجأ الظلام وتبينا
حتى ولو تغلب علينا الحضارات=نحيي تراث أجدادنا مااستحينا
ترسي كما ترسي جبالٍ منيفات=بقلوبنا تكون منا وفينا
وحياتنا لوهي سنينٍ مديدات=من حيث مانبدأ الطريق انتهينا
تمض الليالي تالي الوقت عجلات=تمرنا ايام السنه مادرينا
واعمالنا ترفع ثقال وخفيفات=أمّالنا ولاّتسجل علينا
نصوم ونزكي وند الصلوات=في ذمة الله كلنا ماعلينا
انغذي الانفس بترتيل الايات=نخشى نهارٍ يفجع الغافلينا
واليا رحمنا الله مع اهل العبادات=روضة جنان الخلد فيها التقينا
تمت وصلوا كثر وبل المخيلات=على محمد سيّد المرسلينا

- لك مساحه بلآ حدود وحرية بلا قيود
اشكر الجميع وانا فخور لوجودي بين كوكبه رائعه من الشعراء والشاعرات ..

وَ أخيراً .. من تريد أن يكون ضيفاً في قوآفينا ؟

الشاعر / خالد العبيريد

مهرة يام
29-03-2016, 10:59 PM
يعطيك العافيه على الحوار الممتع
استمتعنا وياك باللقاء الجميل
والاجوبه الرائعه
احترامي لك

عايض العتيبي
30-03-2016, 02:59 AM
يعطيك العافيه يالطير وصح لسانك
استمتعنا باللقاء معك وباجاباتك الرائعه
والشكر موصول للاخت المهره على هذه الاستضافه
تقبل مروري وتحياتي

خالد العبيريد
31-03-2016, 11:53 AM
صح الله لسانك ياطير حوران ،،

لاهنت باذن الله لي عوده واشكرك ياغالي .

طير حوران
01-04-2016, 07:30 PM
شكراً للجميع

يعطيكم العافيه